یوحنا 20
20
عیسی تربَه تَیَه
1هفته اوَّله روج یعنی یکشنبَه سوکَه خونیکا، هَنگومی کن هوا هَنوزنی تاریک بَه، مریم مَجْدَلیّه تِربَرا آمَه و ویندِشَه کن تربَه کازی، تِربَه نَکا پِگَتَشونه. 2پس ویریتِه ویریتِه شَمعون پِطروس و اَ دیَیرَ شاگردی کن عیسی اَی رَی داریَه وَر شَه و اَیِنِش واتَه: «چَمَه اقا تِربکا بَردَشونه و نِمَزنی کِرَم جگا کا آنوعَشونَه.» 3پس پِطروس اَدیَیرَ شاگردینه بِرِن بَرمینَه، و تربَه طَرَف شین. 4هر دِ نَفر، یَندِنه اَوریجینَه؛ اَمّا اَ دیَیرَ شاگرد تِندتَر شَه، و پِطروسیکا نَ دَشه و اَولین نَفَر تِربَرا آرَستَه. 5پس شَت آبه و تربَه دِلَه دَیَشتِشَه و ویندِشَه کن کَفَنِن اَجگا کاینَه، ولی تِربه دلَرا نِشه. 6شَمعون پِطروس نی چَی دوملَه آمَه و تِربَه دِلَه دشَه، ویندِشَه کن کَفَنِن اَجگاکاینَه، 7اَمّا دستَه مالی کن عیسی کَلَّه دووریکا دَبَستشون بَه کَفَنون وَریکا نیَه، بَلکَم چَک بَه یَه و دییَر جِگاکا نوعَشه. 8پس اَ دییَر شاگرد نی کن اَولیکا تِربَرا آرَستَه بَه، دِلَه دَشه و ویندشَه و ایمان وَردِشه. 9اِمی خونه کن شاگردِن هَنوزَنی موقدسَه نوشتَه اون درک کَردَشون نِبَه کن اَ پی مَردَاون دِنیا کا زندَ آبو. 10اَموقه اَ دِ شاگرد اِشتَن کَرا ویگَردستین.
عیسی مریم مجدَلیَه را اَیر آرَب
11ولی مریم، تِربَه برنیکا پا مَند بَه و اَبرَمیَه. اَ هَتَه کن اَبرَمیَه، شَت آبَه تا تِربه دِلَه دَیَسِه. 12اَموقه دِ گله فرشتَه ویندِشَه کن ایسبیَه شِندِرِ دَکَردَشون بَه و اَجگا کاکن عیسی مَییّتی آنوعَشون بَه نشت بینَه، ایلَه اَ جگایی کن عیسی کَلَه آنوعَشون بَه و اَیلَه چَی لنگون جِگاکا. 13اَیِن بَی واتِشون: «اَی ژِن، چیرا کاش برَمستِه؟»مریم جواب داشَه: «چمن آقا مَیتی بَردَشونَه و نمَموست اَی کِرَم جگا کا نوعَه شونَه.» 14وَقتی اِمی واتش، آگَردسته و عیسیاش کن چَی پِشتیکا پا مند بَه ویندشَه، ولی نِه آزنِستشَه کن اَ عیسا اَ . 15عیسی مریمی واتِشَه: «اَی ژِن چیرا کاش برمستِه؟ چیکی دوملَه بَگَردستیشَه؟» مریم کن فکر اَکَریَه اَ باغه وونَه، بَی واتِش: «آقا، اَگَم ته اَی پِگَترَ بَمن بواج کِرَم جِگاکا نوعَرَ تا بشوم و اَی پِگِرم.» 16عیسی سَس دَکَردِشَ: «مریم!» مریم اِشتَن دیمی چَی طَرَف آگاردنستشَ و عبرانیون زَبانینَه واتِش: «رَبّونی!» (یعنی اِستا). 17عیسی بَی واتِش: «بَمن کَشا آمَگِه، اِمی خونه کن هَنوزَنی دَدَ وَر کَفارا شَه نیمَه. بَلکَم تِه چمن برااون وَر بش و اَوون بواج کن اِشتَن دَدَ و شمَه دَدَ و اِشتَن خدا و شمَه خدا وَر کَفا بَشیمه.» 18مریم مَجْدَلیّه شَه و شاگردونرا خبر آداشَه کن «خداوندی ویندَمَه!» و اَچیی اِنی کن عیسی بَی واتَش بَه، چَوونرا جیگیر کَردشه.
