Laghano Lya Sambi Kwe Iwanu Wose

<div class="version vid915 iso6393ruf" data-vid="915" data-iso6393="ruf">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Yesu kowahopfugha ghamaghulu iwanang'ina wake</div><div class="p"> 1Tsaikala ichihungo che Ipasaka ng'ana chipfike. Yesu tsakamanya saa yake ya ukuka kulawa iisi ino na kughenda kwa Aba wake ipfika. Tsakawanoghela ng'ani iwanu wake iwali muisi, kawalangusa unoghelo wake ing'autsigha bae. 2Yesu ne iwanang'ina wake wang'ali wakuja ichijo cha nemihe, yehile ma tsakamwingila Yuda, imwana wa Simoni Isikarioti, mne ghumoyo ghwake, kumhunduka Yesu. 3Yesu tsakamanya Aba kamwing'a ghose mna ghamoko ghake, tsakamanya kalawila kwa Imulungu na kakuya kwe Imulungu. 4Apfo kenuka mmetsa, keka mmbalimbali gholole lyake, keyoha lighwanda lingi mchuno. 5Kuya keka ghamatsi mchiya, kandusa kuwahopfugha ghamaghulu iwanang'ina wake na kuwabaghusa kwa lighwanda ilili mchuno mwake.</div><div class="p"> 6Yesu kapfika hayali Simoni Petiri, iyamghutsile Yesu, &#8220;Imtwatsa, ghweghwe uhopfughe ghamaghulu ghangu?&#8221;</div><div class="p"> 7Yesu kamwidika, &#8220;Chanisang'ana sambi ghweghwe ng'uchimanyile bae, lekeni kutsochimanya hambele.&#8221;</div><div class="p"> 8Petiri kalonga, &#8220;Bae, ng'utsoghahopfugha bae ghamaghulu ghangu!&#8221;</div><div class="p">Yesu kamwidika, &#8220;Ka sighahopfugha bae ghamaghulu ghako, ng'utsakuwa keli bae imwanang'ina wangu.&#8221;</div><div class="p"> 9Simoni Petiri kamwidika, &#8220;Imtwatsa, uleke kughahopfugha ghamaghulu ghangu ghaliyeka, ila pfipfila uhopfughe na ghamoko ghangu na litwi lyangu!&#8221;</div><div class="p"> 10Yesu kedika, &#8220;Imunu yoghile kela lukuli lwose na kobamighwa yofughe ghamaghulu ghaliyeka. Mwemwe mwela ila si wose bae.&#8221; 11Yesu tsakalonga si wose bae iwelile kwaapfila tsakamanya imunu iyoghenda kumhunduka.</div><div class="p"> 12Yesu hayamalitse kuwahopfugha ghamaghulu ghawo, kapfala keli gholole lyake kakala hanu hake. Kawaghutsa, &#8220;Apfi mghamanya ghaniwatendele?&#8221; 13&#8220;Mwonikema Mlangulitsi na Imtwatsa, mwotenda ghoya kwaapfila apfo pfipfo pfanili. 14Nene na Imtwatsa na Mlangulitsi wenu, niwahopfugha mwemwe ghamaghulu ghenu, namwe pfipfila mwihopfughe ghamaghulu ghenu. 15Nimlangutsani nzila ya kutenda, namwe mtende ka pfaniwatendele. 16Nowalongela ghendo, kuduhu mtumwa imkulu kubita imtwatsa wake, na kuduhu mtumwa imkulu kubita yula iyamtumile. 17Lelo mwopfimanya pfinu pfino, mng'atenda mtsobweda.</div><div class="p"> 18&#8220;Siwalonga bae mwemwe wose, nowamanya awala yaniwasaghule. Lekeni leka Ghamaandiko Mahenzeluka ghatimile igholonga, &#8216;Imunu yanikuja naye kanihunduka.&#8217;</div><div class="p"> 19&#8220;Sambi nowalongela ng'ana chilawile, ili hachitsolawila mtsotoghola &#8216;Nene iyo Yeye.&#8217; 20Nowalongelani ghendo, imunu wowose iyombokela imunu yanimtumile kombokela nene, na imunu wowose iyonitoghola nene kombokela ayula iyanitumile.&#8221;</div><div class="s">Yesu kotabili imunu iyatsomhunduka</div><div class="r">(Matei 26:20-25; Maliki 14:17-21; Luka 22:21-23)</div><div class="p"> 21Yesu hayamalitse kulonga apfi, kona usungu ng'ani mne ghumoyo ghwake, kalonga, &#8220;Nowalongela ghendo, yumwe wenu katsonihunduka!&#8221;</div><div class="p"> 22Iwanang'ina wake tsawelolesa na ng'awamanyile bae yang'ali yomlonga nani. 23Imwanang'ina yumwe, iyanoghelighwe na Yesu, tsakakala habehi naye. 24Simoni Petiri kampfinyighitsa na kulonga, &#8220;Mghutse yomlonga nani.&#8221;</div><div class="p"> 25Imwanang'ina ayo kasoghela habehi na Yesu, kamghutsa, &#8220;Imtwatsa, umlonga nani?&#8221;</div><div class="p"> 26Yesu kamwidika, &#8220;Imunu yula iyanimwing'a chihande che chighate chanipfabika mwibakuli, ayo iyo yeye.&#8221; Kuya kasola chihande che chighate, kachipfabika, kamwing'a Yuda, imwana wa Simoni Isikarioti. 27Bahala Yuda hayasolile chighate, Setani kamwingila. Kuya Yesu kamlongela, &#8220;Tenda himahima chaubama kutenda!&#8221; 28Lekeni mna iwanu wala iwang'ali wakuja tsahaduhu imunu iyamanyile ule Yesu tsakamlongela pfino. 29Kwaapfila Yuda tsakakala mkinda mkoba ghwa sendi, iwanang'ina wangi wapfikitsa Yesu yang'ali yomlongela Yuda yaghende kughula ipfinu ipfibamighwa mne Ichihungo, au kuweng'a chinu iwahingwa. 30Bahala Yuda hayasolile chighate, kalawa kunze. Tsaikala nechilo.</div><div class="s">Laghitso lya sambi</div><div class="p"> 31Yuda hayokile, Yesu kalonga, &#8220;Lelo utunitso we Imwana we Imunu woneka, na utunitso we Imulungu woneka kubitila yeye. 32Ka utunitso we Imulungu ughubulighwa kubitila yeye, kuya Imulungu imwenyegho katsoughubula utunitso we Imwana we Imunu, na baho katsomtunya. 33Wanangu, nitsokala namwe chidodo. Mtsombama, lekeni sambi nowalongela achila chaniwalongele Wayahudi, &#8216;Kwanighenda ng'amdaha kutsa bae.&#8217; 34Lelo noweng'a laghitso lya sambi. Mwinoghele. Ka pfaniwanoghele, namwe mwinoghele pfipfo. 35Mng'enoghela, iwanu wose watsomanya mwemwe mwa iwanang'ina wangu.&#8221;</div><div class="s">Yesu kotabili Petiri katsomhunduka</div><div class="r">(Matei 26:31-35; Maliki 14:27-31; Luka 22:31-34)</div><div class="p"> 36Simoni Petiri kamghutsa, &#8220;Imtwatsa, ughenda kwani?&#8221;</div><div class="p">Yesu kamwidika, &#8220;Ng'udaha bae sambi kuniwinza hanu hanighenda, lekeni hambele kutsoniwinza.&#8221;</div><div class="p"> 37Petiri kamghutsa, &#8220;Imtwatsa ule sidaha kukuwinza sambi? Nene nitsokulapfila ughima wangu.&#8221;</div><div class="p"> 38Kuya Yesu kamwidika, &#8220;Ghweghwe kodaha kundapfila nene ughima wako? Nokulongela ghendo, jogholo ng'ana yeke bae kutsonibela mala ndatu!</div>
 </div>
 </div>
</div>

