Genesis 10
10
I p'olbalob i yalobilob Noé
(1 Cr. 1.5-23)
1Jiñobʌch i p'olbalob Sem yic'ot Cam yic'ot Jafet i yalobilob Noé. Tsi' yilayob pañimil che' bʌ tsa' lajmi but'ja'.
2Jiñobʌch ch'iton bʌ i yalobilob Jafet: Gomer, Magog, Madai, Javán, Tubal, Mesec, Tiras. 3Jiñobʌch ch'iton bʌ i yalobilob Gomer: Askenaz, Rifat, Togarma. 4Jiñobʌch ch'iton bʌ i yalobilob Javán: Elisa, Tarsis, Quitim, Dodanim. 5Jiñobʌch i ñojte'elob jini winicob x'ixicob tsa' bʌ pam pujquiyob ti lum tac ba'an colem ñajb. Tsa' pujquiyob ti jujump'ejl lum. Ti chajp ti chajp i t'an ti mojt ti mojt.
6Jiñobʌch ch'iton bʌ i yalobilob Cam: Cus, Mizraim, Fut, Canaán. 7Jiñobʌch ch'iton bʌ i yalobilob Cus: Seba, Havila, Sabta, Raama, Sabteca. Jiñobʌch ch'iton bʌ i yalobilob Raama: Seba yic'ot Dedán.
8Cus jiñʌch i tat Nimrod. Ñuc tsa' caji' chañ'esan i bʌ Nimrod ti pañimil. 9Wen yujil ajñesa bʌte'el ti' tojlel lac Yum. Jini cha'an mi la cʌl: Che' bajche' Nimrod ñuc bʌ x'ajñesa bʌte'el ti' tojlel lac Yum, cho'onla. 10I cajibal i yumʌntel Nimrod jiñʌch Babel yic'ot Erec yic'ot Acad yic'ot Calme am bʌ ti lum i c'aba' Sinar. 11Che' bʌ tsa' loq'ui ti ili lum tsa' ochi ti Asiria. Tsi' mele Nínive, Rehobot, Cala. 12Tsi' mele ja'el Resén ti yojlil bij che' mi lac loq'uel ti Nínive cha'an mi lac majlel ti Cala. Jiñʌch jini colem bʌ tejclum.
13-14Mizraim jiñʌch i tat Ludim, Anamim, Lehabim, Naftuhim, Patrusim, yic'ot Casluhim (i tatob filisteojob), yic'ot Caftorim.
15-18Canaán jiñʌch i tat Sidón jini ñaxan bʌ i yalobil. I tatʌch Het ja'el, yic'ot jebuseojob, amorreojob, gergeseojob, heveojob, araceojob, sineojob, arvadiojob, zemareojob, hamateojob. Ti mojt ti mojt tsa' pam pujquiyob ti' lumal Canaán. 19I lumal cananeojob tsa' tejchi ti Sidón. Tsa' majli ti Gerar yic'ot ti Gaza yic'ot ti Sodoma, ti Gomorra, ti Adma, yic'ot ti Zeboim, c'ʌlʌ ti Lasa.
20Jiñobʌch winic bʌ i yalobilob Cam ti jujump'ejl i yotot ti jujunchajp i t'an ti jujump'ejl i lumal ba' tsa' majliyob.
21-22Sem jiñʌch i yʌscun Jafet. Tsi' yilayob pañimil ja'el i yalobilob Sem:
Jiñobʌch Heber, Elam, Asur, Arfaxad, Lud, Aram. 23Jiñobʌch winic bʌ i yalobilob Aram: Uz, Hul, Geter, yic'ot Mas. 24Arfaxad jiñʌch i tat Sala. Sala jiñʌch i tat Heber. 25Heber jiñʌch i tat cha'tiquil winicob. Juntiquil i c'aba' Peleg, “T'oxbil”, come tsa' cajiyob ti ajñel winicob x'ixicob ti mojt ti mojt ti pañimil ti' yorajlel Peleg. An i yijts'in Joctán i c'aba' Peleg. 26-29Joctán jiñʌch i tat Almodad, Selef, Hazarmavet, Jera, Adoram, Uzal, Dicla, Obal, Abimael, Seba, Ofir, Havila, yic'ot Jobab. Jiñobʌch winic bʌ i yalobilob Joctán ti pejtelob.
30Ya' jaxʌl i lumal ba'an Mesa. Tsa' c'ʌlʌl majli ti Sefar ba'an cabʌl wits ya' ti' pasibal q'uin. 31Jiñobʌch winic bʌ i yalobilob Sem ti jujump'ejl i yotot ti jujunchajp i t'an ti' lumal tac ba' tsa' p'ojliyob.
32Jiñobʌch i p'olbal winic bʌ i yalobilob Noé ti jujunmojt ti' lumal tac ba' tsa' majliyob. I tatobʌch pejtel winicob x'ixicob ti pañimil. Tsa' pam pujquiyob che' bʌ tsa' ñumi but'ja'.
Zur Zeit ausgewählt:
Genesis 10: CTU77
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Chol de Tumbalá Bible © Bible Society of Mexico, 1977. Active Translation in Process
