Beliebte Verse in От Иоанна 14

Teilen

Унивикамси ныкыхмылъыӷмың. Ныкыхмылъқа тӯнақа лъпысинун. Нунам тӯнылъҳатун тӯныӷитамси. Ынка̄м илюси сыӷлылӣҳтыстыхпынаки талўа алиңыхпынаси.

Иисусым кӣмсиқа̄: «Хўаңа тӯмңӯңа, ипапилъҳӯңа, уңувалъҳӯңа. Кина алңунак Атамун агляӷна̄нӷитуқ ўытқукун хўаңамкун.

Иисус пиля̄тақақ: «Қа̄мнаси сыӷлылӣҳтыстыхпынаки, сиӷимакитыху Кияӷнық, сиӷимакитыңъа хўаңалъю.

Каютым апыҳтуҳлъықӣси сямың тамаҳа̄ның. Нықаҳтыслъықӣ қамахлъюки тама̄кут а̄пқанка лъпысинун. Та̄кук Каютык Аглыӷналӷӣңӯк Таӷныӷак, Атам каяхсяҳқакык Атымкун.

Китум тугуклъиқумики қылӷусянка, қа̄ткыхкумикилъю, пиниқистыкақа, Атамалъю пиниқылъықа̄. Хўаңалъю пиниқылъықақа, лӣтыслъықуңалъю лъңанун».

А̄плъықақа Ата тӯнысқылъюси алъяның Каюткаҳқамың, ынка̄м тӯнылъықӣси Каюткаҳқамың лъпысинисяҳқамың қӯнпырухлъяк. Та̄кук Каютык Таӷныӷа̄гук апыҳтуҳлъықӣси Кияӷныӷым ипапилъҳаның. Нунам юган тугуклъиӷна̄нӷита̄ қаюҳлъяк ысҳӣгалъкаңа талўа налъюкыхкаңа. Иўырңа лъпыси лӣсимакаҳси қаюҳлъяк лъпысинитуқ, илюхпысинисяҳқа̄гуқлъю.

А̄птыкуфси сямың алңунак Атымкун лыган пилъықақа, Атам а̄ңылъыҳлъяга кылгутысқылъюку Иӷныӷакун. Сямың алңунак а̄птыкуфсиңа Атымкун пилъықақа».

«Пиниқыхкуфсиңа қа̄ткылъықаси қылӷусянка.

Угля̄пихтуқ ныкаҳқақ Атама мыңтыӷа̄ни ынка̄м ята̄ҳқусяҳтуӷнақамси ныкаҳқамың. Таўатынъыӷисяқан уңипа̄нъаянӷитамси.

Ята̄ҳқунъыӷмың апыӷӣқумси тагинқихлъюңа тугуклъиҳлъықамси, хўаңамнитысқылъюси кияҳфимни.

Фомам пика̄ Иисус: «Атанық, налъюкаҳпут навык пинақутын ынка̄м натынңам лӣсимакылъықыстыху тума?»