Etatelu 5
5
Tukanula ta Adama
(1 Ek. 1:1-4)
1Mukanda a diuhu dia Adama one. Lamʼakatungi Unyashungu untu, ndi akûtungi lu efanelu kandi. 2Ndi akatungi pami la umuntu,#5:2 Mat. 19:4; Mak. 10:6. akatshokola.#5:2 Etat. 1:27-28. Lushi lakandatungi, ndi akawaole lukumbu ati: Untu. 3Lamʼakayala Adama la deku lukama la akumi asatu, ndi akuti ona pami lakafanyi la ndi; akawole lukumbu ati: Seta. 4Ku Adama akalumbi deku kama enanei lʼokongo wa eutwelu ka Seta. La ndi akuti ana apami la ana amantu. 5Nshi ya lumu tshe ya Adama yaki deku kama divwa la akumi asatu, ku ndi akavu.
6Lamʼakayala Seta la deku lukama la tanu, ndi akuti Enosha. 7Seta akalumbi deku kama enanei la esambeli lʼokongo wa eutwelu ka Enosha. Ndi akuti ana apami la ana amantu. 8Nshi ya lumu tshe ya Seta yaki deku kama divwa dikumi la pendi, ku ndi akavu.
9Lamʼakayala Enosha la deku akumi divwa, ndi akuti Kenana. 10Enosha akalumbi deku kama enanei dikumi la tanu lʼokongo wʼeutwelu ka Kenana. Ndi akuti ana apami la ana amantu. 11Nshi ya lumu tshe ya Enosha yaki deku kama divwa la tanu, ku ndi akavu.
12Lamʼakayala Kenana la deku akumi esambeli, ndi akuti Mahalalele. 13Kenana akalumbi deku kama enanei la akumi anei lʼokongo wʼeutwelu ka Mahalalele. Ndi akuti ana apami la ana amantu. 14Nshi ya lumu tshe ya Kenana yaki deku kama divwa la dikumi, ku ndi akavu.
15Lamʼakayala Mahalalele la deku akumi asamalu la tanu, ndi akuti Jareda. 16Mahalalele akalumbi deku kama enanei la akumi asatu lʼokongo wʼeutwelu ka Jareda. Ndi akuti ana apami la ana amantu. 17Nshi ya lumu tshe ya Mahalalele yaki deku kama enanei akumi divwa la tanu, ku ndi akavu.
18Lamʼakayala Jareda la deku lukama akumi asamalu la pendi, ndi akuti Enoke. 19Jareda akalumbi deku kama enanei lʼokongo wʼeutwelu ka Enoke. Ndi akuti ana apami la ana amantu. 20Nshi ya lumu tshe ya Jareda yaki deku kama divwa akumi asamalu la pendi, ku ndi akavu.
21Lamʼakayala Enoke la deku akumi asamalu la tanu, ndi akuti Metusela. 22Enoke akakendakendaka la Unyashungu deku kama shatu lʼokongo wʼeutwelu ka Metusela. Ndi akuti ana apami la ana amantu. 23Nshi ya lumu tshe ya Enoke yaki deku kama shatu akumi asamalu la tanu. 24Enoke#5:24 Heb. 11:5; Jud. 14. akakendakendaka la Unyashungu. Ndi komenama ntu, ne dia Unyashungu akawose asena.
25Lamʼakayala Metusela la deku lukama akumi enanei la esambeli, ndi akuti Lameka. 26Metusela akalumbi deku kama esambeli akumi enanei la pendi lʼokongo wʼeutwelu ka Lameka. Ndi akuti ana apami la ana amantu. 27Nshi ya lumutshe ya Metusela yaki deku kama divwa akumi asamalu la divwa, ku ndi akavu.
28Lamʼakayala Lameka la deku lukama akumi enanei la pendi, ndi akuti ona pami. 29Ku ndi akawole Noa, ati: Ona one ayutusamba uma lu tumu la uma lu elimu wʼanya watututshaka lu kete yakadji Latuyalaka mananu. 30Lameka akalumbi deku kama tshanu akumi divwa la tanu lʼokongo wʼeutwelu ka Noa. Ndi akuti ana apami la ana amantu. 31Nshi ya lumu tshe ya Lameka yaki deku kama esambeli la esambeli, ku ndi akavu.
32Lamʼakayala Noa la deku kama tshanu, ndi akuti Sheme, Hama la lafeta.
Επιλέχθηκαν προς το παρόν:
Etatelu 5: TLL
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
La Bible en Otetela © Allianee Biblique de la Republique Democratique du Congo, 1991