Popular Bible Verses from 2 TUI 6

Share

A sa masu ko Ilaisa, ka kaya, Kemuni Jiova, mo ni vakayadrata mada na matana, me rai rawa ko koya. A sa vakayadrata na matana na cauravou ko Jiova; a sa rai ko koya: ka raica, sa oso na ulu-ni-vanua e na ose, kei na qiqi bukawaqa, era tiko vakavolivoliti Ilaisa.

A sa kaya ko koya, Kakua ni rere: ni ra sa lewe vuqa era sa tiko kei kedaru, ka lewe lailai era sa tiko kei ira.

A sa sou e na mataka na nona dauveiqaravi na tamata ni Kalou, ka curu yani, ka raica, sa buku na druadrua ni koro e nai valu, kei na ose, kei na qiqi-ni-valu. A sa kaya vua na nona cauravou, Isa noqu turaga! a cava me daru cakava?

Ia ni ra sa lako sobu vua, sa vakamamasu vei Jiova ko Ilaisa, ka kaya, Mo ni yaviti ira mada na tamata oqo, me ra mataboko. A sa yaviti ira ko koya me ra mataboko, me vaka na vosa i Ilaisa.

Sa kaya na tamata ni Kalou, Sa lutu evei? A sa vakatakila vua ko koya na tikina ka lutu kina. A sa taya ko koya e dua na taba ni kau, ka biuta ki kea; ka sa nawa na kaukamea.

Ia ni sa taya tiko e dua na kau e dua vei ira, sa lutu ki wai na matau; a sa tagi ko koya, ka kaya, Isa, noqu turaga! ni sa kerei ga na matau.

A sa kaya ko koya, Mo taura cake mada. A sa dodoka yani na ligana, ka taura.