Popular Bible Verses from 1 Juan 1

Share

Peru jutsa ruranqantsikpita confesakushqam sïqa prometimanqantsikta cumplir Dios Yaya perdonamäshun. Payqa alli ruraq karmi llapan jutsantsikta mayllamäshun.

Dios Yaya atsikyaychö kanqannö noqantsikpis atsikyaychö kawarmi juknin juknintsik kuyanakur kaykantsik. Tsaynöllam Tsurin Jesucristo yawarninwan tukuyläya jutsantsikta mayllamantsik.

Mayqantsikpis <<jutsannaqmi kä>> nirqa manam rasun kaqtatsu parlantsik, sinöqa llullakuykantsikmi.

Jesucristo yachatsiyämanqallantam willayaq: Dios Yayam aktsi. Paychöqa manam tutapaypis kantsu. Tsaymi mayqantsikpis <<Dios Yaya munanqannömi kawakü>> nikar tutapäpukushqanö purirqa llullakuykantsik. Tsaynö kawakurqa manam rasunpatsu Dios Yaya munanqannö kawaykantsik.

<<Noqaqa jutsannaqmi kä>> nirqa pay ninqankunata manakaqmanmi churaykantsik. Tsaynö kawarqa manaraqmi willakuyninta chaskishkantsikraqtsu.