رَسولون اَعمال 1
1
عیسی شِه آستامونیرا
1عالیجناب تِئوفیلوس، اَز اِشتَن اولین کیتاوی گِردِ چیوونی خونه نوشتِمه کن عیسی چَوون اَنجوم دوعِه و آموج دوعِه شِروو کَردِش 2تا روجی کن خدا موقدسَه روح واسیطَنَه فِرمونِنی اِشتَن اینتخاب کَردَ رَسولون آداشَه و چَی بَه دوملَه بَی آستامونیرا کفا بردِشون. 3عیسی عَذاب کَشتِه بَه دوملَه، بَشتَن اَوونرا اَیر آکَردِش و وِرَ چییونَّه ثابیت کَردِشَه کن زِندَ آبَه یَه. عیسی چِل روج چَوونرا اَیر آبَه و خدا پادیشاهی خونِه رَسولونَّه گَف اَژَنیَه. 4ایکَرَ کن عیسی رَسولونَّه دَرِ بَه اَیِنِش فِرمون داشَه کن: «شَهر اورشَلیمیکا مَشَه، بَلکَم اَ وَعدَ کن آستامونیَه دَدَ دوعَش بَه مونتَظیر بومونَه، و واتِش: هَتَه کن بَمِنکا دَرَستِرون؛ 5تعمید اَدَرَ یحیی آوینَه تَعمید اَدَریَه، ولی چَند روجی بَه دوملَه شِمَه خدا موقَدَسه روح نَه تَعمید بَگَتیرونَه.»
6وَقتی کن رَسولِن یِندِ وَر جَم آبَه بین، عیسی کا دَپَرسِستین: «خِداوَندا، اِم زَمونَکارَ کن پادیشاهی، خدا قامیرا آشَه گاردِنِست؟»
7عیسی جواب داشَه: «بَشِمَه آنییَرَست کن، وقتِن و فَصلِنی کن دَدَ اِشتَن زاکینیَه تَیین کردَشَه، بِزنَه؛ 8اَمّا وَقتی خدا موقَدسَه روح شِمَه سَر با، زبق بَگَتیرون و شهر اورشَلیمیکا و گِردِ یَهودیَه و سامِرَ و تا دِنیا دورَ جِگااونکا چمن شاهیدِن بَبیرونَه.»
9عیسی، اِم گَفون ژِ بَه دوملَه، هَتَه کن رَسولِن دَرَدِسینَه، بَی کَفا را بَردِشوَنه و خِری عیساش چَوون چَمی نَکا پِگَتِشَه. 10هَنگومی کن اَشیَه و شاگِردِن آستامونیکا چَم دَشتَشون بَه، ایی کَرَ ایی دِ گِلَه مِرد کن ایسبیَه شِندِر دَکَردَشون بَه چَوون وَریکا پا مَندین 11و واتِشون: «اَی جَلیلیَه مِردِن، چیرا پامَندیرون و آستامونیکا چَم دَشتَه رونَه؟ هِم عیسی کن، بَی شِمَه دِلَکا آستامونیرا بَردِشونَه، هَتَه کن ویندِرون آستامونیرا شَه، هَنی بومَیَه.»
متیاس یهودا جگا اینتخاب بَبی
12چَی به دوملَه رسولِن کو ایکا کن چَی نوم زَیتون بَه، اورشَلیمیرا آگَردِستین. اَ کو ایلَه موقدسَه شَنبَه روجی قَدَر، یعنی حِدود ایی کیلومتر اورشَلیمیکا فاصیلَه داری، کن موقدسَه شنبَه روجیکا تاکَه اِم اندازَ ایجازَ دارینَه. 13وَقتی شَهراورشَلیمیرا آرَستین، بالا خونَه ایرا شین کن چَوون مَندَ جِگا بَه. اَیِنی کن اَ جِگاکا مند بین اِمِن بینَه: پِطروس و یوحنا، یعقوب و آندریاس، فیلیپُس و توما، بَرتولما و مَتّی، حَلفی زوعَه یَعقوب و وطن پرَستَه شَمعون و یعقوبی خِردَن، یَهودا. 14اَیِن گِرد، ژِنونَّه و هِنتَه مریم عیسی نَنَه و عیسی برا اِن، یَکدِل گِردِ اِشتَن وَقتی دِوا اَکَرینَه.
15ایلَه اَ روجِن، پِطروس بِرااون دَلَکا کن گِرد حِدود صَدو بیست نَفر بین، پا مَندَ 16و واتِش: «برا اِن، موقَدسَه نوشتَه اون پیش گویی پی حَقیقَتینَه اَنجوم ببو. اَ نوشتَه اون دلَکا کن خدا موقَدسَه روح خَیلی وَقت چیمی بَه نَه، داوودِ پادیشا زونینَه، یهودا خونِه پیش گویی کردِش. هه کن عیسی گیریفتار آکَرون راهنَما بَه. 17اِمی خونه کن اَ ایلَه اَمَکا بَحیساب آی و رَستی اِم خیدمَتیکا داری.»
18یَهودا اِشتَن آوشَر گیری مِژدینَه تیکَه زَمینی خِریشَه و چَی دِلَکا صَفَتی سَر بَرگِنِستَه و وَصطیکا دِ پارَآبَه چَی لَوَ روعَه گِرد بِرِن ویبَه. 19اورشَلیمی اَمونِن گِرد، اِم ایتفاقیکا خَبَر دار آبین و اِشتَن زَبانینَه اَ اَجِگا نومِشون ’حَقِلْ‌دَما‘ پِناشون، یَعنی خونَه زَمین.
20«کیتاو مَزامیریکا نِوِشتَه آبَیَه:
«”چَی کَه جِگا خَراوَآبو
و کَسی اَجِگا کا زندَگی مَکَرِ،“
و :
«”چَی مقامی دییَرَ کَسی بیگِرِ.“
21پس پی ایلَه اَ مِردونیکا، کن گردِ اَ زمانی کن عیسی خداوند چَمَه دلَکا شِه آمِه اَکَریَه، اَمَنَه بِبیستِه؛ 22یعنی یَحیی غسل تَعمید دوعه موقه کا تا روجی کن عیسی چَمه وَریکا آستامونیرا کَفا بَردِشون. ایلَه اَ آدَمونکا پی اَمَنَه عیسی زندَ آبِه شاهید ببو.»
23اَیِن، دِ نَفَری شون نَه دَرَفندَ: یوسوف کن اَی بَرسابا خِلِه اَکَرینَه و بَی یوستوس نی اَواجین، و مَتّیاسی. 24اَموقه اِنتَرَ دِوا کَردِشون: «خِداوَندا، تِه گِردِ آدَمون دِلونکا باخَبَریشَه. تِه اِشتَن چَمَرا آمون کن کِرَم گِلَه اِم دِ کا اینتخاب کردَرَ 25تا اِم خیدمَتِه رِسول بِه، قِبول بکَرِ، خیدمَتی کن یَهودا چَی اَنجوم دوعِه کا دَمَندَ و جِگاییرا شه کن اَ جِگا شِن بَه.» 26چَی بَه دوملَه قرعَه دَرَفَندِشونَه ومَتیاسی نوم بِرِن برمَه. اِنتَرَکِه اَ، اَ یانزَ روسولی کاولَکا ایضاف آبَه.
Zur Zeit ausgewählt:
رَسولون اَعمال 1: CTB
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
@ 2024 Korpu Company
