Popular Bible Verses from 2 TUI 5

Share

Ia ko Neamani, na kapiteni ni nonai valu na tui Siria, sa tamata vakaturaga e mata ni nona turaga, ka sa dokai ni sai koya ka vakabulai Siria kina ko Jiova: a sa tamata qaqa e nai valu, ia sa tauvi vukavuka.

A sa tala e dua nai talaki vei koya ko Ilaisa, ka kaya, Mo ni la'ki sili vakavitu e na Joritani, ena qai bula tale mai na lewemu, ia ko na savasava mai.

Sa qai lako sobu ko koya, ka silimi koya vakavitu e na Joritani, me vaka na nona vosa na tamata ni Kalou: a sa bula tale na lewena me vaka na lewe ni gone lailai, a sa savasava mai ko koya.

A sa cudru ko Neamani, ka lako tani, ka kaya, Raica, ka'u a vakasama, ni na curu dina mai vei au ko koya, ka tu, ka masuta na yaca i Jiova na nona Kalou, ka yalovaka na ligana e cake e na tikina, ka vakabula na vukavuka

A ra sa toro voleka ko ira era sa qaravi koya, ka vosa vua, ka kaya, Na tamaqu, kevaka ka vakarota vei kemuni e dua na ka levu na parofita, ko na sega li ni cakava? ia sa dodonu vakalevu cake, ni sa kaya ko koya vei kemuni, Mo sili, ka ko na savasava.

A sa kaya ko koya vua na nona marama, Isa lei na Kalou, ke sa tiko mada na noqu turaga vei koya na parofita mai Samaria! ena qai vakabulai koya ko koya mai na nona vukavuka.