Thangambere 6
6
Dubo ma dit mi Dhanu
1 #
Yob 1:6; 2:1 Man etimbre, kinde ma dhanu maku medri wi wang’ ng’om, man nyir unyole igi, 2nia wot Mungu gineno nyir mi dhanu nia wang’gi leng’; man gigamu igi mon mi ceke ma gifoyo. 3Man Yehova wacu kumae, Tipona bipiembre ku dhanu nja ngo, kum en bende en e kum: ento ceng’ pare bibedo rundi dak acel ku pier ario. 4#Wel 13:33Junefili ginuti i ng’om i ceng’ maeca, man bende yo ng’ei maeno, kinde ma wot Mungu gimondo ba nyig dhanu, e ginyolo nyithindho igi: dhanune gi dhanu ma tek ma ginuti con, dhanu ma pigi yik.
5 #
Mt 24:37; Lk 17:26; 1 Pet 3:20 E Yehova neno nia dubo mi dhanu e dit i ng’om, man nia porolembe mi pidoic mir adunde kubang’e kubang’e en e rac kende thiri thiri. 6Man Yehova lokre kum etimo dhanu wi ng’om, man can unege i adundene. 7E Yehova wacu kumae, Abinyotho dhanu m’acwio kud i wang’ ng’om; dhanu, ku yedi, ku gin ma lak i ng’om, ku winyo ma kor polo; kum alokra rac atimogi. 8Ento Noa nwang’u bero i wang’ Yehova.
Noa Timo Avur
9 #
2 Pet 2:5
Maeni dhanum’utuk pa Noa. Noa en e ng’atu ma pwe, en e ng’atu ma ndhu cu i kind dhanum’utuk pare: Noa wotho ku Mungu. 10E Noa nyolo wote adek, en e Cem, man Ham, ku Yafeth. 11Man ng’om unyothre i wang’ Mungu, ng’om de pong’ ku rop. 12Man Mungu neno ng’om, man, nen, enyothre; kum weg kum ceke ginyotho yo migi wi ng’om.
13Man Mungu wacu ni Noa kumae, Kajik mi weg kum ceke wok i wang’a; kum ng’om upong’ ku rop ni kumgi; man, nen, abinyothogi karacelo ku ng’om. 14Tim iri avur mi yen sipre; itim kusika i avurne, man imwone yor i ie ku yo woko de kud udok. 15Man maeni en e karamb tim m’ibitime ko: kabor mir avurne bot dak adek, kalacne bot pier abic, man kadongone bot pier adek. 16Iketh kaka ma ketho der i avurne, man idare yo malu bot acel; man dhugola mir avurne iketh i ng’ete; time ni kabedo ma piny, ku m’i wie, ku ma wi maeno de. 17Man an, nen, akelo pi ma coro ng’om wi ng’om, kara unyoth weg kum ceke, ma yuyo mi kwo ni i ie, ku the polo; gin ceke ma ni i ng’om bitho. 18Ento abiketho lembariba para cungo kudi; man ibimondo i avurne, in, ku woti, man cegi, ku mond woti karacelo kudi. 19Man ikel gin ceke ma kwo ma ku kum kubang’gi kubang’gi, kwond gin ceke ario ario i avur, kara ugwokgi ma kwo karacelo kudi; gibed ma co ku ma mon. 20Kind winyo ma ku kitgi ma ku kitgi, man kind lim ma ku kitgi ma ku kitgi, kind gin ma lak i ng’om de ma ku kitgi ma ku kitgi, kagi ceke ario ario gibibino i beng’i, kara gibed kwo. 21Man igam kwond cemo ceke i beng’i ma jucamu, man icoke i beng’i; man ebibedo ni cemo iri, man igi. 22#Ebr 11:7Noa timo kumeca; calku gin ceke ma Mungu ng’olo ire, etimo kumeca.
Zur Zeit ausgewählt:
Thangambere 6: AB1970
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Holy Bible In Alur (Lur), Revised Orthography © United Bible Societies, 1970.
