Yoane 17
17
Yes kuromp Ntsampe isin baronki bante
1Ampis muna nter amana Yes utot nkos, yante kurent u ruk ya kuror yampe : Tata ! itankua rumawiy ; tonos Muan awo, isin keka Muan awo ikaitonos wene.
2Nko amangwe wene bunono ruk ra toku sikima, keka yante iwek bene bakima bamangwek wene, mony usir bo.
3Mony usir bo mungwak; banta iyeb, wene Ntsampe mwetsh ntshu a barabara, nto a Yes Kristo ntshu atom wene.
4Minyi ramaitons u ruk ra man, ramaman ngun muamapek wene muker.
5Tata ! kekanko wene tonos minyi u kora awo, wen amet i ruton rawak minyi u kor awo bukwetshi awar man rek utuwar bo.
6Minyi ramayebs bat ba man rukompua rawo, bamapek wene u nteng a bat, banta bawak bawo, wene wamapek a banta, banta bumaront ruey rawo.
7Kekanko banta bamayeb, makima mene mamapek wene matowa ngwa wene.
8Isin minyi ramabawek mey mamapek wene, banta bamamarab ; banta bamayeb a barabara, minyi ratoa ngwa wene, bamayes ampe, wene wamatom minyi.
9Minyi rik rompi isina banta kerikirompi isin bat ba man bo, di isina ka bene bamapek wene, isin banta bungwa bawo.
10Biami bikima bingwak biawo, biawo bingwak biami ake, minyi ruton u kat a banta.
11Minyi rek rakawar u kat a bat ba man bo, di banta bungwar u kat a bat, minyi ruwiy angwa wene. Tata Nsek ! ubaront u kat rukompua rawo bene bamapek wene, isina kek banta buwar mwetshi nko bitu.
12Nter awak minyi nto a banta u kat a bat baman, minyi ramabaront u kat rukompua rawo. Minyi raronto ka bene bamapek wene, rek mwetsh ntshu a banta adimu bo, di muan ntshu adimua isin kukoks rine rawak rapunta ukate mukanta mua Ntsampe.
13Kekanko minyi rumawiy ngwa wene, minyi ruror mey mene u kat a bat, isina banta buwar i nianko muami u kat a banta muyemen u kat a banta.
14Minyi ramabawek ruey rawo, bat ba man buk baok pis, isin banta rek bawar bat ba man bo, nko minyi rek rawar ntshu a bat bo.
15Minyi rek iromp isina kubakobr u kat a bat, di isina kubabants u kat bube.
16Banta rek bawar bat ba man bo, nko minyi rek rawar ntshu a bat ba man.
17Ubayemps nto a barabara awo ; ruey rawo rungwak ra barabara.
18Nko amatom wene u kat a bat ba man, minyi ake ramabatom u kat a bat ba man.
19Minyi rumpes minyi amet isina banta, isina keka ba ake buwar bayempuo nto a barabara.
20Minyi kerik rompi isin ba banta bo, di rik romp ake isina bene yebuyes u kat ami i rutot ra banta.
21Isina keka bakima buwar a mwetshi, nko wene, Tata ! Wene ungwa u kat ami, minyi ake rungwar u kat awo ; isina banta ake buwar a mwetshi u kat a bitu, isina keka bat buyes, wene wamatom.
22Minyi ramabawek ruton ramapek wene, isin keka banta buwar a mwetsh nko ngwak bitu a mwetsh.
23Minyi rungwa u kat a banta, wene ake u kat ami, isin banta buyemen a mwetsh, isin bat buyeb, wene wamatom, wene wamabawont, nko amapont wene.
24Tata ! minyi rungont bene bamapek wene, buwar nto ami u irak ruwar minyi ake, isin keka banta batar ruton rami, ruton ramapek wene, isina amapont wene bukwetshi bat nto ake man reke utowang bo.
25Tata Ntshu Nsek ! bat ba manu kebamaiyeb wene bo, di minyi ramaiyeb wene, bene ake bamayeb, wene wamatom minyi.
26Minyi ramabayebs rukompua rawo, rapak basuintsh a rinta, isin keka nsong muamapont wene muwar u kat a banta, nto a minyi ake ruwar u kat a banta.
Zur Zeit ausgewählt:
Yoane 17: EJK2012
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Copyright © 2012, ASAREB, Suisse MiDi BIBLE
