Sawal la giled’a 82
82
Alona ni ma nga mi ka sariya d’a iratina
1Ni sawal la gile d’a Asaf mi hlata.
Alona mi nga tchola aduk tok ka ngol la sä akulod’a,
nga mi ka sariyad’a aduk suma a nga yazi ala alona na.
2Mi dazi ala: Agi mba kagi sariyad’a bei d’ingêra
á djik suma asa’atna akulo hina gagak mindja ge?
Tchol ndjö
3Ar agi kagi sariya d’a d’ingêra
mi suma amangeîna ki suma hokuyod’a.
ar agi kagi sariya d’a d’ingêra
mi suma hohoud’a ki suma kid’aka mi.
4Ar agi sud’ugi suma amangeîna ki suma houd’a,
ar agi prud’uzi woi abo suma asa’atna.
5Kayam agi wagi nga va d’i, agi nga wad’ud’a d’uo mi,
agi nga tid’igi ni kur nduvunda.
Kayam ndata, ad’u ged’a handagad’id’a nga d’i giged’a.
6An dala: Agi nalona,
agi ni Ma sä akulo ma kal teglesâ groma.
7Wani agi mba bogi ni d’igi suma na,
agi mba pugugi ni d’igi ma ngol ma lara pî hina mi.
8Alo mana, ang tchol akulo,
ang ka sariyad’a yam suma yam andagad’ina,
kayam angî Sala andjaf suma yam andagad’ina pet.
Zur Zeit ausgewählt:
Sawal la giled’a 82: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.