Sawal la giled’a 84
84
Sawala hi suma a mba á kud’or Alona Jerusalem
1Ni sawal la gile d’a Kore groma a hlat kadingâ a hat mi ma ngolâ hi suma hle sawalina.
2Ma didin ma ad’engêng kal petna,
gong manga djivi mata kal tegles.
3Tan nga d’i lan zlezleû tala burun dap atogo zak ba,
an kal kur gulumun mangâ d’a,
hurun ki tan pet a nga le furîd’a
á yang ang Alo ma arina.
4Ma didin ma ad’engêng kal petna,
amul mana, Alo mana, hïra pî yat ma kaka mi nga,
ababeina pî mi nga kaziyam á tchuk groma kua
go ki yi mang ma ngal ahle suma ngat buzu ma tetengâ.
5Suma a nga kaka avo hatangâ, a le furîd’a,
a mba gileng burâ ki burâ.
Tchol ndjö
6Suma ad’eng mazid’a tcholï natang
suma huruzi nga tinda yam lovot ta i Jerusalem á kud’urongâ
a le furîd’a.
7Ata yima azi nga kal kur hor ra Baka-d’ina,
ti mbut hor ra djang mbina avoroziya,
alo ma hod’ogeid’a mi mbud’ut ni yima a b’e vuna kama.
8Ad’engêzi nga d’i i avogovok
á i avok ang Alona avo Siyon.
9Ma didina, Alo ma ad’engêng kal petna,
ang hum tchen manda;
Alona hi Jakob-ma, ang tin humangû.
Tchol ndjö
10Alo mamina, angî mbarei mamid’a;
ang we, ang gol ir ma ang manama.
11Bur ma tu ma an kal kur gulumun mangîna,
mi djivid’a kal bur ma dubu ma an kak kei abuna.
Alo mana, tan lan djivid’a á kak ndjola avun gong manga
kal la an kak kur zlub’ud’a hi suma asa’atnid’a.
12Ma didina, Alo mamina, angî afata, angî mbareid’a,
angî ma ve sumad’a, angî ma subur suma,
ang nga d’el djivi manga
mi suma a nga tit d’ingêr avorongâ d’i.
13Ma didin ma ad’engêng kal petna,
suma a tin huruzi kangâ a le furîd’a.
Zur Zeit ausgewählt:
Sawal la giled’a 84: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.