Echos 4
4
O Pedro ta o Juan den orba e sudonenchar
1Kana o Pedro ta o Juan dena orba e llenenge, avile e popura ta lenchar o gazda katar e boñikura kai arakhen o cher e Devleko ta i e saduseura. 2Von jolaile soke o Pedro ta o Juan sikavena e llenen ta phenena kai e llene sai usten katar o meripe soke o Jesus cherda le ta kai goleke saia o chachipe. 3Ondaka gola llene phangle len ta sar nakhlea but saiata thode len ande rubie llik o goia thiarin. 4A but llene kai asundea e orba, pachaie. Ta samo e murus kai pachaie, sea preko panch milie.
5Thiarinako chidinaile ando Jerusalem e gazda e judionenge, e phure ta e kovacha e zakonoke. 6Kote saia i o mai baro popo o Anas, o Kaifas, o Juan, o Alejandro ta sa e llene kai si katar e vicha e mai bare poponengi. 7Ta phende te anen lenge e Pedro ta e Juane, ta thode len po maskaral lendar ta puchle len:
¿Save gazdarimaia, o ande kako anav cherden gala ezgode?
8O Pedro pherdo katar o Santo Duo, phenda lenge:
Gazda e foroke ta tumen e phure katar o Israel: 9tumen puchen amen katar o lachipe kai cherdam iekhe nasualeke te llanen sar sastilo. 10Angla tumende phena ta angla sa o foro katar o Israel kai gava lleno kai si kate, sastilo ando anav e Jesukristoko katar o Nazaret, isto gole kai tumen krustosarden ta kai o Del cherda le te ustel katar o meripe. 11Gava Jesus si o barr kai tumen, e llene kai cheren chera, ni thoden leke sama. Ta akana cherdilo o barr mai preche te vazden e zidura.#Sal 118.22. 12Ande nisavo aver inai braduipe, soke ande sa o sueto o Del dia amen samo iekhe llene kai pala le sai ava braduime.#Jn 14.6.
13Kana e llene katar e kris e mai bari e judionengi dikhle kai o Pedro ta o Juan dena orba tromanimaia, chudisaile lendar soke llanena kai ni sea but llangle ta acharde kai sea disipulura e Jesuseke. 14Ta nasti dosarena len katar niso soke kote pe porrne pasa lende saia o lleno kai sastiloia. 15Ondaka e llene katar e bari kris phende te ikanen le katar goia soba ta dena pe orba maskar pete, 16ta phenena:
¿So ka chera gale llenenchar? nasti phena kai kojaven soke sa e llene ando Jerusalem dikhle gaia bari ezgoda Devlikani kai cherde. 17Goleke na muka te llanenle ios llene. Morabi te darava len, ta gia ni ka den orba nikake katar e zor e Jesuseki.
18Ondaka ikharde len ta phende lenge te na den ios orba ni te sikaven niso katar e zor e Jesuseki. 19A o Pedro ta o Juan phende lenge:
Phenen amenge isto tumen dal si orta angla o Del te kanda mai anglal tumen neko e Devle. 20Amen nasti acha te phena so dikhlam ta so asundam.
21E llene katar e bari kris darade len ta mukliarde len ta ni malade sar te maren len, soke sa e llene blagosina Devle pala e ezgode kai nakhlea. 22Ta i soke o lleno kai avilape lea goia bari ezgoda Devlikani sastimaki, saia leke mai but katar e saranda burs.
E llene kai pachan mangen vera ta zor
23Kana mukliarde e Pedro ta e Juane, llele te chidiniaon ogole apostolenchar, ta phende lenge sa so phende e mai bare popura ta e phure. 24Ta kana e apostolura asunde len, saurre molisaile ande iek than ta phende:#Ek 20.11; Nej 9.6; Sal 146.6.
Gazda, tu kai cherdan o miloso, e phuv, e mora ta sa so si ande lende, 25ta kai dian orba katar o Santo Duo ta katar o mui amare puraneko o David, cho sluga, kana phenda:
¿Soke si burkania ande forura?
¿Soke mislinpe te cheren ezgode napoda?
26Chidinaile e charura ta e kraliura e suetoke#Sal 2.1-2.
cherdile sargo iek
te marenpe e Gazdaia ta i e llenea kai esvirisardam:
o Mesias.
27Chachipe si kai o Erodes ta o Ponsio Pilato chidinaile kate, ande gava foro e llenenchar kai inai judiura ta e foroia te aven dusmanura e Jesuseke, o santo sluga, kai esvirisardan te avel o Mesias.#Lk 23.7-11; Mt 27.1-2; Mk 15.1; Lk 23.1; Jn 18.28-29; Is 52.13; Flp 2.7. 28Gia von cherde sa so tu chinadana mai anglal te avelpe. 29Akana Gazda, dik sar daraven amen, ta cher che slugen te phenen chi orba bi darako. 30Sikau chi zor ta sastar e nasualen ta cher bare ezgode Devlikane ando anav katar cho santo sluga, o Jesus.
31Kana molisaile, o than kote kai sea chidine dermosailo ta sa achile pherde katar o Santo Duo, ta phenena e poroka e Devleki bi darako.
Sa e ezgode sea saurrenge
32But llene sea gola kai pachana ando Jesus ta saurre saia len iek mislo ta iek lio. Ta niko ni phenela kai leke ezgode sea samo leke, von phenena kai so saia len saia saurrengo.#Ech 2.44-45. 33Ta e apostolura dena orba bare zoraia katar o Gazda o Jesus ta sar ustilo katar o meripe, ta o Del but blagosila saurren. 34Ta maskar lende ni saia ni iek lleno kai trubulale vareso, soke e llenen kai sea len umalia o chera, bichinena len, ta e love 35dena len kai e apostolura te fulavenlen maskar sa prema so trubula suakone llene. 36Iek levita kai ikhardola Jose, kai saia katar o Chipre kai e apostolura thodea leko anav Bernabe, kai gua si:
O chavo kai pomozil 37Gava lleno saia le iek umal, bichindala ta dia e love kai e apostolura.
Επιλέχθηκαν προς το παρόν:
Echos 4: BACHRO
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Biblia ande chib Romani © Sociedad Bíblica Chilena, 2018.