GENESIS 7
7
Noah ye Akwa Mmɔŋ Ukwɔ
1EKEM Jehovah ɔdɔhɔ Noah, ete, Afo ye ofuri ufɔk fo eka ekeduk ke ubom oro; koro afo ke ŋkut nte enende ke iso mi ke eyo emi. 2Da kpukpru oruk edisana unam, itiaba itiaba, ayara ye uman esie, dian idem: ye unam eke midige edisana iba iba, ayara ye uman esie. 3Ye inuen enyɔŋ ŋko itiaba itiaba, ayara ye uman; man onim uduot uwem ke ofuri iso isɔŋ. 4Koro osuk kaŋa usen itiaba ami nyenam edim edep ke isɔŋ ke uwemeyo aba ye okoneyo aba; nyenyuŋ nsɔhi kpukpru se idude uwem emi ŋkanamde, ke iso isɔŋ mfep. 5Ndien Noah anam kpukpru se 6Jehovah eketemede enye. Ndien Noah osim isua ikie itiokiet ke ini mmɔŋ ukwɔ odude ke isɔŋ.
7Ndien Noah ye nditɔ-iren esie, ye ŋwan esie, ye iban nditɔ-iren esie ŋko eduk ke ubom oro, ete ibɔhɔ mmɔŋ ukwɔ. 8Ke edisana unam ye ke unam eke midige edisana, ye ke inuen, ye ke 9kpukpru se inyɔnide ke isɔŋ, iba iba, ayara ye umam, etiene Noah eduk ke ubom, kpa nte Abasi eketemede Noah.
10Edikem ke ɔyɔhɔ usen itiaba, ndien mmɔŋ ukwɔ odu ke isɔŋ. 11Ke ɔyɔhɔ isua uwem Noah ikie itiokiet, ke udiana akpa ɔfiɔŋ, ke ɔyɔhɔ usen ɔfiɔŋ efureba, ke usen oro kpukpru idim inyaŋ ibom asiaha, enyuŋ eberede window ikpa-enyɔŋ. 12Ndien ɔkpɔsɔŋ edim edep ke isɔŋ ke uwemeyo aba ye 13ke okoneyo aba: ke idem usen oro Noah, ye Shem, ye Ham, ye Japhet, ndito-iren Noah, ye ŋwan Noah, ye iban ndito-iren esie ita ŋko ema ekeduk ke ubom oro; mmɔ, 14ye kpukpru unam ke oruk mmɔ, ye kpukpru ufene ke oruk mmɔ ye kpukpru mme andinyɔni eke enyɔnide ke isɔŋ ke oruk mmɔ, ye kupkpru inuen ke oruk mmɔ, kpukpru ŋkpri inuen akpaimɔ mba. 15Ndien mmɔ eduk ke ubom etiene Noah, iba iba ke kpukpru obukidem, emi ibifik uwem odude mmɔ ke esit. 16Ndien mmɔ emi edukde, ayara ye uman ke kpukpru obukidem, eduk kpa nte Abasi eketemede enye: ndien Jehovah esiri usuŋ abaha enye.
17Ndien ukwɔ odu ke isɔŋ ke uwemeyo aba; mmɔŋ onyuŋ ɔtɔt, emen ubom ke enyɔŋ, ndien ubom adaha ɔkpɔŋ isɔŋ. 18Mmɔŋ onyuŋ okpon onyuŋ awak eti-eti ke isɔŋ; ubom onyuŋ ɔfiɔrɔ ke akpa mmɔŋ. 19Mmɔŋ onyuŋ okpon eti-eti ke isɔŋ onyuŋ ofuk kpukpru edikoŋ obot emi edude ke idak ofuri enyɔŋ. 20Mmɔŋ okoŋ akan isɔŋ ibio idomo okuk efut; onyuŋ ofuk obot.
21Ndien kpukpru obukidem emi asaŋade ke isɔŋ akpa, ke inuen, ye ke ufene, ye ke unam, ye ke kpukpru mme andinyɔni eke enyɔnide ke isɔŋ, ye kpukpru owo: 22kpukpru se idude ke edisat isɔŋ akpa. Kpukpru se ibifik spirit uwem odude mmɔ ke ibuo, 23Enye onyuŋ ɔsɔhi kpukpru se idude uwem ke iso isɔŋ efep, ye owo, ye ufene, ye mme andinyɔni, ye inuen enyɔŋ; onyuŋ ɔsɔhi mmɔ efep ke isɔŋ. Ndien Noah ɔsuhɔ ikpɔŋ, ye mmɔ emi edude ye enye ke ubom.
24Ndien mmɔŋ okpon ke isɔŋ ke usen ikie ye aba ye duop.
Zur Zeit ausgewählt:
GENESIS 7: ENA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Efik Old Bible With Sectional Headings © Bible Society of Nigeria, 2013, 2019.
