'Olic 27
27
O Sapahmek a Pitolon
O 'olic ni Tafiti.
1O likat ako ko Tapang, o pa'oripay i takowanan,
saka, cimaho ko katalawan ako saw?
O midipotay to 'orip ako ko Tapang,
saka, o maanho ko katalawan ako saw?
2Yo miraod ko tatiihay a tamdaw a sapipatayan i takowanan i,
cangra ko tahafikoday a matolo'.
3Ano iraira ko 'alomanay a sofitay a milikot i takowanan i,
caay ka talaw kako.
Ano iraira ko 'ada a milood i takowanan i,
deng o Kawas ko piti'eran ako.#27.3 deng o Kawas ko piti'eran ako -- ano ^ca i, caay ka toled kako.
4Ira ko ccay a longoc ako i Tapang,
deng onini a ccay ko kangalayan ako,
o sapida'ocaw ako a maro' i loma' no Tapang,
itira kako i pita'ongan a minengneng to nika 'dil Ningra a makapah, milongoc kako to pikrid Ningra i takowanan.
5Yo mapades kako i, pa'adingen Ningra kako,
Cingra ko sakarihaday ako i Talo'an Ningra.
Patlien Ningra kako i takaraway a 'ongcoy,
6Saka, malowid ako ko i taliyokay ako a 'ada.
O a itira kako i Fangcalay Pita'ongan Ningra a milkal a pato'aya, pahmek kako a romadiw to Tapang.
7 Tapangaw, nanay tngilen Iso ko pilongoc ako,
nanay kaadayayenho kako, paca'ofenho kako.
8Sowal sa Kiso i takowanan, <<Katayni a mikilim i Takowanan,>> saan.
Tapangaw, tayniay kako a mikilim i Tisowanan,
9nanay caay piliyas Kiso i takowanan a misatalifokil.
Nanay caay ka kter Kiso i takowanan,
nanay caay ka laplapen Iso kako o matayalay Iso,
o marariday Kiso a padama i takowanan.
O pa'oripay a Kawas ako,
nanay caay ka falahen Iso kako.
10Ano falafalahen no mama ato ina kako i,
o aalaen no Tapang kako a midipot.
11 Tapangaw, nanay pahapinangen kako to dado^doen ako a lalan.
Kriden kako a parakat i marayasay#27.11 marayasay -- o roma i, rimadacay (ka'amis). a lalan.
Nawhani 'alomanay ko misa'imeray i takowanan a 'ada.
12Samangahen nangra kako a mipatalaw a mikari'ang,
nanay caay ka tfaden Iso kako i kamay nangra.
13Paso'lin kako, o mamatala no 'orip ako ko pipalmed no Tapang.
14Piti'er to Tapang.
Sa'icelen ko faloco'.
Ti'eren ko Tapang.
Επιλέχθηκαν προς το παρόν:
'Olic 27: AMIS2019
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© The Bible Society in Taiwan, 2019