Laghano Lya Sambi Kwe Iwanu Wose

<div class="version vid915 iso6393ruf" data-vid="915" data-iso6393="ruf">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Lifwa lya Lazali</div><div class="p"> 1Imunu yumwe iyakemighwe Lazali tsamtamu. Lazali yang'ali yokala Betaniya, kaye yake Mariya ne ndughu yake Marita. 2Mariya yuno tsakakala yuyula iyambakile Imtwatsa Yesu ghamafuta ighonung'ila mmaghulu na kughabaghusa kwa mvili tsake, lumbu wake Lazali tsakakala mtamu. 3Apfo lumbu tsake Lazali wamtumila Yesu usenga, &#8220;Imtwatsa, sale yako yumnoghele koghula.&#8221; 4Yesu hayahulike apfi, kalonga, &#8220;Utamu uno ng'autsomkoma bae Lazali, utamu uno ulawila kwa utunitso we Imulungu ili Imwana we Imulungu yatunitsighwe kubitila utamu uno.&#8221; 5Yesu tsakawanoghela Marita na lumbu wake na Lazali. 6Yesu hayahulike Lazali koghula, kongetsa ghamatsuwa meli gha kukala hala hayakalile. 7Kuya Yesu kawalongela iwanang'ina wake, &#8220;Tuye keli Yudeya.&#8221; 8Iwanang'ina wake wamlongela, &#8220;Mlangulitsi, ghamatsuwa chidogho ighalutile Wayahudi tsawabama wakutowe ne ghamabwe, ule kwobama ughende keli hanu hala?&#8221;</div><div class="p"> 9Yesu kawedika, &#8220;Apfi misi yahela masaa kumi ne meli bae? Imunu iyokwanga nemisi ng'ekwala bae kwaapfila koghwona ghumwanga ghwe isi ino. 10Lekeni imunu ang'anga nechilo kekwala, kwaapfila kahela ghumwanga.&#8221; 11Yesu hayalongile apfi, kaghendelela kuwalongela, &#8220;Sale yetu Lazali kawasa, lekeni noghenda kumlamsa.&#8221;</div><div class="p"> 12Iwanang'ina wake wamwidika, &#8220;Mtwatsa, ka kawasa, katsohona.&#8221; 13Yesu tsayang'ali yolonga Lazali tsakafa lekeni iwanang'ina wake wapfikitsa Lazali tsakawasa. 14Apfo Yesu kawalongela mwatsimwatsi, &#8220;Lazali kafa, 15lekeni kwaajili yenu nodeng'elela kwaapfila sikalile naye bae, ili mtoghole. Leka tumghendele.&#8221; 16Kuya Tomasi, iyakemighwe Basa kawalongela iwanang'ina wayaghe, &#8220;Leka tughende ne Mlangulitsi ili tufe naye.&#8221;</div><div class="s">Yesu utsilihuko na ughima</div><div class="p"> 17Yesu hayapfikile, tsakapfika lukuli lwa Lazali lwikighwa mne likabuli ghamatsuwa mane ighalutile. 18Kaye ya Betaniya tsaikala habehi ne Yerusalemu, utali wa maili mbili, 19na Wayahudi wengi watsa kuwakanza Marita ne Mariya kwa ukufa kwa ndughu yawo. 20Marita hayahulike Yesu kakutsa, kaghenda kunze kwitingana na Yesu, lekeni Mariya tsakasighala mng'anda. 21Marita kamlongela Yesu, &#8220;Mtwatsa, ka ung'awile hano, lumbu wangu tsa yang'alekile kufa! 22Lekeni nomanya hata sambi Imulungu katsokwing'a chochose chaumlomba.&#8221;</div><div class="p"> 23Yesu kamlongela, &#8220;Lumbu wako katsotsilihuka.&#8221;</div><div class="p"> 24Marita kamwidika, &#8220;Nomanya katsotsilihuka keli mne litsuwa lya ukutsigha.&#8221;</div><div class="p"> 25Yesu kamlongela, &#8220;Nene nautsilihuko ne ughima. Imunu iyonitoghola nene, ang'afa katsakuwa mghima, 26na imunu wowose iyokala na kunitoghola nene ng'atsakufa bae. Pfii kwotoghola?&#8221; 27Marita kamwidika, &#8220;Ona, Mtwatsa! Nokutoghola ghweghwe kwa Kiristu, Imwana wa Imulungu, iyatsile mne isi.&#8221;</div><div class="s">Yesu komlilila Lazali</div><div class="p"> 28Marita hayalongile pfino, kaghenda mng'anda kamkema Mariya chinyelenyele. Kamlongela, &#8220;Mlangulitsi kabaha, kokukema.&#8221; 29Mariya hayahulike pfino, kenuka himahima kamghendela Yesu. 30Na Yesu tsakakala ng'ana yapfike mkaye, ila kakala hanu hala hayetingane ne Marita. 31Wayahudi iwakalile mng'anda womkanza Mariya, hawamwonile Mariya kenuka himahima na kulawa kunze wamuwinza, wapfikitsa yang'ali yoghenda kulila mne likabuli. 