Popular Bible Verses from Hebreos 6

Share

Ruma c'u cubul pan kac'u'x che wa bi'tisim canok, oj tiquil chi utz y jiquil uwach ri kanima', ma lic cubul kac'u'x ruc' ri Jun oquinak c'a chila' chicaj chirij ri telón chupa ri Luwar lic Santo.

Ri Dios lic jusuc' ma na cumesc'utaj ta ri chomilaj chac 'anom alak pa rubi' y ri rutzil c'u'xaj c'utum alak chique ri quicojom rubi', ma lic xenimaj alak y c'a catajin ne alak che u'anic wa' wo'ora.

Ruc' c'u wa bi'tisinic xujiquiba' uwach, lic k'alaj na cajalc'atix ta rubi'tisim ri Dios, ma Rire na cu'an ta rak'ubal. E uwari'che ri'oj ri karikom ruto'bal ri Dios, lic nimarinak kac'u'x caka'an ke che ri bi'tisim can chike.

E uwari'che chojq'uiy chwach ri Dios, na xew ta que'ec kana'oj chwi lo ri nabe c'utunic puwi ri Cristo; wa' e c'utunic puwi ri rok'otaxic tak can ri na jinta cutikoj ma xew cuc'am lo camic, c'utunic puwi ri cubulibal c'u'xaj chwach ri Dios