Johani 10
10
1Jilweli-lweli ndikuvavula ndita: Uvi nigenda pandyango pakwingila nkivaga kya ṅolo, uvi itoga pambale vwu umitsi vwu mbudi. 2Lola uvi igenda pandyango pakwingila vi lweli, vi vi ndimi va ṅolo jujwa. 3Vi ikundindulila undolelandyango, natsene iṅolo tsipulika ilimeńu lya mwene. Itsene itsamwene iṅolo tsu ikutsilanga ilitavwa, ikutsihumya nkivaga. 4Vwu atsihumitse iṅolo tsa mwene nkivaga pwu ikutsilongolela mbulongolo. Pwu iṅolo tsa mwene tsikunkonga ulwakuva tsilimańile ilimeńu lya mwene. 5Ujyunge vi natsikunkonga, bako tsikunkimbila ulwakuva natsilimańili ilimeńu lya jyunge. 6Tsu akatsovela nkitsovo UJesu tsitsitsi vwu ikuvavula, mańa avene vakalemwa ukutsivona.
7Pwu UJesu akatengula ukuvavula akata: Jilweli-lweli ndikuvavula ndita: Nene ndyango gwa ṅolo une. 8Voni avalongwe nbulongolo mwane ukwitsa vale vahitsi vale vabudi, mańa iṅolo natsavapulike. 9Nene ndyango une. Uvi igenda mwane vi ipona. Vi alingila alahuma vuvule nuludasi ikuluvona. 10Umwene ummitsi upwu ikwitsa pwu ita ndihitse, ndihinze, ndivejange vuvule. Mańa une upwu nditsile pwu nditsile ukuta vave nuvwumi ukuta vasivone nisinge syoni.
11Ndili ndimi unnonu. Undimi unnonu ikutsiswila uvwumi vwa mwene iṅolo tsamwene. 12Umwene ungongolwa uvi niva ndimi, uvi iṅolo natsiva tsamwene jujwa, vi ivona iliduma litsile pwu ikutsitaga tsene iṅolo ikimbila. Pwu iliduma likutsibata iṅolo likwitsanya. 13Umwene ikimbila ulwakuva ngongolwa vuvule, ulwakuva nikutsivikila untima iṅolo ita vuvule tsiki. 14Ndili ndimi unnonu. Nune nditsimmańile iṅolo tsango, natsene iṅolo tsango tsimmańile une, 15vwu namwene udada ammańile une, nune ndimmańile nudada. Nuvwumi vwango ndikutsiswila iṅolo. 16Lola ndili niṅolo itsinge natsa nkivaga iki! Natsene upita nditsivutsage. Natsene tsilalimańa ilimeńu lyango, pwu likipela ilidimilo lipamato, namwene undimi iva mpamato. 17Tsu tsitso anganile une udada ulwakuva ndikuvutaga uvwumi vwango ukuta ndivujage ndivutolage. 18Nujyunge nikuvupoka, bako ndikuvutaga ndimwene vuvule. Ndinogilwe ndimwene ndingave ndita ndivutage, ndivujile ndinogilwe ndimwene ndingave ndita ndivuje ndivutole. Tsu itsi andagye udada tsitsitsitsi. 19Pwu ava-Juta vakadadalukana pamameńu aga. 20Avange avongosu vakata: Ali nimepo imbivi, ali nulukwale. Mukumpulika kiki? 21Avange vakata: Amameńu ugwu itsova nagali ga mepo imbivi. Najyene imepo imbivi nda jilumańile ukundindula amiho umunu umbosu?
22Pwu likitsa ilitsuva ilivalatse lya kukumbukila ukujimika Tempeli mu-Jelusalemu mmapepo. 23Umwene UJesu akatsungutila mwa Tempeli nduhengo lwa Selomoni. 24Pwu vakanyenga UJesu ava-Juta vakata: Ulatsileka ndali itsu vukututsanganya sikutsoni inumbula? Ungave veve Kilisiti lweli, pwu utuvulage vuvule ugolose. 25Pwu UJesu akanda akata: Ukuvavula kwu ndivavulile, lweli uńe namukutsivona, Mańa isipelwa syoni isyu ndipelela mwitavwa lya dada syu sikunzova sikusimilitsa. 26Lweli uńe namukusivona ulwakuva nandi muṅolo tsango. 27Itsene iṅolo tsango tsu tsilimańile ilimeńu lyango nuńe nditsimańile itsene. Itsene tsikuṅonga. 28Une ndikutsipa uvwumi vwa sikutsoni natsilajage lusiku, nakuli ujyunge uvi alatsipoka mmavoko gane. 29Umwene udada uvi amye vi mbaha kuvoni, vi nujyunge uvi alatsipoka mmavoko ga mwene. 30Nune nudada tuli panine.
31Pwu ava-Juta vakahola amaganga vakata tumome. 32Pwu UJesu akatsova navo akata: Ndivapelye sisyongosu isipelwa isinnonu vwu mwilola isyu ndikavapelela mmaka ga dada. Lino pwu mukuńomela kiliku namaganga aga? 33Navene ava-Juta vakanda vakata: Ulatetsaga tukukuhomela ikinge vukipela ikinnonu ikyu upelile, bako tukukuhoma ulwakuva tuvwene vwitsova itsa madusi, ulwakuva tuvwene ukwipela Nguluve vukipela Nguluve vwu uli munu vuvule. 34Umwene UJesu akanda akata: Ndita namusimilitso tsińo livigilwe ilita: Ndivatsovile nuńe ukuva ńi vanguluve. 35Napene vangave navene valya lyavitsilaga ilimeńu lya Nguluve, angave navene avatsovaga ukuva vwu vanguluve (mańa itsivigilwe tsu natsikilivuka lusiku), 36pwu une ndi udada amye uvuvalatse, ndi asuṅile nkilunga umu, pwu uńe mukunzova ndeti mwita: Vwitsova itsa madusi ulwakuva nditye ndili nswambe va Nguluve? 37Ngave mumbwene ukuta kwu ndivomba jilweli pwu namukuńidika. 38Mańa ngave mumbwene ukuta kwu ndivomba jilweli, pwu mukidikage ukwu ndivomba ngave namukuńidika une, pwu ndamańa ndidika ukuta udada ali mwane, nune ukuta ndili mwa dada. 39Avene vakavuja vakata tumwibate, umwene akapona mmavoko gavene.
40Pwu akalovoka ulugasi lwa Jolitani akabiha umwambo gulya upwu UJohani avotsehetsaga avanu ululongotsi lulya. Pwu akagona. 41Pwu vakabiha avanu vongosu upwu alepwo vakata: UJohani napelili ikinge ikidego. Mańa tsoni itsu UJohani antsovaga uju tsu tsale tsa jilweli. 42Pwu ava mumwa vavongosu vakamwidika.
Επιλέχθηκαν προς το παρόν:
Johani 10: Kinga
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
New Testament in Kikinga © British and Foreign Bible Society, 1961.