32Mariya hayapfikile hanu hayali Yesu na hayamwonile, kamtowela ghamaghoti, kamlongela, &#8220;Mtwatsa, ka ung'awile hano, lumbu wangu tsa yang'alekile kufa!&#8221; 33Yesu hayamwonile Mariya kolila, na Wayahudi iwatsile na Mariya nawo wolila, Yesu kaghanzika mne ghumoyo ghwake, kona usungu. 34Yesu kawaghutsa, &#8220;Angu mumtsikile kwani?&#8221;</div><div class="p">Wamwidika, &#8220;Mtwatsa, itsa wone.&#8221;</div><div class="p"> 35Yesu kalila. 36Kuya Wayahudi walonga, &#8220;Mlole pfayamnoghele!&#8221;</div><div class="p"> 37Lekeni iwanu wangi welongela, &#8220;Ka kamhonetsa imunu chifita, ule ng'adahile kumtenda Lazali aleke kufa?&#8221;</div><div class="s">Yesu komtsilihula Lazali</div><div class="p"> 38Yesu yang'ali yoghanzika keli mne ghumoyo ghwake, kaghenda mbaka mne likabuli, likabuli tsalikala imango iighubikighwe ne libwe. 39Yesu kawalaghitsa, &#8220;Mlibimbilise libwe!&#8221; Marita lumbu wa imunu iyafile kamwidika, &#8220;Mtwatsa, lekeni katsonung'a, ghamatsuwa mane ghabita kulawa yatsikighwe!&#8221;</div><div class="p"> 40Kuya Yesu kamlongela, &#8220;Apfi sikulongele bae ka ung'atoghola, kutsakona utunitso we Imulungu?&#8221; 41Apfo wabimbilisa libwe. Kuya Yesu kalola kulanga kalonga, &#8220;Aba, nolonga mighede kwaapfila kwonihulika. 42Nomanya ghamatsuwa ghose kwonihulika, lekeni nolonga pfino kwaajili ya iwanu iwemile hano, ili watoghole ghweghwe kunituma.&#8221; 43Yesu hayamalitse kulonga apfi, kakemelela, &#8220;Lazali, lawa kunze!&#8221; 44Naye Lazali kalawa kunze, ghamoko na maghulu ghake ghoighwa isanda na ichihanga chake chighubikighwa chitambala.</div><div class="p">Yesu kawalongela, &#8220;Mdoholeni mumleke yoke.&#8221;</div><div class="s">Wayahudi wobama kumkoma Yesu</div><div class="r">(Matei 26:1-5; Maliki 14:1-2; Luka 22:1-2)</div><div class="p"> 45Apfo Wayahudi wengi iwaghendile kumwangila Mariya, waghona ghayatendile Yesu, na wamtoghola. 46Lekeni iwanu wangi woya kwa Mafarisayo wawalongela aghala ghayatendile Yesu. 47Apfo Mafarisayo na iwatambika wakulu wetingana ne iwanu we Libalatsa lye Wayahudi, weghutsa, &#8220;Tutende choni? Imunu yuno kotenda pfihulo pfingi. 48Tung'amleka aghendelele, iwanu wose watsomtoghola, kuya iwakulu wa Waroma watsakutsa kusola Ing'anda yetu ya ukulombela na isi yetu.&#8221;</div><div class="p"> 49Kuya yumwe wawo, iyakemighwe Kayafa, iyakalile Mtambika mkulu wa ghumwaka ghula, kalonga, &#8220;Mwawabotsi! 50Apfi ng'ammanyile bae ka pfinogha kuna mwemwe imunu yumwe yafe kwaajili ya iwanu wose kubita isi yose ihinyighwe?&#8221; 51Ng'alongile bae kwa kubama imwenyegho, lekeni kwaapfila tsakakala mtambika mkulu wa ghumwaka ghula, tsakatabili Yesu katsakufa kwaajili ya isi ya Wayahudi, 52kuya si kwaajili ya isi ila iliyeka, ila pfipfila kuweka hamwe iwana we Imulungu iwapwililike wawe wamwe. 53Apfo kulawa litsuwa lila iwakulu wa Wayahudi wabama inzila ya kumkoma Yesu. 54Apfo Yesu ng'aghendile bae mwatsimwatsi muisi ya Yudeya, ila kalawa ako kaghenda habehi na kunyika, kune kaye iikemighwe Efuremu, hao kakala ne iwanang'ina wake.</div><div class="p"> 55Ichihungo che Ipasaka cha Wayahudi hachipfikile habehi, iwanu wengi wagheluka Yerusalemu ili wadeghesighwe ng'ana Ipasaka ipfike. 56Wang'ali wombama Yesu, na hawetingane mne Ing'anda ye Imulungu weghutsa, &#8220;Mkwonatse? Apfi ng'atsakutsa bae mne lchihungo?&#8221; 57Lekeni iwatambika wakulu na Mafarisayo walapfa laghitso imunu wowose iyomanya kwayali Yesu, yalonge, ili wamghoghe.</div>
 </div>
 </div>
</div>

