ESTHER 6
6
Nokpao Nou Mordekai Lomsanji
1Nungsoh nai nokpao a-lomeikü sailaau tsüshiokü noiküla, nungtiphe apaüh nokshing nai ateng chhi sattaiutsün apa khako kankü shiküta veteau ngiokiukü noiküla. 2Ngüsoüh vekü shitsün nouko nokpao ün tsampai ehü thetsün athsülem khaiunia nime Bigthana si Teresh neüh nokpao loatkü wanau kausai- tsün Mordekaiüh titi thekü ngesan- kiu nung thaiutha shisaom. 3Nokpao nou sangkü ngiom, “Nung chhisiya thaiutha ko samüh Mordekai hau paopei naiuso asuhat kiukü noimo?”
Apa yathsüotsünsoüh thalakü ngiom, “Apa thaiutha titso chhikü tsünoi.”
4Nokpao nou sangkü ngiom, “Ngü nou asonghoiso ajantso nokpao tsamai noimo?”
Nung taoko Haman nokpao pemongai shingoikü noiküla; apa nung Mordekai paikitaiu nai phanatau nokpaotü sangau thaiutha shikü noiküla. 5Nungtiphe nokpao yathsüotsünsoüh thalakü ngiom, “Niko eppe au Haman nungko taiukü noin.”
Nokpao nou ngiom, “Apa anappi.”
6Nungtiphe Haman nap, naiuso nokpao nou apatü ngiom, “Ngo thatü asuhat kiuau mongchiotsün nungko khaiunia tsak noin. Nung khaiunia thaiutha ti chhi-e?”
Hamanüh apa chija yanghe, “Lo nokpao nou thsüokü lomsanau aiutsün nung sau? Tsüngean, nung ngotso noi-e.”
7-8Nungtiphe apaüh nokpaotü thalakü ngiom, “Ni thetsün nokpao phakhut kankü shikü nung khaiunia hau thokiuau lüngio. Nokpao chaiou jengtsaiu kankü shikü nung ni nou mokthso tü atholut. 9Küta anok- shing ko noikham atsokting nai noi- tsün tsak niakü shikü nung khaiunia hau phakhut lüthokiu-i, küta nung khaiunia nou mokthso chiai noi-ikü, noknio lemkü apa hau lüniakei-i. Ngüso khutsün anokshingko atsok- ting noikham nai noitsün hau nungti lüve-i: ‘Athaplu nokpao nou asuhat kiuau mongchiotsün khaiunia tsak hau nungti paopei kiuji!’”
10Nungai nokpao nou Haman tü ngiom, “Liukü athe küta nokpao phakhut naiuso mokthso kankü ashi, küta nung asuhat nouso Yihudahai nou Mordekai hau lükiu. Ni yamhan- kiutsünso apem apa thaiutha lüchhikiu. Ni apa nokpao tsamai naptsün bekhanko moknoikü eppe.”
11Nungtiphe Hamanüh nokpao phakhut naiuso mokthso nou loküta, apaüh nokpao phakhut nung Mordekai hau thekiu. Mordekai mokthso chiai sungküta Hamanüh noknio lemkü taikei, ngüne khu taoko khaiuniahoitü nung velutkü noiküla: “Athaplu, Nokpao nou apaüh mongchiotsün khaiuniahau nungti paopei kiukü asuhat kiuji!”
12Mordekai nung nokpao bekhan dongko laokü shikü noi, nungai Haman apa kha lopokkü thatü yangelatkü apa tsamai laokü khuwan. 13Apaüh apa tsammongnyiu si apa paiusihaiso hau apatü ti thawaokü shin nung chiten. Nungai apa tsam- mongnyiu si apa paiusihaiso mong- that amei noitsünsoüh apatü ngiom, “Ni aoukong Mordekai hau lethio- wanau tsalowanji. Apa Yihudahai tsak noin, naiuso ni apa tsüshiolo-e. Atsüoting apaüh ni shiolowan-e.”
Haman Loatkü Wan
14Nungti ngüso chitekü noitsün taoko, nokpao tsam jimtsün athsü- lem khaiuniahoi liukü shikü Haman Esther sümai ai haau nialokü khuwan.
Zur Zeit ausgewählt:
ESTHER 6: KHIABSI
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.