Popular Bible Verses from MATIU 5

Share

I za bụtụ na zhɛ bo shiyono ụsụtụla ulwa maa urugono uŋ okolo, semi bi zhɛ ba patana ụŋ nu uteburu-ụsụtụla, nazhɛ wɛɛ zhɛ wo hiokono atwa elele na zweni nu umwono ata uhwaŋna. Lono ma maa uhioko-uhwaŋna hiŋ na ta du na ashashɛ atwa gana ata, iwɛ maa a na kwụba ugondu hiŋ ubiye, maa a na pana Bishi hiŋ na namɛ na azuba ụjɛrụma.

Ahiɛba hiɛ shɛ uhioko-uhwaŋna unyizo ga. Ụshɛpwụ na patanɛ ni ishɛmɛ eri shi wa swaka o.

Atwa na shɛmɛ sha aba shɛ namɛ rụmbɛɛ gwoje, iwɛnɛ tɛ ɛ zhɛ a kwụba hwuŋ Agwatana.

Atwa na imunɛ keeni i'uyɛ ya kwụna, iwɛ tiririri gwoje, iwɛnɛ tɛ ɛ zhɛ o shigogo.

Ama Gamba mo hi mbiso inee mi maa, lubo ma atwa-i'ime hiŋ. Na ndana ma atwa na ma hiɛ shɛka adua

Atwa na mepi maa a shɛ okofwo ni iyi mpiala gwoje, iwɛnɛ ta Cɛnjɛ-ta-tugwama ta azuba ti zhɛ ta sha ma ta aba.

Atwa na a karɛ amɛ-olom gwoje, iwɛnɛ tɛ ɛ zhɛ ɛ hiɛŋ aŋ miaụŋ ma Agwatana.

Atwa na a ta-ụkwụla gwoje, iwɛnɛ ta Agwatana zhɛ a ingatanga aŋ.

Atwa na anya aba a shɛka iwɛ tiririri gwoje, iwɛnɛ ta Cɛnjɛ-ta-tugwama ta azuba tɛ shɛ ma ta aba.

Atwa na o hioko inyɛmɛnyɛmɛ ya atwa vwɛ aba gwoje, iwɛnɛ tɛ ɛ zhɛ a ya du ule inyɛmɛnyɛmɛ tihioko.

Hi gwoje iwɛnɛ ta atwa zhɛ ma hi twagaga, ɛɛ zhɛ ma hiɛ shɛka du, ɛɛ zhɛ kaa mo hi mbisogo n-ndumwa mụ wɛ me elele keeni ụzagwụ iwɛ mi. Ga shɛmɛ shi hiŋ shi lemi, maa hi bweji unyasa, iwɛnɛ te titeni ti hiŋ ti zhɛ to gombo hwuŋ na azuba. Gobwonu du aa shɛkwa la egesere na hwulwo umbe ne hiŋ.

Atwa na meme-zucinje gwoje, iwɛnɛ tɛ ɛ zhɛ a ya-ogwu iyi nɛ Agwatana shileni aŋ unu ibɛ nu unyizo.

Ahiɛba hiɛ shɛ manɛ mu unyizo ga. Yaa shɛ manɛ mu lacɛmɛ shɛ, imbe ɛɛ zhɛ a nda mụ maa mụ lacɛmɛɛ? Te kwuni na aka ata mɛ zhɛshɛ ya maa a njɛ uhwara we elele na muba o, semi tu'waŋ ɛɛ zhɛ a 'waŋ mụ maa atwa rikeci mu.

Ibɛ po sha ma du atwa na ulwa gana na te Bishi hiŋ na namɛ na azuba ulwa.

Ama ga n-ndumwa mi hiŋ mu na sha, Iiŋ kwo kaa Awo. Iyi elele nɛ namɛ ya swooŋ ni inɛ ɛtɛ, asha i banɛ no olugwo bụtụ ata bụ wɛ.

Hi hwugwa tɛ ɛ hiɛŋ, Bụtụ ụbụ vwɛ rishe, vwa bu du rishe tụlụkpashɛ, bụtụ ubu mwi rine, mwo bu du rine tụlụkpashɛ. Ama Gamba mo hi mbiso inee mi maa, ta tụpana ma iyi iwɛ nɛ bụtụ ihiɛ njɛ o. Ama yaa shɛ bụtụ ubu po uwaŋpɛ nu upada u'ala ubiye, jɛshɛrɛgana bụ upada u'ala ugwulwo.

Yaa shɛ rishe rụ bụ rụ u'ala ubiye ra bụ ana iwɛwɛ tɛnda, asha bwa rụ kala. Inɛ ɛtɛ zhɛ ma bụ zhɛmana maa vwụnjɛ ụpadụ tu'waba tụ bụ uko uhwuri maa e keri tukwugwu tụ bụ kpaaŋ kpaaŋ nu ukwokwo ulwa. Yaa shɛ kaa u'ala bụ ubiye ma bụ ana iwɛwɛ tɛnda, asha jaja uŋ kala. Inɛ ɛtɛ zhɛ ma bụ zhɛmana maa vwụnjɛ ụpadụ tu'waba tụ bụ uko uhwuri maa e keri tukwugwu tụ bụ kpaaŋ kpaaŋ nu ukwokwo ulwa.