GENESIS 6
6
Mme Owo Etɔt ke Iso Isɔŋ
1EDIKEM, ke owo etɔŋɔde ndiwak ke iso isɔŋ, nditɔ-iban 2enyuŋ emanade enɔ mmɔ, ndien nditɔ-iren Abasi ekut ndito-iban owo nte eyede, ndien mmɔ eda iban kpukpru eke mmɔ emekde edɔ.
3Ndien Jehovah ɔdɔhɔ, ete, Spirit mi idiŋwanake ye owo ke nsinsi, ke eridue emi mmɔ eduede mmɔ edi obuk, edi usen mmɔ eyedi isua ikie ye edip. 4Ata ikpɔ owo ekedu ke isɔŋ ke ini oro; ndien ke nditɔ iren Abasi ema eketiene nditɔ-iban owo ŋko, mmɔ enyuŋ emande nditɔ enɔ mmɔ, mmɔ edi ata mkpɔsɔŋ owo uko, emi edude ke eyo oko, mbon etop.
Ekikere Esit Owo Edi Idiɔk Kpukpru Ini.
5Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini. 6Ndien Jehovah atua ŋkpɔfiɔk koro enye akanamde owo ke isɔŋ, esit onyuŋ ayat enye. 7Ndien Jehovah ɔdɔhɔ ete, Nyesɔhi owo emi mbotde ke iso isɔŋ mfep; ntɔŋɔ ye owo nsim ufene, ye ɔnyɔni, ye inuen enyɔŋ: koro mmatua ŋkpɔfiɔk koro ŋkanamde mmɔ. 8Edi Noah okut mfɔn ke iso Jehovah.
9Emi edi mbuk emana Noah: Noah enen oyuŋ ɔfɔn ama ke eyo esie, 10Noah asaŋa ye Abasi. Noah onyuŋ obon nditɔ-iren ita, 11Shem, ye Ham, ye Japhet. Ndien ererimbot etie oburobut ke iso Abasi, afai onyuŋ ɔyɔhɔ ke ererimbot. 12Ndien Abasi ese ererimbot, ndien, sese, ababiara: koro kpukpru owo ekebiatde usuŋ mmɔ ke isɔŋ. 13Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ. 14Da eto gopher nam ubom nɔ idem fo: nam ŋkpri ufɔk ke ubom oro, nyuŋ yet enye itai ke esit ye ke edem. 15Nam enye ntem; uniɔŋ ubom ibio-idomo-okuk ikie ita, ubom esie ibio-idomo-okuk aba ye duop, idaha esie ibio-idomo-okuk edip ye duop. 16Nam uŋwana nɔ ubom oro, nyuŋ nam enye etre ɔkpɔŋ enyɔŋ ibio-idomo-okuk kiet; nyuŋ da usuŋ sin ubom ke ŋkaŋ; nam deck ke isɔŋ, ye ke ufɔt ye ke enyɔŋ. 17Ndien, sese, ami mmɔn nnam ukwɔ mmɔn edi ke isɔŋ, edisobo kpukpru obuk owo emi ibifik uwem odude mmɔ ke esit, ke idak enyɔŋ efep; kpukpru se idude ke isɔŋ eyekpa. 18Nyenyuŋ nnam ediomi mi ye afo ɔsɔŋɔ ada, ndien afo ediduk ke ubom oro, afo, ye nditɔ-iren fo ye ŋwan fo, ye iban nditɔ-iren fo ŋko. 19Ke kpukpru se idude uwem ke kpukpru obukidem, afo edinyuŋ ada iba iba ke kpukpru oduk ke ubom, kpaŋ okponim mmɔ ke uwem ye afo; mmɔ edidi nyara ye uman. 20Ke inuen ke oruk mmɔ, ye ke ufene ke oruk mmɔ, ye ke kpukpru se inyɔnide ke isɔŋ ke oruk mmɔ, iba iba ke kpukpru editiene fi, kpaŋ okponim mmɔ uwem. 21Afo nyuŋ da kpukpru udia eke ediade bon ke idem fo; ndien eyedi udia fo ye eke mmɔ oro. 22Ndien Noah anam kpukpru se Abasi eketemede enye, ntem ke enye anam.
Zur Zeit ausgewählt:
GENESIS 6: ENA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Efik Old Bible With Sectional Headings © Bible Society of Nigeria, 2013, 2019.
