'Olic 28
28
O Pitolon a Milongoc to Pipadama
O 'olic ni Tafiti.
1 Tapangaw, pasayra kako i Tisowanan a mitahidang a milongoc,
midipotay i takowanan, nanay tngilenho ko pitahidang ako,
ano caay pipaca'of Kiso i,
o mamilcad kako toya mamatkop a tamdaw a mapatay.
2Pasayra kako i Fangcalay Pita'ongan a mipakamay a mingitangit to pipadama Iso,
nanay tngilenho ko pilongoc ako.
3Aka palcaden kako ato tatiihay a tamdaw a mipastek i patay,
manga'ay ko sowal nonini a tamdaw a misawidawidang,
nikawrira, matomes no ci'intelay ko faloco' nangra.
4Nanay o nano nidmakan nangra to tatiihay ko pi'arawan Iso a mitfoc i cangraan,
pakaynien i tatodong no raraw nangra ko sapatatodong i cangraan.
5Nawhani mi^pec cangra to nidmakan no Tapang ato nisanga'an Ningra,
saka, o tatfocen no Tapang cangra a palasawad a tahada'oc.
6O hahmeken ako ko Tapang,
nawhani o mitngilay Cingra to pitahidang ako a mingitangit to pipa'orip Ningra.
7O 'icel ako, o sapatada#28.7 sapatada -- o roma i, sadoy (Fata'an). ako ko Tapang,
masarocod ko faloco' ako a miti'er i Cingraan.
Mapadama Ningra kako saka, lipahak kako,
o hahmeken ako Cingra a romadiw.
8O 'icel no finawlan Ningra ko Tapang,
o pa'adingay a pa'orip Cingra to nipatirengan Ningra a hongti.
9 Tapangaw, nanay pa'oripen Iso ko finawlan Iso,
palmeden ko finawlan no Miso.
Nanay dipoten Iso cangra,
dimokosen Iso cangra a tahada'oc.
Επιλέχθηκαν προς το παρόν:
'Olic 28: AMIS2019
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© The Bible Society in Taiwan, 2019