Tsaikala ichihungo che Ipasaka ng'ana chipfike. Yesu tsakamanya saa yake ya ukuka kulawa iisi ino na kughenda kwa Aba wake ipfika. Tsakawanoghela ng'ani iwanu wake iwali muisi, kawalangusa unoghelo wake ing'autsigha bae. Yesu ne iwanang'ina wake wang'ali wakuja ichijo cha nemihe, yehile ma tsakamwingila Yuda, imwana wa Simoni Isikarioti, mne ghumoyo ghwake, kumhunduka Yesu. Yesu tsakamanya Aba kamwing'a ghose mna ghamoko ghake, tsakamanya kalawila kwa Imulungu na kakuya kwe Imulungu. Apfo kenuka mmetsa, keka mmbalimbali gholole lyake, keyoha lighwanda lingi mchuno. Kuya keka ghamatsi mchiya, kandusa kuwahopfugha ghamaghulu iwanang'ina wake na kuwabaghusa kwa lighwanda ilili mchuno mwake.
Yesu kapfika hayali Simoni Petiri, iyamghutsile Yesu, “Imtwatsa, ghweghwe uhopfughe ghamaghulu ghangu?”
Yesu kamwidika, “Chanisang'ana sambi ghweghwe ng'uchimanyile bae, lekeni kutsochimanya hambele.”
Petiri kalonga, “Bae, ng'utsoghahopfugha bae ghamaghulu ghangu!”
Yesu kamwidika, “Ka sighahopfugha bae ghamaghulu ghako, ng'utsakuwa keli bae imwanang'ina wangu.”
Simoni Petiri kamwidika, “Imtwatsa, uleke kughahopfugha ghamaghulu ghangu ghaliyeka, ila pfipfila uhopfughe na ghamoko ghangu na litwi lyangu!”
Yesu kedika, “Imunu yoghile kela lukuli lwose na kobamighwa yofughe ghamaghulu ghaliyeka. Mwemwe mwela ila si wose bae.” Yesu tsakalonga si wose bae iwelile kwaapfila tsakamanya imunu iyoghenda kumhunduka.
Yesu hayamalitse kuwahopfugha ghamaghulu ghawo, kapfala keli gholole lyake kakala hanu hake. Kawaghutsa, “Apfi mghamanya ghaniwatendele?” “Mwonikema Mlangulitsi na Imtwatsa, mwotenda ghoya kwaapfila apfo pfipfo pfanili. Nene na Imtwatsa na Mlangulitsi wenu, niwahopfugha mwemwe ghamaghulu ghenu, namwe pfipfila mwihopfughe ghamaghulu ghenu. Nimlangutsani nzila ya kutenda, namwe mtende ka pfaniwatendele. Nowalongela ghendo, kuduhu mtumwa imkulu kubita imtwatsa wake, na kuduhu mtumwa imkulu kubita yula iyamtumile. Lelo mwopfimanya pfinu pfino, mng'atenda mtsobweda.
“Siwalonga bae mwemwe wose, nowamanya awala yaniwasaghule. Lekeni leka Ghamaandiko Mahenzeluka ghatimile igholonga, ‘Imunu yanikuja naye kanihunduka.’
“Sambi nowalongela ng'ana chilawile, ili hachitsolawila mtsotoghola ‘Nene iyo Yeye.’ Nowalongelani ghendo, imunu wowose iyombokela imunu yanimtumile kombokela nene, na imunu wowose iyonitoghola nene kombokela ayula iyanitumile.”