عیسی بَشتَن شاگِردونرا آمونِه
19هَه روجی دییَرمازی موقِه کن هَفته اوَّلین روج بَه، وقتی کن شاگردِن یِندِ وَر جَمع آبَه بین و بَرَنگا اِن یَهودیون تَرسیرا اَچَر بین، عیسی آمه و چَوون دِلَکا پا مَندَ و اَیِنِش واتَه: «سلام بر شمَه!» 20وَقتی اِمی واتِشَه، اِشتَن بالون و تَفی اَیِنِش آمونِستَه. شاگردِن خداوندی وینده خونِه خَش آبین. 21عیسی هَنی اَیِنِش واتَه: «سلام بر شمَه! هَته کن دَدَ بَمن رونه آکردشَه، اَز نی شمَه رَونَه بَکَم.» 22وَقتی اِمی واتِش، چَوون سَر فو دَکَردشه و واتشَه: « موقَدسَه روح بیگِرَ. 23اَگَم شِمَه کَسی گناخون ببخشه اَیِن بَخشیدَ بَبین، و اَگَم شِمَه کَسی گِناخون مَبخشَه اَیِن بخشیدَ آنینَّب.»
عیسی و توما
24هَنگومی کن عیسی آمَه، توما، ایلهَ اَدانزَّ نَفریکا، کن اَی دوقلو نی خِلِه اَکَرینَه، اَوونَّه دَرِ نِبَه. 25پس دیَیرَ شاگردِن بَی واتِشون: «اَمه خداوندی ویندَمونَه!» ولی توما اَیِنِش واته: «تا اِشتَن میخون جِگا چَی بالونکا مَوینِم واِشتن انگشتَه میخون جِگاکا نِنَرم و اِشتَن بالی چَی تَفی خلیکا مَنَرم ایمان نِمَورد.» 26هشت روجی بَه دوملَه عیسی شاگردِن هَنی کَکا بینَه و توما اَوونَّه دَرِ بَه. با اِم کن بَرَنگا اِن اَچَر بینَه، عیسی آمه وچوون دلَکا پا مَندَ و واتِش: «سلام بر شمَه!» 27دومله عیسی توماش واتَه: «اِشتِه انگشتی اِم جگا کا آنَه و چمن بالون بوین، و اِشتِه بالی نَ بوعَه و چمن تَفی خلیکا آنَه و بی‌ایمان مَب، بَلکَم ایمان بِدا.» 28توما بَی واتِش: «چمن خداوند و چمن خدا!» 29عیسی بَی واتِش: «اِمی خونه کن بَمن ویندِرَ ایمان وَردِر؟ خَشی اَیِنی حالیرا کن نِویندَ ایمان بوعَرن.»
اِم کیتاوی هَدف
30عیسی وِرَ دیَیرَموعجیزَاون و نِشونَه اون شاگردون وَریکا اَیر آکَردِشه کن اِم کیتاویکا نِوشتَشون نیَه. 31اَمّا اِمن نِوشتَه آبَه اینَه تا ایمان بوعَر کن عیسی هَه وَعدَ آدوعَه مسیح، خدا زوعَه یَه، و تا اِم ایمانی واسیطَنَه، چَی نومی دلَکا زندَگی بدارَ.
Zur Zeit ausgewählt:
یوحنا 20: CTB
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
@ 2024 Korpu Company
