Laghano Lya Sambi Kwe Iwanu Wose

<div class="version vid915 iso6393ruf" data-vid="915" data-iso6393="ruf">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s">Maria kombakatsa Yesu ghamafuta</div><div class="r">(Matei 26:6-13; Maliki 14:3-9)</div><div class="p"> 1Ghamatsuwa sita ng'ana ichihungo che Ipasaka chipfike, Yesu kapfika Betaniya, ukaye kwa Lazali, imunu iyamtsilihule. 2Iwanu wamwikila Yesu ichijo cha nemihe, Marita angali yowasang'anila. Lazali tsakakala yumwe we iwanu iwang'ali wakuja na Yesu. 3Kuya Mariya kasola isupa ye ghamafuta ighonung'ila ghoya ighalawile mne ghummeya ighukemighwe narido, kambaka Yesu ghamaghulu na kumbaghusa kwa mvili tsake. Ing'anda yose tsainung'ila ghoya. 4Yuda Isikarioti, yumwe wa iwanang'ina wake, iyatsomhunduka Yesu kaghutsa, 5&#8220;Ule ghamafuta ghano ghang'autsighwe dinari miya ndatu na sendi weng'ighwe iwahingwa?&#8221; 6Yuda tsakalonga pfino, si kwakuwonela libatsi iwahingwa, ila kalonga pfino kwaapfila tsakakala mbapfi, yeye yang'ali yokindagha ghumkoba ghwo ukwikila tsisendi na yang'ali yakwibagha tsisendi.</div><div class="p"> 7Yesu kamwidika, &#8220;Mleke! Katenda pfino kulyandaa litsuwa lya kutsikighwa kwangu. 8Ghamatsuwa ghose mtsokala ne iwahingwa, lekeni ng'amtsokala na nene bae ghamatsuwa ghose.&#8221;</div><div class="s">Iwatambika wakulu wobama kumkoma Lazali</div><div class="p"> 9Wayahudi wengi hawahulike Yesu kakala Betaniya waghenda, ng'awaghendile bae kumwona Yesu aliheka, pfipfila waghenda kumwona Lazali, imunu yula Yesu iyamtsilihule. 10Apfo iwatambika wakulu wabama inzila ye kumkoma Lazali, 11kwa achila ichimlawile Lazali Wayahudi wengi wamghendela Yesu na kumtoghola.</div><div class="s">Yesu kakwingila Yerusalemu kwa kudeng'elighwa</div><div class="r">(Matei 21:1-11; Maliki 11:1-11; Luka 19:28-40)</div><div class="p"> 12Litsuwa liwinzile iwanu wengi watsa mne Ichihungo che Ipasaka, tsawahulika Yesu ang'ali yakutsa Yerusalemu. 13Apfo wasola ghamaputila ghe mibiki, waghenda kumbokela, wakemelela, &#8220;Mtunitse Imulungu! Imulungu kambaliki iyakutsa kwa taghwa lya Imtwatsa, Imulungu kambaliki Imndewa wa Isiraeli!&#8221;</div><div class="p"> 14Yesu kamwona imwana punda, kamdina, ka pfayandikighwe mne Ghamaandiko Mahenzeluka 15&#8220;Mleke kupfuka, iwanu we Sayuni,</div><div class="q">Imndewa wenu kakutsa,</div><div class="q">kadina imwana punda.&#8221;</div><div class="p"> 16Mwanduso iwanang'ina wake ng'awamanyile bae mbuli tsino. Lekeni Yesu hayatsilihuke na kutunitsighwa, iwanang'ina wakumbuka Ghamaandiko Mahenzeluka ighalongile mbuli tsake na ka wanu wamtendela pfinu apfo.</div><div class="p"> 17Iwanu iwakalile na Yesu hayamkemile Lazali kulawa mne likabuli na kumtsilihula, walonga aghala ighalawile. 18Iwanu wengi waghenda kutingana na Yesu kwaapfila tsawahulika Yesu katenda chihulo. 19Apfo Mafarisayo welongela, &#8220;Mlole, ng'atudaha kutenda chochose. Iwanu wose womuwinza!&#8221;</div><div class="s">Wagiriki wobama kulonga na Yesu</div><div class="p"> 20Kukala na Wagiriki wengi mne iwanu iwatsile Yerusalemu kutamanila mne ichihungo cha Ipasaka. 21Wamghendela Filipi, iyalawile Betisaida mne isi ya Galilaya wamlongela, &#8220;Mkulu, twobama tumwone Yesu.&#8221;</div><div class="p"> 22Filipi kaghenda, kamlongela Andereya, kuya wose weli waghenda kumlongela Yesu. 23Yesu kawedika, &#8220;Chipindi chipfika che Imwana we Imunu kutunyighwa! 24Nowalongela ghendo, ka mbeghu ye uhemba ng'ailaghale mdongo na ukufa, yokala pfipfo imwe iliyeka. Lekeni ing'afa na ukota, itsokweleka mbeghu bwelele. 25Imunu iyounoghela ughima wake katsowaghitsa, ila imunu iyouhila ughima wake katsokwing'ighwa ughima we ghamatsuwa ghose. 