Yesu hayamalitse kulonga apfi, kona usungu ng'ani mne ghumoyo ghwake, kalonga, “Nowalongela ghendo, yumwe wenu katsonihunduka!”
Iwanang'ina wake tsawelolesa na ng'awamanyile bae yang'ali yomlonga nani. Imwanang'ina yumwe, iyanoghelighwe na Yesu, tsakakala habehi naye. Simoni Petiri kampfinyighitsa na kulonga, “Mghutse yomlonga nani.”
Imwanang'ina ayo kasoghela habehi na Yesu, kamghutsa, “Imtwatsa, umlonga nani?”
Yesu kamwidika, “Imunu yula iyanimwing'a chihande che chighate chanipfabika mwibakuli, ayo iyo yeye.” Kuya kasola chihande che chighate, kachipfabika, kamwing'a Yuda, imwana wa Simoni Isikarioti. Bahala Yuda hayasolile chighate, Setani kamwingila. Kuya Yesu kamlongela, “Tenda himahima chaubama kutenda!” Lekeni mna iwanu wala iwang'ali wakuja tsahaduhu imunu iyamanyile ule Yesu tsakamlongela pfino. Kwaapfila Yuda tsakakala mkinda mkoba ghwa sendi, iwanang'ina wangi wapfikitsa Yesu yang'ali yomlongela Yuda yaghende kughula ipfinu ipfibamighwa mne Ichihungo, au kuweng'a chinu iwahingwa. Bahala Yuda hayasolile chighate, kalawa kunze. Tsaikala nechilo.

Yuda hayokile, Yesu kalonga, “Lelo utunitso we Imwana we Imunu woneka, na utunitso we Imulungu woneka kubitila yeye. Ka utunitso we Imulungu ughubulighwa kubitila yeye, kuya Imulungu imwenyegho katsoughubula utunitso we Imwana we Imunu, na baho katsomtunya. Wanangu, nitsokala namwe chidodo. Mtsombama, lekeni sambi nowalongela achila chaniwalongele Wayahudi, ‘Kwanighenda ng'amdaha kutsa bae.’ Lelo noweng'a laghitso lya sambi. Mwinoghele. Ka pfaniwanoghele, namwe mwinoghele pfipfo. Mng'enoghela, iwanu wose watsomanya mwemwe mwa iwanang'ina wangu.”


Simoni Petiri kamghutsa, “Imtwatsa, ughenda kwani?”
Yesu kamwidika, “Ng'udaha bae sambi kuniwinza hanu hanighenda, lekeni hambele kutsoniwinza.”
Petiri kamghutsa, “Imtwatsa ule sidaha kukuwinza sambi? Nene nitsokulapfila ughima wangu.”
Kuya Yesu kamwidika, “Ghweghwe kodaha kundapfila nene ughima wako? Nokulongela ghendo, jogholo ng'ana yeke bae kutsonibela mala ndatu!

Ακρόαση Yohane 13