Beliebte Verse in Yohane 15

Teilen

“Na wain ekiine, ŋo ŋine qogine kopne, mane eŋe narop takorakot geyake, eso na eŋerop takorakot gekale, eŋe weleine zok manerop wakoniyake. Ŋine na midaine geu, paki kine kine mane maine mi maikei.

Ŋine wet mali malipŋineŋo na ma qotnane gekei, eso na ŋine baŋ yale waka wetneŋo ma qotŋune gekale. Ŋo wain qogine mane eŋe eŋineka pa more wele mi qeyake, eŋe wain kinerop takot nagu pa more, yemo wele maine qeyake. Rokop yale waka ŋine weleŋine maine mi qekei, na wetŋineŋo neu ma qotnane, narop tako rakot geu paki, yemo weleŋine maine qekei.

Ŋo ŋine na wetŋo ne qotnane geu, naŋane donŋo ŋinane koto ŋino payakeo yemo ŋine kine kine mane wane ŋungi meŋenkau paki ŋine maine maratkaikei.

Ŋido na mi ma wakonnangoi, noŋo ŋine ma wakon-ŋungole, so ari geu paki wele loutne maratkau baninine payakane uratao bira-ŋungole. So ŋine kine kine yewa me yewa Magak wanoŋine maikei wane rau paki naŋane eŋetne nora meŋenkau eŋe baŋ ŋiboniyake.

Sogino daleo wet maep okan nagu gekoi? Iwa yale, ŋine ŋinŋine simile eya misuk mogatka gekei. Ŋine doku tau tau magu kima kopŋine eya eŋane simile zok manerop dere gekei, ŋinano ŋine maneŋo kimakoune eŋane ra more gegeine qaisikkaki paki, seukeyakeo, eŋe kimakoune wetŋo ma qotone more malipone okarayake, eya mo menageyake.

Qogine kopne me mulaune me metine bori worine natne naŋano seuseune wele midaine okane pau, eyamo yeine magakŋo kitare qakki arikei, ŋo mulaune natne wele maine, eyamo wareongi, wele manerop qekei.

Naŋane aŋa donne me ra rokop donne, yemo iwa yale, noŋo wet maep okanŋun okanmaile, yale waka ŋine ŋidomka wet maep okan nagu gekei.

Yale waoken okane more naŋane Maganane eŋet biŋek mawa sikan onikei, so ŋine weleŋine zok manerop qekei. Numa yalewa okanikei yemo ŋine naŋane dokone okangei.

“Na welekatne wain ekiine, ŋo nae Magane eŋe wain eu welaine.

Mane eŋe na wetŋo mi ne qotnane geyake, eŋe eki qogine yale kitare biraki ari seukeyake. Eki qogine yaline yemo korop meik ware gerepko peikki wau gerepŋo zeki sololokki paki, korop mida lelekei.

“Na don iwa ŋidan waremaile, yemo naŋane wetpeseŋo ŋinane kotoŋino maine kesiyake, paki ŋinano wetpeseŋo maine watwatko rokopke payake.

Na Maganane aŋa donne so ra rokopine tewekewe paki eŋane wet maepko gemaile, ŋine naŋane aŋa don so ra rokop donne tewekeu paki, naŋane wet maepko gekei

Iwa yemo na ra rokop me aŋa donne iwa yale ŋidanmaile, ŋine ŋidomka wet maep okan nagu gekei.”

Ŋine kepe iwa wane biŋek ra yemo kepeo ŋine ŋei eŋe enŋene biŋek wane kima maine okan ŋunbirap, yemo noŋo ma wakonŋunbe kepe iwa wane tanik manik qeliŋgoi wane ŋine eya wane biŋek mi gemami. Kine yalinane kepeo ŋine ŋei ŋerep eŋe qaisikŋunmami.