26Imunu wowose iyobama kunitumikila yaniwinze, hohose hanikala imtumwa wangu akale baho. Aba wangu katsomtoghola imunu iyonitumikila.</div><div class="s">Yesu kolonga mbuli tsa lifwa lyake</div><div class="p"> 27&#8220;Sambi ghumoyo ghwangu ghwoghanzika, na nene nonge choni? &#8216;Aba unikombole mne chipindi chino?&#8217; Bae, acho chicho chanitsile, nibite chipindi chino cha maghayo. 28Aba, litunye taghwa lyako!&#8221;</div><div class="p">Kuya litsi kulawa kulanga lilonga, &#8220;Nilitunya na nitsolitunya keli.&#8221;</div><div class="p"> 29Iwanu wengi iwemile hala wahulika litsi lila, iwanu wangi walonga kukala na mdumo, lekeni iwanu wangi walonga, &#8220;Malaika kalonga naye!&#8221;</div><div class="p"> 30Bali Yesu kawalongela, &#8220;Litsi lino ng'alinitsile nene bae lekeni liwatsilani mwemwe. 31Chipindi cha kuhighighwa isi ino chipfika, mkulu we isi ino katsowingighwa. 32Hanitsokwinulighwa muisi, nitsowakwegha iwanu wose kuna nene.&#8221; 33Yesu kalonga pfino kulangusa pfayatsokufa.</div><div class="p"> 34Mtingano we iwanu wamghutsa, &#8220;Ghamalaghitso ghetu tsaghalonga Kiristu katsokala ghamatsuwa ghose. Ule lelo kwolonga &#8216;Imwana we Imunu kobamighwa yenulighwe?&#8217; Apfi Imwana yuno we Imunu nani?&#8221;</div><div class="p"> 35Kuya Yesu kawalongela, &#8220;Mtsokala ne ghumwanga kwa chipindi chidodo. Mwange hamng'ali nawo ghumwanga, ng'ana ichisi chiwatsile. Imunu iyokwanga mchisi ng'omanya bae koyoghenda. 36Mtoghole ghumwanga hamng'ali nawo, ili muwe iwana we ghumwanga.&#8221; Hayamalitse kulonga apfi, Yesu koka, kepfisa waleke kumwona.</div><div class="s">Wayahudi wolema kumtoghola Yesu</div><div class="p"> 37Hata ka Yesu tsakasang'ana pfihulo hambele hawo, lekeni ng'awamtoghole bae. 38Agha ghose ghalawila ghatimile aghala ghayalongile Nabii Isaya.</div><div class="q">&#8220;Imtwatsa, nani iyautoghole usenga wetu?</div><div class="q">Na ghumoko ghwa Imtwatsa ughubulighwa kwa nani?&#8221;</div><div class="p"> 39Apfo ng'awadahile bae kutoghola, kwaapfila Isaya pfipfila tsakalonga keli.</div><div class="q"> 40Imulungu kalonga, &#8220;Nitsowabopfula nenge tsawo,</div><div class="q">nitsotsibumbuwatsa mbutsi tsawo,</div><div class="q">waleke kwona kwa tsinenge tsawo,</div><div class="q">waleke kumanya kwa mbutsi tsawo,</div><div class="q">waleke kunihundukila, na kuwahonetsa.&#8221;</div><div class="p"> 41Isaya tsakalonga apfi kwaapfila tsakawona utunitso wa Yesu na kulonga mbuli tsake.</div><div class="p"> 42Hata iwakulu wangi wa Wayahudi tsawamtoghola Yesu. Lekeni ng'awadahile bae kulonga mwatsimwatsi kwaapfila wapfuka Mafarisayo watsowawinga mne Ing'anda ye Imulungu. 43Kwaapfila tsawanoghelighwa sideke kutunyighwa ne iwanu kubita kutunyighwa ne Imulungu.</div><div class="s">Mbuli tsa Yesu tsitsohigha iwanu</div><div class="p"> 44Yesu kakemelela, &#8220;Imunu wowose iyonitoghola nene, ng'onitoghola nene niliyeka bae ila pfipfila komtoghola ayula iyanitumile. 45Imunu wowose iyombona nene komwona yula iyanitumile. 46Nitsa muisi niwe ghumwanga, ili iwanu wose iwonitoghola waleke kukala mchisi. 47Ka imunu kotegheletsa mbuli tsangu na ng'otsikinda bae, sitsomuhigha bae. Kwaapfila sitsile bae kuhigha iisi lekeni nitsa kuikombola. 48Yeye iyondema nene na kulema mbuli tsangu, ayo kenaye wa kumhigha. Mbuli tsila tsanongile tsitsomhigha mna litsuwa lya ukutsigha. 49Kwaapfila silonga bae kwa ukulu wangu, ila Aba wangu iyanitumile kandaghitsa chokulonga, na nilongetse. 50Nomanya laghitso lyake lyoghala ughima wa ghamatsuwa ghose. Apfo nolonga aghala Aba wangu ghayandaghitse nighalonge.&#8221;</div>
 </div>
 </div>
</div>

