Ad’u Tinda 5
5
Andjafâ hi Adam-ma gak mba ata Noe
1Wana ni simiyê andjafâ hi Adam-ma. Bur ma Alona mi le sanina, mi lumî d’igi mam tamba na. 2Bur ma mam le mandjufâ katchad’ina, mi b’e vunam kaziya, mi yazi ala Suma.
3 Adam mi le bizad’a kis yam dok hindi, mi vut gorâ, mi hlum dedege, mi yum ala Set. 4Bugol la Adam mi vut Set vuta, mi le bizad’a kikis klavandi, mi vut gro andjofâ ki gro aropma. 5Adam mi le bizad’a pet ni kikis zlengâ yam dok hindi, mi mid’a.
6Set mi le bizad’a kis yam vahl, mi vut Enos. 7Bugol la mi vut Enos vuta, mi le bizad’a kikis klavandi yam kid’iziya, mi vut gro andjofâ ki gro aropma. 8Set mi le bizad’a pet ni kikis zlengâ yam dogo yam mbà, mi mid’a.
9Enos mi le bizad’a dok zlengâ, mi vut Kenan. 10Bugol la mi vut Kenan vuta, mi le bizad’a kikis klavandi yam dogo yam vahl, mi vut gro andjofâ ki gro aropma. 11Enos mi le bizad’a pet ni kikis zlengâ yam vahl, mi mid’a.
12Kenan mi le bizad’a dok kid’iziya, mi vut Mahalalel. 13Bugol la Kenan mi vut Mahalalel vuta, mi le bizad’a kikis klavandi yam dok fid’i, mi vut gro andjofâ ki gro aropma. 14Kenan mi le bizad’a pet ni kikis zlengâ yam dogo, mi mid’a.
15Mahalalel mi le bizad’a dok karagaya yam vahl, mi vut Jeret. 16Bugol la mi vut Jeret vuta, mi le bizad’a kikis klavandi yam dok hindi, mi vut gro andjofâ ki gro aropma. 17Mahalalel mi le bizad’a pet ni kikis klavandi yam dok zlengâ yam vahl, mi mid’a.
18Jeret mi le bizad’a kis yam dok karagaya yam mbà, mi vut Enok. 19Bugol la Jeret mi vut Enok vuta, mi le bizad’a kikis klavandi, mi vut gro andjofâ ki gro aropma. 20Jeret mi le bizad’a pet ni kikis zlengâ yam dok karagaya yam mbà, mi mid’a.
21Enok mi le bizad’a dok karagaya yam vahl, mi vut Metusala. 22Bugol la Enok mi vut Metusala vuta, mi tit zlapa kAlona bizad’a kikis hindi, mi vut gro andjofâ ki gro aropma. 23Enok mi le bizad’a pet ni kikis hindi yam dok karagaya yam vahl. 24Enok mi tit zlapa kAlona; sa fum nga d’i, kayam Alona mi hlum sä akulo gevemu.
25Metusala mi le bizad’a kis yam dok klavandi yam kid’iziya, mi vut Lemek. 26Bugol la mi vut Lemek vuta, mi le bizad’a kikis kid’iziya yam dok klavandi yam mbà, mi vut gro andjofâ ki gro aropma. 27Metusala mi le bizad’a pet ni kikis zlengâ yam dok karagaya yam zlengâ, mi mid’a.
28Lemek mi le bizad’a kis yam dok klavandi yam mbà, mi vut gorâ, 29mi yum ala Noe, mi dala: Ni ma mba mi b’lengeî huri yam sun meid’a ki sun nda ndak ka ei mba lat kaboi yam andaga d’a Ma didina mi gat vunid’a. 30Bugol la Lemek mi vut Noe vuta, mi le bizad’a kikis vahl yam dok zlengâ yam vahl, mi vut gro andjofâ ki gro aropma. 31Lemek mi le bizad’a pet ni kikis kid’iziya yam dok kid’iziya yam kid’iziya, mi mid’a.
32 Noe mi le bizad’a kikis vahl, mi vut Sem, Ham ki Jafet.
Zur Zeit ausgewählt:
Ad’u Tinda 5: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.