YAPHANG 10
10
Noani bwsarokni bosongrok
(1Bo 1.5-23)
1Omorok wng kha Noani bwsarok Sem, Ham tei Japhetni bosongrok. Twi kotorni ulo se bórokni bwsarok achai-o.
2Japhetni bwsarok wng kha: Gomer, Magog, Madai, Jaban, Tubal, Mesek tei Tiras. 3Gomerni bwsarok wng kha: Askenas, Riphat tei Togarma. 4Jabanni bwsarok wng kha: Elisa, Tarsis, Kitim tei Dodanim. 5Omorokni’-no twijlang rukungni tei twi kwcharni ha-o tongnairokni yaphangni bórok pírjago. Omorokni dopha juda-o tongma tei kubun harogo tongnairok Japhetni bosongrok. Bórok juda juda sak-sakni kók bai kók sa lai-o.
6Omorok wng kha Hamni bwsarok: Kus, Ijip, Put tei Kanan. 7Kusni bwsarok wng kha: Seba, Habila, Sabta, Rama tei Sabteka. Ramani bwsarok wng kha: Seba bai Dedan. 8Kus khe Nimrodni bupha wng kha, bo’-no ha saka-o swkang phan gwnang kuk borok wngma klai-o. 9Bo wng kha Subraiyungni thani belai’-no poluan kotor kuk; aboni bagwi’-no “Nimrod hai Subraiyungni thani poluan kotor kuk” hwnwi kók sajago. 10Bini ha Babel, Erek tei Akadni simi chengwi Sinarni bebak harok. 11Bo aroni Asiriya-o tháng kha tei Ninobi, Rehobot-Ir, Kala tei. 12Ninobi bai Kalani kwchar Resenno tisa kha, abo wng kha kamiyung kotor.
13Ijipni bosongrok wng kha: Ludim, Anamim, Lehabim, Naptuhim, 14Path-rusim, Kasluhim, (o bosongni’-no Philistiasarok phai-o) tei Kapthorim.
15Kananni bwsarok: Bwsa okra Sidon, bo’-no okra tei Het, 16tei Jebussa, Amorsa, Girgassa, 17Hibisa, Arkitsa, Sinitsa, 18Arbadsa, Semarisa tei Hamathisa. Yagulo khe Kananni juda juda bosongrok yang yang koproi kha. 19Kanansongni ha khe Sidonni simi chengwi Gerar babai Gaja jora tei Sodom, Gomora Adma, Jeboim jora tei Lasa jora khu-ui o. 20Omorok’-no bosongrok, juda juda hodarok tei juda juda ha mareui bórok Hamni bosongrok.
21Japhetni takhuk okra Sem wng kha bebak Eberrokni bosongni yaphang. 22Semni bwsarok khe: Elam, Asur, Arapaksad, Lud tei Aram. 23Aramni bwsarokni mung wng kha: Uj, Hul, Gether tei Mesek. 24Arpaksad wng kha Selani bupha; Sela khe Eberni bupha. 25Eberni bwsa chwla khoroknwi tongo: khoroksani mung khe Peleg,#10.25: Peleg: O mung khe Hibru kógo “Kaitor-phansuar” hwnma hai. tamni hwn ba a jora’-ono o ha khakjago tei khoroksani mung khe Joktan. 26Joktanni bwsarok wng kha: Almodad, Selep, Hajarmabet, Jera, 27Hadoram, Ujal, Dikla, 28Obal, Abimael, Seba, 29Ophir, Habila tei Jobab; bórok bebak’-no Joktanni bwsarok máng. 30Bórok tongma ha salkabaini hathái kami Mesani simi Sephar jora. 31Omorok wng kha Semni bwsarok, bórokni hoda mareui tei ha thwgwi’-no tongo tei sak sakni kók bai kók sa laiwi tongo.
32O dopha thwgwi bosongni bwtang thwgwi’-no o borokrok bebak’-no Noani bosong máng. Twi kotor wngmani yagulo ha sakani bebak dopharok’-no Noani bwsarokni bosongni nongkhorma máng se.
Zur Zeit ausgewählt:
YAPHANG 10: KOKBSI
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
