Popular Bible Verses from Deuteronomio 5

Share

“Ich'a ta muc' te ame'-atate, jich me xach'uun spasel te bit'il la yalbat apas te Awajwal te Dios awu'une, swenta yu'un najt' me ya xcuxinat, soc jich me buen lec awo'tan ya x'ainat tey ta aq'uinal te ya yac'bat te Awajwal te Dios awu'une.

Ja' me xat'unic te be la yac'beyex awilic Cajwaltic te Dios cu'untique, swenta yu'un jich me lec ya x'ainex a, soc jich me ya xnainex bayal ja'wil ta lumq'uinal te ya yac'beyex awu'uninique.

Ma me xaquejan aba ta stojolic, ma me xach'uunic. Melel jo'on Ajwalilon, Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal. Yan te mach'atic c'uxon ta yo'tanic te ya xch'uunbonic te jmandale, ya jc'uxtay mil ta caj soc yal-snich'anic stuquelic.

“Ma me xapas awajcanan. Ma me xapasbey sloc'ombail bitic ayic ta stoyolil ch'ulchan, soc bitic ayic ta lumq'uinal, soc bitic ayic ta mar ta ye'tal te lumq'uinale.

“Ma me ayuc yan diosetic awu'un, melel jo'on nax me jtuquel te Dioson awu'une.

“Ma me xatojoltabon ta alel jbiil te Ajwalilon te Dioson awu'une, melel te mach'a ya stojoltabon ta alel jbiil te Diosone, ya me cac'bey castigo yu'un.

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

“Na'a me te bi c'aalil yu'un cux-o'tan, te ja' swenta ch'ultesel ta jtojol te Ajwalilone, jich nix te bit'il la calbat mandal te Ajwalilon te Dioson awu'une.

“Ma me xbic'taj awo'tan yu'un yinam apat-axujc'. Ma me xbic'taj awo'tan yu'un sna apat-axujc', ni sq'uinal, yabat, scriada, swacax, sburro, ni ma me xbic'taj awo'tan yu'un ta spisil te bitic ay yu'un”, xi' te Cajwaltique.

“Ma me x'awaiy mulwej.

“Ma me x'ochat ta lotil testigo ta stojol apat-axujc'.

“Ma me x'awaiy milaw.

“Ma me x'awaiy elec'.

Na'a me te ja' nix jich c'axat ta mozoil ta Egipto, te tey la jloq'uesat tel a te Ajwalilon te Dioson awu'un ta swenta smuc'ul yip cu'el. Ja' yu'un te Ajwalilon te Dioson awu'une ya jpasat ta mandal te ya acanantay te sc'aalelal cux-o'tane.

Waqueb nax me c'aal ya x'at'ejat, ja' me ya apas spisil a te awat'el te pasel ya sc'an awu'une. Yan te sjuquebal c'aal ja' me yu'un cux-o'tan stuquel, ch'ultesbil me ta jtojol te Ajwalilon te Dioson awu'une. Ma me x'at'ejat a, ni ja'uc aquerem-nich'an, awantsil-nich'an, awabat, acriada, awacax, aburro, ni biluc chambalamil awu'un, ni ja'uc te jyanlum nainem ta alumale, swenta yu'un pajal me ya acux awo'tan soc awabat soc acriada.

“Jo'on Ajwalilon te Dioson awu'une te la jloq'uesat tel ta Egipto ta banti ayat ta mozoile.