Popular Bible Verses from 2 Pedro 2

Share

Tsaynöpam musyantsik pay munanqannö kawaq kaqtaqa ima ñakaypitapis Dios Yaya salvamänapaq kanqanta. Peru jutsa ruraqkunatam sïqa día del juiciuchö mana llakipaypa castiganqa.

Diospa willakuyninta chaskishqa kaykar jutsa rurayman kutinan kaykarqa mejor ama tsay sagrädu willakuyninta chaskiyanmantsu karqan. Jutsa rurayman kutiqkunapaqmi rasunta niyan: <<Allquqa lanzanqantam yapay mikun. Kuchipis armaskatsiyaptin yapaymi qetächö qochpaskin>>.

Runakunatam prometiyan yachatsiyanqanta chaskir libri kawakuyänanpaq kanqanta. Tsaynö prometirpis kikinkunaqa manam libritsu kayan, sinöqa jutsapa poderninchömi kaykäyan. Ima viciupis runata dominaptinmi tsay viciupa poderninchöna kayan.

Salvamaqnintsik Señor Jesucristuta chaskishqa kaykar jutsa rurayllachö yapay kakurqa punta kanqanpitapis mas peormi tikran.

Israel nacionchö llulla profëtakuna ñawpata kayanqannömi qamkunachöpis llutan yachatsikuqkuna kayanqa. Paykunaqa Dios Yayapa willakuqnin tukurmi creyitsiyäshurniki manakaqkunata yachatsiyäshunki. Tsaynöllam salvakuq Señor Jesucristutapis nëgayanqa. Paykunatam día del juiciuchö Dios Yaya illaqpita ushakätsinqa.