Zlr 20
20
I Abraham nda Avimelek
1Ka sliʼaftá Abraham ka laghu nzata ta haɗika Negev. Ka nzatá tsi ma takataka Kades nda Sur, ka nzəɗavatá tsi ma Gerar. 2Ka Abraham dabga markwa taŋ Sara mantsa: « Makuma ɗa ya, » kaʼa. Ka ghunaftá Avimelek mghama Gerar ta mnduha klagaghutá Sara. 3Mantsa tama, ka sagha Lazglafta slanaghatá Avimelek girviɗik ma suni, kaʼa nda tsi mantsa: « Nda mta ka dabga na marakw klaf ka na, kabga mamu zəʼala taŋ, » kaʼa.
4Ta la a Avimelek hanata nda tsi karaku wa, kaʼa mantsa: « Rvera ɗa, dzaʼa psla psla ka ta mndəra mnduha dər ga a həŋ ta dmaku ra? 5Makuma ɗa ya a, kaʼa nda iʼi ra? Zwaŋama ɗa ya a ka vərɗa tsatsi guli nda iʼi guli ra? Nda ndanu tɗukwa magata yu ma ŋuɗufa ɗa, ga a yu ta dmaku wu, » kaʼa.
6Ka Lazglafta nda tsi ma suni mantsa: « Iʼi guli ná, nda sna yu maga maga ka ta skwi tɗukwa ma ŋuɗufa gha, pyaf pya yu ta kagha ka magihatá dmaku, tsaya kwal yu vlaghatá tvi ŋa ksaŋta. 7Ndanana, vranava vra ta markwa tsa mndu ya, ka magaghata tsi ta duʼa, ŋa nzakwa gha nda hafu, ya anabi ya. Ama ka vranava a ka wu, graf gra kazlay dzaʼa mtaku ka kahwathwata, kagha nda inda gwal ga ghuni tani, » kaʼa.
8Ka sliʼaftá Avimelek wrək tgha, ka hagaktá tsi ta inda kwalvaha ni, ka snanamtá inda tsa skwiha ya da sləməŋa taŋ. Ka zləŋ tsa mnduha ya da zləŋ katakata. 9Ka hgaktá Avimelek ta Abraham, kaʼa nda tsi mantsa: « Nu mndərga na magaŋna ka na? Dmakwa wu ya maga gha yu? Kəl ka ka klaŋnaktá dmaku ta ghəŋa iʼi nda ya ta ghəŋa luwa ga mghama ɗa na? Magiha maga ka ta skwi ya má dzaʼa kwal kul magavata, » kaʼa. 10Ka Avimelek nda Abraham guli mantsa: « Nu ndanaŋ ka kəl ka ka magatá skwi mantsa na? » kaʼa. 11Ka Abraham mantsa: « Haɗ lu ta zləŋa Lazglafta ma na vli na wu, dzaʼa dza dza həŋ ta iʼi ta ghəŋa markwa ini, ka yu si ndanay. 12Nziya nza tsi ná, makuma ɗa ya kahwathwata, makwa da ɗa ya, ma ɗa a ta yata wu, ka klatá yu ka markwa ini. 13Manda klafta Lazglafta ta iʼi ka laghwa da ra vli diʼiŋ nda həga da ɗa, ka yu nda Sara mantsa: “Wya zɗakatahuɗi dzaʼa ka magihata: Inda vli dzaʼa lagha u ya na: Zwaŋama ɗa ya, ka ka dzaʼazlay nda iʼi,” ka yu. »
14Ka hlaftá Avimelek ta rina visik, nda slaha, nda kwalvaha, nda kurɗuha ka vlaŋtá Abraham, vranavaha ta Sara markwa taŋ. 15Ka Avimelek mantsa: « Wya haɗika ɗa ta kəma gha, nzata gha ma vli ya ta zɗəgaghata. » 16Kaʼa nda Sara mantsa: « Wya vlaŋ vla yu ta sulay dəmbuʼ ta zwaŋama gha. Tsaya dzaʼa nzakway ka ŋizla da inda gwal ndusa nda kagha kazlay ga a ka ta dmaku wu kəʼa, nda ya da inda mnduha kazlay ksagha a sana skwi wu kəʼa ma na gwaɗa na, » kaʼa.
17Ka magatá Abraham ta duʼa da Lazglafta. Ka mbanaftá Lazglafta ta Avimelek nda markwa taŋ nda kurɗuha ni tani, ŋa yaygəlta taŋ ta zwani, 18kabga si tsatsiŋ tsatsa Yawe ka dzəghəŋ ta inda miʼaha ma həga ga Avimelek dabga gwaɗa ta Sara, markwa Abraham.
Επιλέχθηκαν προς το παρόν:
Zlr 20: xed
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© Wycliffe Bible Translators, Inc. All rights reserved.