Δημοφιλή Βιβλικά εδάφια από Johani 10

Κοινοποίηση

Umwene ummitsi upwu ikwitsa pwu ita ndihitse, ndihinze, ndivejange vuvule. Mańa une upwu nditsile pwu nditsile ukuta vave nuvwumi ukuta vasivone nisinge syoni.

Ndili ndimi unnonu. Undimi unnonu ikutsiswila uvwumi vwa mwene iṅolo tsamwene.

Itsene iṅolo tsango tsu tsilimańile ilimeńu lyango nuńe nditsimańile itsene. Itsene tsikuṅonga.

Une ndikutsipa uvwumi vwa sikutsoni natsilajage lusiku, nakuli ujyunge uvi alatsipoka mmavoko gane.

Nene ndyango une. Uvi igenda mwane vi ipona. Vi alingila alahuma vuvule nuludasi ikuluvona.

Ndili ndimi unnonu. Nune nditsimmańile iṅolo tsango, natsene iṅolo tsango tsimmańile une

Umwene udada uvi amye vi mbaha kuvoni, vi nujyunge uvi alatsipoka mmavoko ga mwene. Nune nudada tuli panine.

vwu namwene udada ammańile une, nune ndimmańile nudada. Nuvwumi vwango ndikutsiswila iṅolo.

Nujyunge nikuvupoka, bako ndikuvutaga ndimwene vuvule. Ndinogilwe ndimwene ndingave ndita ndivutage, ndivujile ndinogilwe ndimwene ndingave ndita ndivuje ndivutole. Tsu itsi andagye udada tsitsitsitsi.

Pwu UJesu akatengula ukuvavula akata: Jilweli-lweli ndikuvavula ndita: Nene ndyango gwa ṅolo une.

Umwene ungongolwa uvi niva ndimi, uvi iṅolo natsiva tsamwene jujwa, vi ivona iliduma litsile pwu ikutsitaga tsene iṅolo ikimbila. Pwu iliduma likutsibata iṅolo likwitsanya.

Jilweli-lweli ndikuvavula ndita: Uvi nigenda pandyango pakwingila nkivaga kya ṅolo, uvi itoga pambale vwu umitsi vwu mbudi.