Beliebte Verse in Luka 14

Teilen

“Ŋei maneŋo na mogat-naniyakane ramaike, eŋe ŋine simile korop, nabok, magak, ŋanom, medep, gipon, boraso, me weŋem sotak, kiaro baro kepe mat me bisnis korop, eŋe eya korop qelige ŋadek-wareyake, ŋo na maine mogat-naniyake. Ŋo eŋe eya wane simile dere eya malipka geyakeo eŋe naŋane mi geyake so mogat-naniyake. Ŋo na eŋane simile mane naŋano mi payake, na eŋe maine detka more ŋadek-kakale.

Ŋei mane eŋe kaiwe baŋem kibeŋ qabeŋine eya wane wikile mi dere teweke, naŋane ŋadeno mogatnane sariyake, eŋe naŋane medep mi okaniyake.

Ŋei mane eŋe oŋomka eŋetine mawaki, yemo Kaisaleŋo maket birakayake, ŋo ŋei mane eŋe oŋomka eŋetine maket biranagu more, ketkele det nagumaike, eya wane Kaisaleŋo mawa birakayake.”

Yesuŋo takotke raki qoeke, “Rokop yalewaka ŋinano ŋine maneŋo aboŋ kine kineine mi ŋadekka wareyakeŋo naŋane medep mi geyake.”

Ŋo ŋinano ŋine mane eŋe mat kiroroine mane mayakane wetkeyake, eŋe mikepka pese mere lewine darapŋo eŋe maine qesiŋka more maki wiyekeyake, eya wane wesi so zaleine ma wakoniyake, paki eŋe kayake, wesi maine mat yewa maki wiye qoeyakane rokop okanmaike. Ŋo eŋe mikepka yale mi okane more, ŋado bosiŋ mi biraki qoeyakeo, eyamo mat yewa maine mi maki qoeka, pakimo ŋei loutneŋo kau paki tenikkaikei. Pakimo, iwa yale raikei, ‘Ŋei iwa eŋe matpae kiyeke make, ŋo maine mi maki qoemaike!’

Ge epa waom manom paki, yemo ŋei ŋerep ket qeqine wanap, aboŋene midaine, mat popokine, kiye wawetene qoi qoine so deene pilik pilikine mala ŋei ŋerep ŋaune me ŋanomine seuseune yewa teba-ongene. Paki Kaisaleŋo ge baŋ mosopganiyake, onoka wane ŋei yaline edo baŋ lewet maine mi qole-ganikei, eya wane turuŋine yemo baŋ ŋei koboine seuseuwo ŋine wiyekei, naso yewao Kaisale eŋe oŋom qole-ganiyake.”

“Kiwet eŋe kine kine maine, ŋo eŋe koso simile midaine okaniyake, eya mo daleo okane more, maŋem eŋe koso similerop okaniyake, kiwet yalineŋo euwo kepe kelokine mosiyakane mi qakkene, so bulamakau kaenerop maine mi qeturaŋgene, eya kepe wane kelokine mosiyakane mi qakkene, ŋene yeine qakŋem numao ari okanmaike, ŋei mane eŋe ketneropŋo don iwa wane kine desiyake!”