Zlr 21
21
Yagatá Izak
1Ka maganatá Yawe ta zɗaku ta Sara manda ya mna tsi. Ka maganatá tsi ta skwi ya tanaf tsi ta imi ta sləməŋ. 2Ka zlghaftá Sara ta huɗi, ka yanatá tsi ta zwaŋa zgun ta Abraham ma halaku, ma fitik ya ta grafta, manda ya si mnana Lazglafta. 3Ka tsanaftá Abraham ta hgu ta zwaŋa ni Izak, zwaŋa ni ya yana Sara. 4Ka tsanatá Abraham ta fafaɗa Izak ta matghasa fitik manda yata, manda ya mnana Lazglafta. 5Dərmək ima Abraham ta yanatá lu ta Izak zwaŋa ni. 6Ka Sara mantsa:
« Vliha vla Lazglafta ta ghuɓasa rfu,
inda mndu dzaʼa snaŋta,
dzaʼa ghuɓasa rfu kawadaga nda iʼi, » kaʼa.
7Kaʼa guli mantsa: « Wa ya si ta ndanaŋta mnanatá Abraham kazlay: “Dzaʼa suŋ sa Sara ta uʼa ŋa zwani” kəʼa na? ama wana yana ya yu ta zwaŋ zgun ma halata ni, » kaʼa.
8Ka glaku zwaŋ, ka tsiŋtá Sara ta wa uʼa. Ka magatá Abraham ta skwa zay dagala baɗu tsiŋtá Izak ta wa uʼa.
Ghəzliŋtá Hagar nda Yismaghel tani
9Ma sana fitik, ka ghuɓasu zwaŋa Hagar makwa la Masar ta yanatá Abraham ta ghuɓasu, ta nghay nghay Sara. 10Kaʼa nda Abraham mantsa: « Ghzliŋ ghəzla ta na kurɗu na nda zwaŋa ni tani, kabga haɗ na zwaŋa kurɗu na dzaʼa za həga kawadaga nda zwaŋa ɗa Izak wu, » kaʼa. 11Ka kuzlanaftá tsa gwaɗa ya katakata ta Abraham, kabga Yismaghel ná, zwaŋa ni ya. 12Ama ka Lazglafta nda Abraham mantsa: « Ma kuzlagha tsi dabga tsa zwaŋa gha ya, nda ya dabga tsa kurɗa gha ya. Inda tsa skwi ta mnaghata Sara ya, snana sna ta gwaɗa ni, kabga nda ma Izak dzaʼa hgaŋta lu ta zivira gha. 13Dzaʼa nanaf na yu ka dzidza mndəra mndu ta zwaŋa kurɗa gha, kabga zivira gha tsatsi guli, » kaʼa.
14Ka sliʼaftá Abraham wrək sərɗək, ka klaftá tsi ta buradi, nda zliba huta nda tatá imi mida ka vlaŋtá Hagar ka fanafta ta badzaga. Vlaŋha guli ta tsa zwaŋ ka ghuniŋta. Ka laghu tsi da ra vli ta mtaka Bəʼerseva. 15Kɗəguduŋta imi ma tsa zliba huta ya, ka zlanavatá tsi ta tsa zwaŋ ya mista mubukwa fu. 16Ka laghu tsi nzakta diʼiŋ nda tsa zwaŋ ya ma sana vli prək ka hadaptá hava. Kaʼa ma ghəŋa ni mantsa: « Va a yu ta nghaŋtá mtakwa zwaŋa ɗa wu, » kaʼa. Mantsa ka laghu tsi da nzakta diʼiŋ. Ka zlraftá tsi ta taw.
17Ka snaŋtá Lazglafta ta lwa tsa zwaŋ ya. Ka hgaŋtá duhwala Lazglafta daga ta luwa ta Hagar, kaʼa nda tsi mantsa: « Nya ní Hagar? Ma zləŋ ka ta zləŋ, kabga nda sna Lazglafta ta lwa zwaŋa gha ta taw ma vli ya hada tsi. 18Sliʼaf sliʼa, la tsukwaftá zwaŋa gha ka ŋanata ka ɗina nda dzva gha, kabga dzaʼa nanaf na yu ka mndəra mndu dagala, » kaʼa. 19Ka gunanatá Lazglafta ta iri, ka nghaŋtá tsi ta vavrəma imi, ka lab tsi ndəghamtá imi ma tsa zliba huta ya, ka sunustá tsi ta tsa zwaŋa ni ya.
20Ka nzaku Lazglafta kawadaga nda tsa zwaŋ ya, ka glaftá tsi ka nzata tsi ma mtak, ka nzaku tsi ka mnda ha hava. 21Ka nzatá tsi ta mtaka Paraŋ, ka klanaftá ma ni ta marakw ta makwa la Masar.
Dzrafta i Abraham ta wi nda Avimelek
22Ma tsa fitik ya, ka lagha Avimelek da Abraham kawadaga nda Pikwal mghama sludza ni. Kaʼa nda tsi mantsa: « Kawadaga Lazglafta nda kagha ma inda skwi ta mag ka. 23Waɗiha waɗa, nda hga Lazglafta, hadna, ndanana ka pinaɗighata a ka ta vu, dər ta ghəŋa zwana ɗa, dər ta ghəŋa zighiha ɗa. Manda ya maga gha iʼi ta zɗaku ya, kagha guli ka magihata ka ta zɗaku nda ya ŋa haɗika ɗa nzam ka mida, » kaʼa. 24Ka Abraham mantsa: « Ta waɗa gha waɗa yu, » kaʼa.
25Ma sana fitik, ka lagha Abraham taw ta vata Avimelek, ta ghəŋa sana vavrəm zluʼuwaghu kwalvaha Avimelek ka mbraku. 26Ka Avimelek mantsa: « Sna a yu ka wa ta magata wu. Mniha a kagha guli wu, ta sna a yu guli wu ba gita, » kaʼa. 27Ka hlaftá Abraham ta rina fisik nda slaha ka vlaŋtá Avimelek. Ka dzraftá həŋ ta wi, hahəŋ his. 28Ka pghaghutá Abraham ta slərpa vli ta daɓala tuwakha ndəfáŋ. 29Ka Avimelek nda Abraham mantsa: « Nya kəl ka ka pghaghutá na daɓala tuwakha na ta slərpu ka na? » kaʼa nda tsi. 30Ka Abraham mantsa: « Zlgha ta na daɓalha tuwak ndəfáŋ na ma dzva ɗa. Dzaʼa nzakway ka masləmtsəka ɗa, kazlay iʼi ta laptá na vavrəm na kəʼa, » kaʼa. 31Tsaya kəl lu ka hga tsa vli ya ka Bəʼerseva#21:31 Bəʼerseva nda gwaɗa Hebru ná, tsaya vavrəma waɗu., kabga hada waɗata hahəŋ his his ta waɗu.
32Ka dzraftá həŋ ta wi ma Bəʼerseva. Ka sliʼaftá i Avimelek nda Pikwal mghama sludziha ni, ka vraghuta ta haɗika la Filisti. 33Tahula tsa, ka ŋəɓatá Abraham ta fwa mblam ma Bəʼerseva. Hada, ka hgə tsi ma duʼa ta hga Yawe, Lazglafta ŋa kɗekedzeŋ. 34Ka nzəɗavatá Abraham gerger ta haɗika la Filisti.
Επιλέχθηκαν προς το παρόν:
Zlr 21: xed
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© Wycliffe Bible Translators, Inc. All rights reserved.