Imunu yumwe iyakemighwe Lazali tsamtamu. Lazali yang'ali yokala Betaniya, kaye yake Mariya ne ndughu yake Marita. Mariya yuno tsakakala yuyula iyambakile Imtwatsa Yesu ghamafuta ighonung'ila mmaghulu na kughabaghusa kwa mvili tsake, lumbu wake Lazali tsakakala mtamu. Apfo lumbu tsake Lazali wamtumila Yesu usenga, “Imtwatsa, sale yako yumnoghele koghula.” Yesu hayahulike apfi, kalonga, “Utamu uno ng'autsomkoma bae Lazali, utamu uno ulawila kwa utunitso we Imulungu ili Imwana we Imulungu yatunitsighwe kubitila utamu uno.” Yesu tsakawanoghela Marita na lumbu wake na Lazali. Yesu hayahulike Lazali koghula, kongetsa ghamatsuwa meli gha kukala hala hayakalile. Kuya Yesu kawalongela iwanang'ina wake, “Tuye keli Yudeya.” Iwanang'ina wake wamlongela, “Mlangulitsi, ghamatsuwa chidogho ighalutile Wayahudi tsawabama wakutowe ne ghamabwe, ule kwobama ughende keli hanu hala?”
Yesu kawedika, “Apfi misi yahela masaa kumi ne meli bae? Imunu iyokwanga nemisi ng'ekwala bae kwaapfila koghwona ghumwanga ghwe isi ino. Lekeni imunu ang'anga nechilo kekwala, kwaapfila kahela ghumwanga.” Yesu hayalongile apfi, kaghendelela kuwalongela, “Sale yetu Lazali kawasa, lekeni noghenda kumlamsa.”
Iwanang'ina wake wamwidika, “Mtwatsa, ka kawasa, katsohona.” Yesu tsayang'ali yolonga Lazali tsakafa lekeni iwanang'ina wake wapfikitsa Lazali tsakawasa. Apfo Yesu kawalongela mwatsimwatsi, “Lazali kafa, lekeni kwaajili yenu nodeng'elela kwaapfila sikalile naye bae, ili mtoghole. Leka tumghendele.” Kuya Tomasi, iyakemighwe Basa kawalongela iwanang'ina wayaghe, “Leka tughende ne Mlangulitsi ili tufe naye.”

Yesu hayapfikile, tsakapfika lukuli lwa Lazali lwikighwa mne likabuli ghamatsuwa mane ighalutile. Kaye ya Betaniya tsaikala habehi ne Yerusalemu, utali wa maili mbili, na Wayahudi wengi watsa kuwakanza Marita ne Mariya kwa ukufa kwa ndughu yawo. Marita hayahulike Yesu kakutsa, kaghenda kunze kwitingana na Yesu, lekeni Mariya tsakasighala mng'anda. Marita kamlongela Yesu, “Mtwatsa, ka ung'awile hano, lumbu wangu tsa yang'alekile kufa! Lekeni nomanya hata sambi Imulungu katsokwing'a chochose chaumlomba.”
Yesu kamlongela, “Lumbu wako katsotsilihuka.”
Marita kamwidika, “Nomanya katsotsilihuka keli mne litsuwa lya ukutsigha.”
Yesu kamlongela, “Nene nautsilihuko ne ughima. Imunu iyonitoghola nene, ang'afa katsakuwa mghima, na imunu wowose iyokala na kunitoghola nene ng'atsakufa bae. Pfii kwotoghola?” Marita kamwidika, “Ona, Mtwatsa! Nokutoghola ghweghwe kwa Kiristu, Imwana wa Imulungu, iyatsile mne isi.”