Ghamatsuwa sita ng'ana ichihungo che Ipasaka chipfike, Yesu kapfika Betaniya, ukaye kwa Lazali, imunu iyamtsilihule. Iwanu wamwikila Yesu ichijo cha nemihe, Marita angali yowasang'anila. Lazali tsakakala yumwe we iwanu iwang'ali wakuja na Yesu. Kuya Mariya kasola isupa ye ghamafuta ighonung'ila ghoya ighalawile mne ghummeya ighukemighwe narido, kambaka Yesu ghamaghulu na kumbaghusa kwa mvili tsake. Ing'anda yose tsainung'ila ghoya. Yuda Isikarioti, yumwe wa iwanang'ina wake, iyatsomhunduka Yesu kaghutsa, “Ule ghamafuta ghano ghang'autsighwe dinari miya ndatu na sendi weng'ighwe iwahingwa?” Yuda tsakalonga pfino, si kwakuwonela libatsi iwahingwa, ila kalonga pfino kwaapfila tsakakala mbapfi, yeye yang'ali yokindagha ghumkoba ghwo ukwikila tsisendi na yang'ali yakwibagha tsisendi.
Yesu kamwidika, “Mleke! Katenda pfino kulyandaa litsuwa lya kutsikighwa kwangu. Ghamatsuwa ghose mtsokala ne iwahingwa, lekeni ng'amtsokala na nene bae ghamatsuwa ghose.”

Wayahudi wengi hawahulike Yesu kakala Betaniya waghenda, ng'awaghendile bae kumwona Yesu aliheka, pfipfila waghenda kumwona Lazali, imunu yula Yesu iyamtsilihule. Apfo iwatambika wakulu wabama inzila ye kumkoma Lazali, kwa achila ichimlawile Lazali Wayahudi wengi wamghendela Yesu na kumtoghola.


Litsuwa liwinzile iwanu wengi watsa mne Ichihungo che Ipasaka, tsawahulika Yesu ang'ali yakutsa Yerusalemu. Apfo wasola ghamaputila ghe mibiki, waghenda kumbokela, wakemelela, “Mtunitse Imulungu! Imulungu kambaliki iyakutsa kwa taghwa lya Imtwatsa, Imulungu kambaliki Imndewa wa Isiraeli!”
Yesu kamwona imwana punda, kamdina, ka pfayandikighwe mne Ghamaandiko Mahenzeluka “Mleke kupfuka, iwanu we Sayuni,
Imndewa wenu kakutsa,
kadina imwana punda.”
Mwanduso iwanang'ina wake ng'awamanyile bae mbuli tsino. Lekeni Yesu hayatsilihuke na kutunitsighwa, iwanang'ina wakumbuka Ghamaandiko Mahenzeluka ighalongile mbuli tsake na ka wanu wamtendela pfinu apfo.
Iwanu iwakalile na Yesu hayamkemile Lazali kulawa mne likabuli na kumtsilihula, walonga aghala ighalawile. Iwanu wengi waghenda kutingana na Yesu kwaapfila tsawahulika Yesu katenda chihulo. Apfo Mafarisayo welongela, “Mlole, ng'atudaha kutenda chochose. Iwanu wose womuwinza!”

