Luka 14:28-30

Ŋo ŋinano ŋine mane eŋe mat kiroroine mane mayakane wetkeyake, eŋe mikepka pese mere lewine darapŋo eŋe maine qesiŋka more maki wiyekeyake, eya wane wesi so zaleine ma wakoniyake, paki eŋe kayake, wesi maine mat yewa maki wiye qoeyakane rokop okanmaike. Ŋo eŋe mikepka yale mi okane more, ŋado bosiŋ mi biraki qoeyakeo, eyamo mat yewa maine mi maki qoeka, pakimo ŋei loutneŋo kau paki tenikkaikei. Pakimo, iwa yale raikei, ‘Ŋei iwa eŋe matpae kiyeke make, ŋo maine mi maki qoemaike!’