Popular Bible Verses from Hebreos 5

Share

Ri cowilaj wa'im xew takal chique ri e nima'k chic; jec'ula' c'o c'utunic chupa Rutzij Upixab ri Dios xew quemajaw usuc' ri queta'am sa' ri utz y sa' ri na utz taj chwach ri Dios yey lic quitakem c'u u'anic ri utz.

Lic c'o tan k'ij lo ri' xtzijox ri Utzilaj Tzij che alak; ec'u ri lic ube e tane e la' alak chi aj c'utunel re wa'. Na ruc' ta c'u ri', lic ne cajawaxic cac'ut tanchi che alak ronoje ri nabe xmaj lo alak puwi ri Utzilaj Tzij re ri Dios. E pacha' cajawax tanchi che alak catij alak tz'um ma c'amaja' camaj alak utijic ri cowilaj wa'im. Ma e junok c'amaja' umajom usuc' ri cubi'ij Rutzij Upixab ri Dios puwi sa' ri usuc' y sa' ri na usuc' taj, ri' e pacha' juna ne' c'a cutij utz'um.

Ec'u ri Cristo, tob e Uc'ajol ri Dios, xumaj ucojic utzij ri Dios ruma ri c'axc'obic xric'owibej. Ruma c'u xutz'akatisaj uwach ronoje ri xraj ri Dios che, xu'ana aj ya'l colobetajic na jinta utakexic chique janipa ri quecojow utzij Rire.

Ri Cristo echiri' xjeki' wara che ruwachulew lic xu'an orar, ruc' ok'ej y ruc' sic' lic xelaj chwach ri Dios, ri c'o puk'ab cucolobej chwa ri camic; y ri Dios lic xuta re ruma ri lic uya'om rib puk'ab.