Popular Bible Verses from Gnàth-fhacal 4

Share

Leis gach uile dhìcheall glèidh do chridhe; oir as a sin tha sruthan na beatha.

Cothromaich ceuman do chas, agus biodh do shlighean uile air an socrachadh.

Cuir uat am beul fiar, agus na bilean beumnach cuir fada uat.

Is e gliocas an nì sònraichte; faigh gliocas, agus maille rid uile fhaghail faigh tuigse.

Ach tha slighe nam fìrean mar an solas dealrach, a dhealraicheas nas mò agus nas mò gu ruig an là iomlan. Tha slighe nan aingidh mar dhorchadas: chan aithne dhaibh ciod air a bheil iad a’ tuisleachadh.

Na trèig i, agus gleidhidh i thu: gràdhaich i, agus coimheadaidh i thu.

Dèan greim daingeann air teagasg; na leig as e; coimhead e, oir is e do bheatha e.

Na gabh a‑steach do rathad nan aingidh, agus na imich ann an slighe dhroch dhaoine.

Cluinnibh, a chlann, teagasg athar, agus thugaibh an aire, a‑chum gum faigh sibh eòlas air tuigse