Marita hayalongile pfino, kaghenda mng'anda kamkema Mariya chinyelenyele. Kamlongela, “Mlangulitsi kabaha, kokukema.” Mariya hayahulike pfino, kenuka himahima kamghendela Yesu. Na Yesu tsakakala ng'ana yapfike mkaye, ila kakala hanu hala hayetingane ne Marita. Wayahudi iwakalile mng'anda womkanza Mariya, hawamwonile Mariya kenuka himahima na kulawa kunze wamuwinza, wapfikitsa yang'ali yoghenda kulila mne likabuli. Mariya hayapfikile hanu hayali Yesu na hayamwonile, kamtowela ghamaghoti, kamlongela, “Mtwatsa, ka ung'awile hano, lumbu wangu tsa yang'alekile kufa!” Yesu hayamwonile Mariya kolila, na Wayahudi iwatsile na Mariya nawo wolila, Yesu kaghanzika mne ghumoyo ghwake, kona usungu. Yesu kawaghutsa, “Angu mumtsikile kwani?”
Wamwidika, “Mtwatsa, itsa wone.”
Yesu kalila. Kuya Wayahudi walonga, “Mlole pfayamnoghele!”
Lekeni iwanu wangi welongela, “Ka kamhonetsa imunu chifita, ule ng'adahile kumtenda Lazali aleke kufa?”

Yesu yang'ali yoghanzika keli mne ghumoyo ghwake, kaghenda mbaka mne likabuli, likabuli tsalikala imango iighubikighwe ne libwe. Yesu kawalaghitsa, “Mlibimbilise libwe!” Marita lumbu wa imunu iyafile kamwidika, “Mtwatsa, lekeni katsonung'a, ghamatsuwa mane ghabita kulawa yatsikighwe!”
Kuya Yesu kamlongela, “Apfi sikulongele bae ka ung'atoghola, kutsakona utunitso we Imulungu?” Apfo wabimbilisa libwe. Kuya Yesu kalola kulanga kalonga, “Aba, nolonga mighede kwaapfila kwonihulika. Nomanya ghamatsuwa ghose kwonihulika, lekeni nolonga pfino kwaajili ya iwanu iwemile hano, ili watoghole ghweghwe kunituma.” Yesu hayamalitse kulonga apfi, kakemelela, “Lazali, lawa kunze!” Naye Lazali kalawa kunze, ghamoko na maghulu ghake ghoighwa isanda na ichihanga chake chighubikighwa chitambala.
Yesu kawalongela, “Mdoholeni mumleke yoke.”


Apfo Wayahudi wengi iwaghendile kumwangila Mariya, waghona ghayatendile Yesu, na wamtoghola. Lekeni iwanu wangi woya kwa Mafarisayo wawalongela aghala ghayatendile Yesu. Apfo Mafarisayo na iwatambika wakulu wetingana ne iwanu we Libalatsa lye Wayahudi, weghutsa, “Tutende choni? Imunu yuno kotenda pfihulo pfingi. Tung'amleka aghendelele, iwanu wose watsomtoghola, kuya iwakulu wa Waroma watsakutsa kusola Ing'anda yetu ya ukulombela na isi yetu.”
Kuya yumwe wawo, iyakemighwe Kayafa, iyakalile Mtambika mkulu wa ghumwaka ghula, kalonga, “Mwawabotsi! Apfi ng'ammanyile bae ka pfinogha kuna mwemwe imunu yumwe yafe kwaajili ya iwanu wose kubita isi yose ihinyighwe?” Ng'alongile bae kwa kubama imwenyegho, lekeni kwaapfila tsakakala mtambika mkulu wa ghumwaka ghula, tsakatabili Yesu katsakufa kwaajili ya isi ya Wayahudi, kuya si kwaajili ya isi ila iliyeka, ila pfipfila kuweka hamwe iwana we Imulungu iwapwililike wawe wamwe. Apfo kulawa litsuwa lila iwakulu wa Wayahudi wabama inzila ya kumkoma Yesu. Apfo Yesu ng'aghendile bae mwatsimwatsi muisi ya Yudeya, ila kalawa ako kaghenda habehi na kunyika, kune kaye iikemighwe Efuremu, hao kakala ne iwanang'ina wake.
Ichihungo che Ipasaka cha Wayahudi hachipfikile habehi, iwanu wengi wagheluka Yerusalemu ili wadeghesighwe ng'ana Ipasaka ipfike. Wang'ali wombama Yesu, na hawetingane mne Ing'anda ye Imulungu weghutsa, “Mkwonatse? Apfi ng'atsakutsa bae mne lchihungo?” Lekeni iwatambika wakulu na Mafarisayo walapfa laghitso imunu wowose iyomanya kwayali Yesu, yalonge, ili wamghoghe.

Ακρόαση Yohane 11