ESTHER 7
7
1Nungti nokpao si Haman ne Estherko aikü heshiu au 2atao müjam nou khukü noiküla. Thengshiukü noitsün taoko nokpao nou Esther tü sangshikü ngiom, “Tsammongnyiu Esther, ni ti mongchioji? Ngü hau achite naiuso ni nung eppe. Ngo jü nokshing apaitso lüko ni hau kiu-e.”
3Estherüh thalakü ngiom, “Nokpao nou ngü hau atsüojinyang han naito naiuso ngo kojatsün ni kiu-e ta mongchio naito, ngo aakih au naiuso jü khaiuniaso lüko aakih au ngo yangji. 4Jü khaiuniaso naiuso ngo aloatau janthiowankü noin, lüko nung sua au janthiowantünto nung thaiutha thatü thsüokü yangelatau tsünoiküla, ngo nung thaiuthako nihau atsonjek tsükiu-ela; lüko sam apem lomowanaulu noin!”
5Nungai Nokpao Ahasurusüh Esther tü sangkü ngiom, “Nungti nou chhisiya sauüh chhisome? Nung khaiunia nou tiai noin?”
6Estherüh thalakü ngiom, “Sam eh, sam angja-itsün, nung khaiunia nou Haman noin!”
Hamanüh nokpao si Esther netü lekkatkü thapkü noiküla. 7Nokpao mongmat küta tsakü chukü tsampai nou wankü, ta apa tsam kengchi aimong ai khuwan. Nokpao nou nung thaiutha apahau angja kiuau noin ta Hamanüh ngela, nungtiphe apa nungko apa aa thaiutha Esther tü kojakü noi: 8Tilai nokpao nou aimong ainou laokü shikü tsampai nai nap, Haman Esther noikham dongko kaukü awan saokü noiküla. Nung epküta, nokpao nou vekü ngiom, “Jü tsammongkoteng, nung khaiunia nou jükhako jü tsam- mongnyiu tü ajisiwop chhi-e süne?”
Nokpao nou nung ngiotsünko aikü athsülem khaiunia nousoüh Haman kha kepok. 9Nungai ngüso ongko Harbona ta niankü khaiunia tsaküh ngiom, “Hamanüh apa tsamai Mordekai sauüh Nokpao aa kipsan apa singatkü loat au pai nou kitaium, naiuso nung meter 22 tsokkü noiküla!”
Nokpao nou thoilutkü ngiom, “Nungko Haman lüsingat!”
10Nungti Hamanüh Mordekai singatau shantaiutsünko apa pem singat. Nungphiai nokpao mongmat sungtsün laolokü noiküla.
Zur Zeit ausgewählt:
ESTHER 7: KHIABSI
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.