Beliebte Verse in Yohane 14

Teilen

“Na biraŋunbe wet pesek ŋinano payakane na qikka ŋibonmaile, na nae wet pesek ŋine ŋibon maile. Na peyam wet pesekŋine ŋibonmaile yemo kepeo ŋei ŋerep edo ŋibon okanmami yale okane mi ŋibonmaile. Ŋine qiseu paki oŋaŋine misuk qaeyake, ŋine misuk kaet okanikei.

Rakiso Yesuŋo olatke “Numa, so don welekatne, eya wane kine na, so gege welaine, ŋei mane eŋe numa maneoka Magak wano sari sari, eyamo numa mane mi pamaike, midakaka, naŋanoka wekuku.

Yesuŋo edane rake, “Ŋine misuk qiseu paki oŋaŋine qaeyake, ŋine Kaisale malipkaikei, so na yale waka malip-nanikei.

Qesi Qesiŋ ŋine, Asu Koboboine eŋe Magakŋo baŋ talekaki naŋane eŋetko zonom ŋiboniyakane kesiyake, oŋo baŋ kine kine korop ŋidane kito ŋibon okaniyake, so wetŋine malotkeki noŋo don kine kine korop ŋidan okanmaile, yewa detwarekei.

Mane eŋe naŋane pi so ra rokop donne dere malip kayake so teweke ma geyake, ŋei yewa oŋo na wet maep okannaniyake. Mane eŋe na wet maep okannan okanmaike, eŋe naŋane Maganeŋo baŋ wet maep okan kayake, Na yale waka eŋe baŋ wet maep okankaikale, so nae kinene sikanka more, ra wakone manikale.”

Paki na Magak meŋenka more olatpe, eŋe Qesi Qesiŋ mane baŋ ŋiboniyake, yemo don welekatne eya wane Asu, oŋo naso baŋem ŋinerop banine ge ariyake. Qesi Qesiŋ yewa yemo don wele so mainane Asu Koboboine, kepe ŋei ŋerep eŋe maine mi maikei, onoka wane eŋe maine mi kaikei, me mi detkaikei. Ŋo ŋine yemo eŋe det kamami, yalinane eŋe ŋinerop metmaike, so ŋinane kotoŋino baŋ geyake.

Ŋine kine kine yewa me yewa wane rau paki naŋane eŋetne nora meŋenkau na baŋ maikale, paki Magak wane qeli ewe zonom so qelaŋan Gipolano baŋ ma wakoniyake. Ŋine kine kine mane wane rau paki naŋane eŋetne nora meŋenkau na detŋune more makale.”

Ŋine naŋane simile dere wetŋine naŋane motmamiwo, yemo ŋine naŋane don mogare aŋane tewekkei.

Naŋane Maganane matko urum kotine loutne pamaike, eya wane na mo eya ariwe paki ŋinane numa ma sulukkale. Yewaŋo mi pakirap yemo na don iwa yale mi ŋidanberap.

Na ari ŋinane numa ŋine ma sulukewe qoeki, ŋado zinge sariwe paki ŋibu iwenŋune ariwe, ŋine na gekale, yewaoka gekei.

Tomasŋo olale rake, “Waom, ge diyao arikene, ŋene yewa mi detmaine. Ŋene mat yewa ari lotke lotke wane numa daleo detkaikene?”