Popular Bible Verses from MATIU 6

Share

Ama na jalakaka ma cɛnjɛ-ta-tugwama tu bwa keeni tiririri tu bwa hiiŋ, nazhɛ bɛɛ zhɛ ma hi kaana ijɛ ɛtɛ kpaaŋ.

Iwɛ inɛ ɛtɛ kede iwɛ beyi ihi tɛtaga ya o, iwɛnɛ ti beyi zha 'yaga tɛtɛtaga ti ikɛnyi ibɛ. Ụjita we elele 'yagawa tɛtɛtaga tu na ti gembi uŋ.

Iwɛbɛ po Omo hi mbiso maa, Kede iwɛ uraiŋ hiŋ ihi tɛtaga, iwɛ iyi nɛ ɛhi zhɛ hia ya keeni iyi nɛ ɛhi zhɛ hia swa, okwo iwɛ iyi nɛ ɛhi zhɛ hio urugono na tu'waba ti hiŋ o. Shɛ uraiŋ suu uhwuri iyimɛyɛ? Shɛ tu'waba suu tu hwuri tugwuno?

Ama aka na ɛbi zhɛ ba nda adua, tono taa na amɛ umwono bu maa kepi odubo bu, maa njɛ adua bụ pe Bishi bu na namɛ ne tusweci, iwɛ maa Bishi bu na ba kwụba iyi ne tusweci ubu peni ule bu.

Ama gana i shɛ maa hi na nda adua na: Bishi tu na namɛ na azuba, Ge izeci bu jirimi, Ga Cɛnjɛ-ta-tugwama tụ bụ ti zhɛ, Ga a na nda ụkwụlana bụ, Nu unyizo, gana na aa nda ụŋ na azuba.

Iti peni iyimɛyɛ nɛ i tu to ukekeshi hwayɛ ga.

Iti gengeni tu'wanganga tu tu, gana na otu gongwonuo atwa na utu 'wanganɛ.

To tu tocingo na tumanga o, ama na tu lashɛga ni i'ɛlɛ bụtụ bụ wɛ. [Iwɛnɛ po gabụ bɛ 'yajɛ Cɛnjɛ-ta-tugwama, nu ukpahiŋ, nụ ụjɛrụma unyizo-nom Ami].

Yaa shɛ ahia gangana atwa tu'wanganga ta aba, nazhɛ Bishi hiŋ na namɛ na azuba zhɛ ma hi gangana du tu'wanganga ti hiŋ.

Hioko ma shanụnụ shɛ na sha hila, shɛ bɛrɛ shɛ iyimɛyɛ, shi gwubi shi, shi zweni shi iyimɛyɛ nu urubwu o, ama Bishi hiŋ na namɛ na azuba ubwa ba biga shụ. Shɛ ahiɛba suu hi 'yaganɛ bụ ule uhwuri shu duwa?

To no momo tulonono ma uduciya nu unyizo ga, no ofwo na a'nyasụ, keeni tukwocikwolwo ti zhɛ ta nda ụŋ ufwu o, kwo kaa ofwo na ozundo o bwugo, oo tono maa o no zundo uŋ o. Ama no momo tulonono ma uduciya na azuba, no ofwo na a'nyasụ, keeni tukwocikwolo ti zha shɛ ta nda ụŋ ufwu keeni ofwo na ozundo kaa eri shi o bwugo maa e zunji o. Ofwo elele na uduciya bụ namɛ, apata du ahaŋsa bụ namɛ hwɛɛ.

I zasa bụtụ be elele na eri ba ndana shɛgwangwama shi yebi iyi o. Asha bi zhɛ bo imo bu ko bɛɛ zhɛ bo lubo bu na bi yebi, kwo kaa maa muna bu ko ụjɛrụma, maa ngbaraka bu na bi yebi cwɛŋ. Hi eri shi hi na ndana Agwatana iyi hi na ndana uduciya iyi o.

Yaa shɛ Agwatana eri a nda ambɛ ehilo a na namɛ hwayɛ ga, a na ɛɛ zhɛ o hwoŋzhingo beyi nu ulwa tisemberi, asha bi zha shɛ suu mo hi urugono tugwuno uhwuri mu, ahiɛba na hiɛ tɛtanɛ bụ rishe cwɛŋ?

Ama aka na aba pana okofwo apwaŋ, to lono maa u'ala bụ ugwulwo mepi iyi nɛ u'ala bụ ubiye wa nda o, iwɛ maa ga apwaŋ na aba pana okofwo a shɛ ne tusweci, iwɛ maa tuba Bishi bu na ba kwụba iyi ne tusweci ubu peni hwuŋ ule bu.

Na nda ma pece maa kede hi na nda iyi hiŋ i tiririri ne eshe atwa maa a na hi kwụba o, shibwonu hi zha shɛ hia lashɛga hwuŋ ule hiŋ ne Bishi hiŋ na namɛ na azuba o.

Aka na ahia nda ezumi, ta na ta ma usumbu gana atwa na a nda tɛnda-te-eshe o. Iwɛnɛ ta a hashagana shishe sha aba maa atwa na mapa maa a nda ba ezumi. Iwɛ-tɛkana Omo hi mbiso maa, o loshigwo ule wa aba. Ama aka na abu ta nda ezumi bu, na sụkwụtwa uhiuhiu bu manɛbɛ, na fwata du eshe bu, iwɛ ma kede atwa mepi maa ba nda ba ezumi o, semi ga shɛ Bishi bu na namɛ no ofwo tusweci, maa ma bụ pana ule bu.