Jenesis 6
6
Ol man oli stap mekem ol rabis fasin
1 #
Job 1.6; 2.1 Nao taem ol man oli stat kam plante long wol ya, i gat plante gel tu oli stap bon. 2Mo taem ol gel ya oli stap kam bigbigwan, ol enjel blong God oli luk we oli gudfala tumas, nao oli stap tekem olgeta olsem we oli wantem. 3-4#Nam 13.33Mo long taem ya, i gat ol bigbigfala man i stap we oli dabolbun. Olgeta ya oli pikinini blong ol woman we ol enjel ya oli stap tekem olgeta. Hemia ol man ya bifo we oli lariken man blong faet, we olgeta man oli savegud nem blong olgeta. Nao Hae God i talem se, “I nogud mi letem laef blong mi i stap olwe long ol man ya.#6.3-4: Narafala rod blong tanem fas haf blong tok ya blong Hae God i olsem. I nogud mi letem Spirit blong mi i stap olwe long ol man ya. Olgeta oli man blong wol nomo, we oli save ded. I stat naoia, bambae oli save stap kasem wan handred twanti yia nomo.”
5 #
Mat 24.37; Luk 17.26; 1 Pita 3.20 Nao long taem ya, olgeta man long wol oli stap mekem i nogud tumas, mo oltaem, tingting blong olgeta i fulap nomo long ol rabis fasin. Mo taem Hae God i luk samting ya, 6tingting blong hem i kam nogud. Hem i tingbaot we hem i bin mekem olgeta, mo i bin putum olgeta long wol ya, mo i stap harem nogud tumas from. 7Nao hem i talem se, “Bambae mi mi spolem ol man ya we mi mekem. Bambae mi tekemaot olgeta bakegen, oli go lus. Mo ol anamol wetem ol narafala samting ya we oli stap wokbaot long graon mo ol pijin tu, bambae mi spolem olgeta. Mi mi mekem olgeta, be naoia mi harem nogud tumas from.” 8Be Noa nomo, Hae God i stap glad long hem.
Stori blong Noa
9-10 #
2 Pita 2.5
Stori blong Noa i olsem. Hem i gat tri pikinini boe blong hem, we nem blong trifala, Sem, mo Ham mo Jafet. Hem i wan stret man, we ol man oli no save jajem hem, mo oltaem hem i stap fren gud wetem God. 11Be ol narafala man oli stap mekem ol rabis fasin long fes blong God. Olbaot long evri ples, oli stap faet mo oli stap kilim man i ded. 12Nao taem God i luk long wol ya, hem i luk we wol i kam nogud tumas from ol rabis fasin blong ol man ya.
Noa i wokem wan bigfala sip
13Nao God i talem long Noa se, “Noa. Mi mi tingbaot finis blong mekem lasdei blong olgeta man blong wol. Bambae mi spolem wol ya wetem olgeta man ya evriwan, from we olbaot long evri ples, ol man ya oli stap faet mo oli stap kilim man i ded. 14Naoia yu mas tekem ol gudfala timba, mo yu mas wokem wan bigfala sip blong yu long hem. Yu mas wokem ol rum long hem, mo yu mas pentem insaed blong hem mo afsaed blong hem long kolta. 15Bambae yu wokem we longfala blong hem i kasem wan handred toti tri meta, mo bigfala blong hem i kasem twanti tu meta, mo hae blong hem i kasem totin meta. 16Mo taem yu wokem haos blong sip ya, bambae yu no blokem saed blong hem olwe go kasem ruf antap. Yu mas livim tufala saed i stap open nomo antap, we hae blong open ples ya bambae i samwe long haf meta, blong bambae win i save kam insaed. Yu mas wokem tri dek blong hem insaed, mo yu mas wokem wan doa long saed blong hem. 17Bambae mi mi mekem bigfala wota i kam long wol ya blong draonem olgeta samting ya we i laef, blong spolem olgeta. Olgeta samting long wol ya bambae oli ded evriwan. 18Be naoia, mi mi mekem promes* wetem yu se mi bambae mi lukaot long yu, mo yu bambae yu mas go insaed long sip ya. Bambae yu wetem woman blong yu, mo trifala pikinini ya blong yu wetem trifala woman ya blong trifala, yufala evriwan i mas go insaed long sip ya, blong yufala i stap laef. 19-20Mo bambae yu mas tekem tutu long ol naranarafala pijin, mo long ol naranarafala anamol, mo long ol naranarafala samting we i gat laef we oli stap long graon ya oli go insaed. Long olgeta samting ya, bambae yu mas tekem wan we i man wetem wan we i woman oli go wetem yufala long sip, blong oli stap laef. 21Mo bambae yu mas tekem ol naranarafala kakae tu i go insaed, we sam i blong yufala mo sam i blong olgeta samting ya.” 22#Hib 11.7Nao Noa i mekem olgeta samting ya olsem we God i talem.
Zur Zeit ausgewählt:
Jenesis 6: BBR
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Bislama Revised Bible © Bible Society of the South Pacific, 2012.