Kukala na Wagiriki wengi mne iwanu iwatsile Yerusalemu kutamanila mne ichihungo cha Ipasaka. Wamghendela Filipi, iyalawile Betisaida mne isi ya Galilaya wamlongela, “Mkulu, twobama tumwone Yesu.”
Filipi kaghenda, kamlongela Andereya, kuya wose weli waghenda kumlongela Yesu. Yesu kawedika, “Chipindi chipfika che Imwana we Imunu kutunyighwa! Nowalongela ghendo, ka mbeghu ye uhemba ng'ailaghale mdongo na ukufa, yokala pfipfo imwe iliyeka. Lekeni ing'afa na ukota, itsokweleka mbeghu bwelele. Imunu iyounoghela ughima wake katsowaghitsa, ila imunu iyouhila ughima wake katsokwing'ighwa ughima we ghamatsuwa ghose. Imunu wowose iyobama kunitumikila yaniwinze, hohose hanikala imtumwa wangu akale baho. Aba wangu katsomtoghola imunu iyonitumikila.

“Sambi ghumoyo ghwangu ghwoghanzika, na nene nonge choni? ‘Aba unikombole mne chipindi chino?’ Bae, acho chicho chanitsile, nibite chipindi chino cha maghayo. Aba, litunye taghwa lyako!”
Kuya litsi kulawa kulanga lilonga, “Nilitunya na nitsolitunya keli.”
Iwanu wengi iwemile hala wahulika litsi lila, iwanu wangi walonga kukala na mdumo, lekeni iwanu wangi walonga, “Malaika kalonga naye!”
Bali Yesu kawalongela, “Litsi lino ng'alinitsile nene bae lekeni liwatsilani mwemwe. Chipindi cha kuhighighwa isi ino chipfika, mkulu we isi ino katsowingighwa. Hanitsokwinulighwa muisi, nitsowakwegha iwanu wose kuna nene.” Yesu kalonga pfino kulangusa pfayatsokufa.
Mtingano we iwanu wamghutsa, “Ghamalaghitso ghetu tsaghalonga Kiristu katsokala ghamatsuwa ghose. Ule lelo kwolonga ‘Imwana we Imunu kobamighwa yenulighwe?’ Apfi Imwana yuno we Imunu nani?”
Kuya Yesu kawalongela, “Mtsokala ne ghumwanga kwa chipindi chidodo. Mwange hamng'ali nawo ghumwanga, ng'ana ichisi chiwatsile. Imunu iyokwanga mchisi ng'omanya bae koyoghenda. Mtoghole ghumwanga hamng'ali nawo, ili muwe iwana we ghumwanga.” Hayamalitse kulonga apfi, Yesu koka, kepfisa waleke kumwona.

Hata ka Yesu tsakasang'ana pfihulo hambele hawo, lekeni ng'awamtoghole bae. Agha ghose ghalawila ghatimile aghala ghayalongile Nabii Isaya.
“Imtwatsa, nani iyautoghole usenga wetu?
Na ghumoko ghwa Imtwatsa ughubulighwa kwa nani?”
Apfo ng'awadahile bae kutoghola, kwaapfila Isaya pfipfila tsakalonga keli.
Imulungu kalonga, “Nitsowabopfula nenge tsawo,
nitsotsibumbuwatsa mbutsi tsawo,
waleke kwona kwa tsinenge tsawo,
waleke kumanya kwa mbutsi tsawo,
waleke kunihundukila, na kuwahonetsa.”
Isaya tsakalonga apfi kwaapfila tsakawona utunitso wa Yesu na kulonga mbuli tsake.
Hata iwakulu wangi wa Wayahudi tsawamtoghola Yesu. Lekeni ng'awadahile bae kulonga mwatsimwatsi kwaapfila wapfuka Mafarisayo watsowawinga mne Ing'anda ye Imulungu. Kwaapfila tsawanoghelighwa sideke kutunyighwa ne iwanu kubita kutunyighwa ne Imulungu.

Yesu kakemelela, “Imunu wowose iyonitoghola nene, ng'onitoghola nene niliyeka bae ila pfipfila komtoghola ayula iyanitumile. Imunu wowose iyombona nene komwona yula iyanitumile. Nitsa muisi niwe ghumwanga, ili iwanu wose iwonitoghola waleke kukala mchisi. Ka imunu kotegheletsa mbuli tsangu na ng'otsikinda bae, sitsomuhigha bae. Kwaapfila sitsile bae kuhigha iisi lekeni nitsa kuikombola. Yeye iyondema nene na kulema mbuli tsangu, ayo kenaye wa kumhigha. Mbuli tsila tsanongile tsitsomhigha mna litsuwa lya ukutsigha. Kwaapfila silonga bae kwa ukulu wangu, ila Aba wangu iyanitumile kandaghitsa chokulonga, na nilongetse. Nomanya laghitso lyake lyoghala ughima wa ghamatsuwa ghose. Apfo nolonga aghala Aba wangu ghayandaghitse nighalonge.”

Ακρόαση Yohane 12