Mātaio 11

Te karere mei kō mai i a Ioane Bāpetīto

(Luka 7.18-35)

1E oti akera tā Iēsū 'akaue'anga atu i tāna au pipi tino nga'uru mā rua ra, 'aere atura aia mei reira atu e 'āpi'i ē e ako 'aere i roto i tō rātou au 'ōire.

2Ē kia 'akarongo akera a Ioane i roto i te 'are 'āuri ra i te au rāvenga a te Mesia ra, kua tono atura aia i ēta'i o tāna au pipi e ui ki aia, 3“Ko koe āina te ka tae mai, mē ko tēta'i kē āinei tā tātou ka tāpapa atu?”

4Kua pa'u atura a Iēsū, nā kō atura, “Ka 'aere, ka 'akakite atu ki a Ioane i te au mea tā kōtou e 'akarongo nei ē tā kōtou e 'ākara nei: 5#a: Isa 35.5,6; b: Isa 61.1tē kite nei te matapō, tē 'aere nei te pirikoki, tē tāmā'ia nei te lēpera ē tē 'akarongo nei te turi, tē 'akatū'ia nei te mate ē tē tūtū 'aere'ia nei te 'ēvangelia ki te tangata rikiriki. 6Ē 'e ao tōna ko tei kore e maitu i āku nei.”

7Ē kia 'aere atura te au pipi a Ioane, kua tuatua atura a Iēsū ki te tangata tini ra nō runga i a Ioane, “I 'aere rā kōtou e 'ākara i te a'a i te mēdēbara? I tēta'i kāka'o āina i tākirikiri'ia e te matangi? 8I 'aere rā kōtou e 'ākara i te a'a? I te tangata tei kāka'u'ia ki te kāka'u mānea? Inā 'oki, te aronga e kāka'u i te kāka'u mānea ra, tei te au kāinga rātou o te 'ui ariki. 9I 'aere tika rā kōtou e 'ākara i te a'a? I te peroveta? Koia ia, tē 'akakite atu nei rā au ki a kōtou, 'e ma'ata roa atu a Ioane i te peroveta. 10#Mal 3.1Ko ia 'oki tēia, nōna te tuatua i tātā'ia ra ē, ‘Inā, e 'akaunga au i tāku karere nā mua i a koe, ē nāna e 'akate'ate'amamao i tō'ou mataara i mua i a koe.’ 11Koia mou tāku e karanga atu ki a kōtou na, i tā te au va'ine i 'ānau ra, kāre 'ua atu tēta'i i ma'ata atu i a Ioane Bāpetīto nei. Inārā, ko tei iti rava i roto i te bāsileia o te ao ra, 'e ma'ata atu ia i a Ioane. 12#Luk 16.16Ē mei a Ioane Bāpetīto mai rāi e tēia noa ai, tō te bāsileia o te ao ra 'aru'ia'anga ē tē riro nei 'oki te reira i te 'aru'ia e te aronga māro'iro'i. 13Kua toto'u anake ra 'oki te bāsileia e te au peroveta kātoatoa ē te Ture e tae roa mai ki a Ioane nei. 14#Mal 4.5; Māt 17.10-13; Mār 9.11-13Ē mē tika i a kōtou i te 'āriki mai, ko Ēlia aia i reira tē tae mai. 15'E taringa tōna e 'akarongo aia!

16“E 'aka'āite au i tēianei uki ki te a'a? E 'āite ia ki te tamariki e no'o i te ngā'i 'oko'oko'anga ra ē te kāpiki ēta'i ki ēta'i 17i te nā kō'anga ē, ‘I 'akatangi atu ana mātou i te vivo ko'e, ē kāre kōtou i 'ura mai! I tūporo atu ana mātou i te pe'e 'aka'eva'eva, ē kāre kōtou i 'eva kaku mai.’ 18I 'aere mai nei 'oki a Ioane ma te kaikaikore ē te inukore, ē tē karanga nei rātou, ‘'E dēmoni tōna!’ 19I 'aere mai te Tamaiti a te Tangata ma te kaikai ē te inu uaina, ē tē karanga nei rātou, ‘Inā, 'e tangata kaikai ma'ata ē te inu uaina, 'e 'oa nō te aronga ko'i tero ē te au tangata 'ara.’ E 'akatika'ia rā te pakari 'e tāna ra au rāvenga.”

Te au 'ōire tatarā'arakore

(Luka 10.13-15)

20Ē kua 'akamura atura a Iēsū i te au 'ōire i rave'ia ai te ra'i o tāna au 'akairo, nō te mea, kāre rātou i tatarā'ara. 21#Isa 23.1-18; Ezek 26.1—28.26; Ioel 3.4-8; Amo 1.9,10; Zek 9.2-4“Auē koe, ē Kōrāzina ē! Auē koe, ē Betesaida ē! Nāringa 'oki te au 'akairo i rave'ia i roto i a kōrua i rave'ia i Tūria ē Sīdona, kua tatarā'ara takere ana rāua i roto i te kāka'u pā'oa ē te re'u a'i. 22Tē karanga atu nei au ki a kōrua, 'e ngari ake tō Tūria ē tō Sīdona kia tae ki te rā 'akavā'anga i tō kōrua. 23#a: Isa 14.13-15; b: Gen 19.24-28Ē ko koe na 'oki, e Kāperenāuma, ka 'akateitei'ia āinei koe ki te rangi? Ka 'ōpara'ia rā koe ki raro rava i te pō. Nāringa 'oki i Sodoma te rave'anga'ia te au 'akairo mana ma'ata i rave'ia i roto i a koe na, e vai aia i tēianei rā. 24#Māt 10.15; Luk 10.12Tē karanga atu nei au ki a koe, 'e ngari ake tō te 'enua o Sodoma kia tae ki taua rā 'akavā'anga ra i tō'ou.”

E 'aere mai ki āku e 'akangāro'i

(Luka 10.21-22)

25Kua karanga atura a Iēsū i taua 'ati'anga ra, “E 'akameitaki au i a koe, e taku Metua, te 'Atu nō te rangi ē nō te 'enua, nō te mea, ko koe i 'u'una kē atu i ēia nei mea mei te aronga kite matariki ē te kāraperape, ē kua 'akaāri mai i te reira ki te au tamariki nei. 26Koia ia, e taku Metua, 'e mea mataora ia i a koe!

27 # a: Ioa 3.35; b: Ioa 1.18; 10.15 “Kua 'ope rava te au mea kātoatoa i te tuku'ia mai e taku Metua ki āku. Ē kāre rava tēta'i e kite i te Tamaiti, māri rā ko te Metua. Ē kāre rava tēta'i e kite i te Metua, māri rā ko te Tamaiti ē te tangata tā te Tamaiti e anoano i te 'akaāri atu i aia.

28“E 'aere mai kōtou ki āku nei, e te aronga 'anga'anga katoa ra ē tei teia'a i te 'apainga, ē nāku e 'akaanga i tō kōtou ro'i. 29#Ier 6.16Ka rave mai i tāku amo ki runga a'o i a kōtou ē kia 'āpi'i'ia kōtou e au, nō te mea, tē marū nei au ē te 'aka'aka o te ngākau, ē e rauka 'oki i a kōtou te 'akangāro'i'anga i tō kōtou au vaerua. 30Tē marū nei tāku amo, ē tē māmā nei tāku 'apainga.”

Zur Zeit ausgewählt:

Mātaio 11: CIMRNT

Markierung

Kopieren