Popular Bible Verses from 2 Pedro 3

Share

Tsaymi wakin runakuna yarpäyanqannö ama yarpäshuntsu Señornintsik Jesucristo mana kutimunanpaq kanqanta. Payqa manam munantsu pipis jutsanllachö wañunanta. Tsaymi pacienciakur shuyaraykan runakuna jutsankunapita arrepentikuyänanta.

Peru kuyashqa wawqikuna y panikuna, shumaq tantiyakushun: Dios Yayapaqqa juk junaqmi waranqa (1,000) watanö y waranqa watanam juk junaqnölla kaykan.

Masbien waran waran tantiyakuyay llakipäkuq y salvakuq Señor Jesucristo munanqannö kawakuyänaykipaq. ¡Payqa kananpis y imayyaqpis alabashqa kaykullätsun! Amén.

Peru Señor Jesucristo kutimunqanqa [paqaspa] illaqpita suwa shamuqnömi kanqa. Pay shamuptinmi rupay, killa, qoyllurkuna mantsakaypaq qayararraq lunyaq ninawan rupar ushakäyanqa. Tsaynöllam kay patsa y kay patsachö kaqkunapis rupar ushakäyanqa.

Imaykapis ushakänanpaq kaykaptinqa mana jutsata rurar Dios Yaya munanqannö santu kawakuyay. Tsaynö kawakur shuyaykäyaptikim Dios Yaya juzganan junaq sasllana chämunqa. Tsay junaqmi rupayta, killata y qoyllurkunatapis lunyaq nina rupar ushanqa. Tsaynöllam llapan imaykapis tsullurnin ushakäyanqa.