PIANCILNA 10
10
Noah Tapateʼ Suanlekhakte
(1Khang 1:5-23)
1Hihte pen Noahʼ tapa Shem, Ham le Jafeth-teʼ suanlekhakte ahi hi. Tuiciin tun khit ciangin amau sung panin tapate hong piang hi.
2Jafethʼ tapate: Gomer, Magog, Madai, Javan le Tiras ahi hi. 3Gomerʼ tapate: Ashkenaz, Rifath le Togarmah ahi hi. 4Javanʼ tapate: Elishah, Tarshish, Kittim le Dodanim ahi hi. 5Hihte pen tuipi gei-a teeng miteʼ pulepa ahi uh hi. Amauteʼ leitang ah amauʼ kampau ciat zangin, a beh, a minamin a om uh hi.
6Hamʼ tapate: Kush, Egypt, Put le Kanaan ahi hi. 7Kushʼ tapate: Seba, Havilah, Sabtah, Raamah le Sabteka ahi hi. Raamahʼ tapate: Sheba le Dedan ahi hi. 8Kush in Nimrod kici tapa khat nei a, amah pen leitungah a vanglian masa mi ahi hi. 9Amah pen Topaʼ mai ah a minthang sabeng pa zong ahi hi. Tua ahih ciangin, “Topa in Nimrod bangin a minthang sabeng pa hong suaksak tahen,” kici hi. 10Ama kumpi gam kipatna Babel, Erek le Akkad hi a, tuate khempeuh Shinar gam sungah om hi. 11Tua gam panin Assiria gam sungah amah pai-in Nineveh, Rehoboth-Ir, Kalah le 12Nineveh le Kalah kikal a om Resen khuapite a sat hi. Tua Kalah khuapi pen khuapi lian ahi hi.
13Egypt pen Lud mite, Anam mite, Lehab mite, Naftuh mite, 14Pathru mite, Kasluh mite (Filistia miteʼ pianna) le Kaftor miteʼ pianna pupi ahi hi.
15Kanaan pen ama sung pan a suak masa Sidon, Heth, 16le Jebus mite, Amor mite, Girgash mite, 17Hiv mite, Arki mite, Sin mite, 18Arvad mite, Zemari mite le Hamath miteʼ pianna pupi ahi hi. Tua khit ciangin Kanaan mite kizelthang hi. 19Kanaan miteʼ gam pen Sidon panin kipanin Gerar lam manawhin Gaza ciang dong ban a, Sodom lam panin Gomorrah, Admah le Lasha gei-a Zeboiim ciang dong ban hi. 20Hihte pen a innkuan, a kampau, a leitang, a minamin Hamʼ suanlekhakte ahi hi.
21Eber mi khempeuhʼ pianna pupi, Jafethʼ u, Shemʼ sung panin zong tate hong piang hi. 22Shemʼ tapate: Elam, Asshur, Arpakshad, Lud le Aram ahi hi. 23Aramʼ tapate: Uz, Hul, Gether le Mash ahi hi. 24Arpakshad in Shelah kici tapa khat nei a, Shelah in Eber kici tapa khat mah nei hi. 25Eberʼ sung panin tapa nih suak a, khatʼ min pen Peleg ahi hi. Bang hang hiam cih leh ama hunin leitung kikhen hi. A sanggampaʼ min pen Joktan ahi hi. 26Joktan pen Almodad, Shelef, Hazarmaveth, Jerah, 27Hadoram, Uzal, Diklah, 28Obal, Abimael, Sheba, 29Ofir, Havilah le Jobabʼ pianna pa ahi hi. Hihte khempeuh Joktanʼ tapate ahi hi. 30Amauʼ teenna gam pen Mesha panin kipanin Sefar lamah nisuahna gam mual tung dong ban hi. 31Hihte pen a innkuan, a kampau, a leitang, a minamin Shemʼ suanlekhakte ahi hi.
32Hihte pen Noahʼ tapate innkuan, a khangsimna tawh kizui-in amauʼ minam ahi hi. Tuiciin tun khit ciangin hihte tung panin leitungah minamte kizelthang hi.
Valgt i Øjeblikket:
PIANCILNA 10: TBR17
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Tedim Bible © Bible Society of Myanmar, 2017.