Osee 3
3
Tɔɔndanndo le Osee
1Mí Mɛlɛka dimul-la aa: «Kɔ kaola vɛlɛ vanalanɔ nɔ sámáá mò va suundaa-o, mà kaola ndu mɛɛ ya Mɛlɛka kaola Israɛlla yɛ. Hali a co bɛɛ kɔlan halaa celen sooloo mà va dɛɛla toosian a rɛsɛnndon-ndan yeemaa nuaa. 2I co laa nuu baŋa a volin latámán tɔ́ a ŋuɛɛnu a ɔrse kiloo kɛmɛ beleŋuɛɛnu, mì mingin ndu o ba. 3Mí dimul ndu aa: ‹A co vɔ va le ya le telen vilɛi. Vow balan o suundaa nin te, va le vanapɔnɔ kɛ́-kɛ̀ le, mì ya bɛɛ i va le nɔm, nɔm pilɛ kpé.›
4Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te. 5O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»
Zur Zeit ausgewählt:
Osee 3: BKG
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Alliance Biblique en Guinée