Markus 5
5
Jesu regurdueni homo ngongon i da ndrnen.
1Su me ge horo le gor asu Gadarena. 2Jesu i bieni ndol i iao me leng, malabo hom gamel snel i da ndrnen hilou me ndro i. 3Ir medir ge ngad, dansu de hosi i bui, sen de vonei bui. 4Sidesi su hosi i le vas le sen, i ndumbue sen, i ndrhomuri vas bomud i momen, hom ndramed danen de sendraini i bui. 5Sidesi lobing lorang irge bahali irge ngad, i vale. 6I ilndri Jesu i le manan, i hilou me ndro i, i godurhu, 7i vale, i bodeie: Uo am bo sa ndro io ie? Uo Jesu, Ndur Jehova Ndurhian i da le belengan. Mbue hinen io momen. 8Jesu i boi: Snel alndi or bieni i gamel. 9I ndemani i lie i bodeie: Aga ngarm sie? Snel i boi: Io ngoro: Legion, iou mabosanged. 10Boen i ndemani Jesu lie de robuldi su de la manan bui. 11Baghege ge bu su mabosanged su do da duldul. 12Su snel su se ndemani Jesu su bode, be su gal andre bu. 13Jesu i somui. Su snel su la ndro su bu, su bu masi su la vob bahali, su la mad le ndran, su marbou. 14Su ndramed ber gulue bu, su hilou me la gor su bosoui longu ogo. Su masi su ber gor su me lele. 15Su me ndro Jesu, su me ilndri ndramed goru snel ir ndro i, malabo i lugdo ndro Jesu ma salo aden i hian. Su noh. 16Su ndramed su hadlingi i su bosoui longu masi me ndro su, snel gineao le ndro su bu. 17Boen su me su ndemani Jesu a i giao, gor asu gsou. 18I ndre ndol aden, i ndramed snel aden gineao i ndemani i, i la born ndro i. 19Jesu i mbueren i bode: Bugane, aiu al ndro loumsu al bosoui longu hian Ndorlaben i hinen i me ndro uo, i golnisden uo. 20I la le bohernou le gor asu Degabolis, Jesu gin regurdueni i, su masi su hirong i, meluasu i ieb.
21Boen Jesu i mul iao le ndol su ndramed mabosanged su me ndro i me leng. 22Malabo hom labenen ber numo hernou, ngarn Jairus i me, i ilndri Jesu i godurhu le ngondrnegen. 23I soling i, i boi: Nduro bihin baghege na gmed, hian am ndro i, nemem gle ndro i, i maren lie, a i de so mad bui, 24Jesu i la born ndro i, su ndramed masi su do ndrbo sor, heb salsaln bui. 25Hom bihin i med uru masongul e ruo le ndrai aden. 26Su doktor mabosanged be su girgurdueni, dansu bui, memrad aden masi le adsu, i bihin gina momen ge. 27I hirong nongen asu le Jesu i gohon le ndrbon beg i boro salo aden. 28I bodeie: A io gboro salo aden heb ge mandehe ge, io horuo. 29Malabo i horuan, i danen i maren. 30Malabo Jesu i danen heb ndoui aden gineao i rebelueni ir molengasu ndramed i ndemani su: Sie i boro salo ordo ie? 31Su lao aden su boi: Nongen adem derbe, su ndramed mabosanged su da besbas ndro uo, uo endemani iou: Sie i boro io ie? 32Jesu i lele beg gahi, sie i hinen i. 33I bihin i noh, i rerr, i danen i maren, i me godurhu me ndro Jesu i boharni, i gin boroi. 34Jesu i boi me ndro i: Nduro, longu adem gin sobani uo, mbue uo noh, mamarem! Aiu al gor adem, uo horuam ge!
35Su do da vong ndon, su lao ad Jairus su me dala su boi: Ndurm ginemad, uo al bur Ndorlaben gle oho? 36Jesu i hirong nongen asu, i boi le ndro Jairus: Mbue uo noh, horuam! 37Jesu i bien su masi su da, Petrus, Jakobus, Johanes nder Jakobus ge, su me la born ndro i. 38Su me um ad Jairus su mabosanged su do da ri, su do da dang, su do da durui su. 39Jesu la lundieum i boi: Desa uomu dang uomu rosni mu ie? Ndurbihin i de mad bui i da medir ge. 40Su hal aden. Jesu i robuldi su masi, hedi damen e nanen e su lao aden madilmou su la ndro i ndurbihin. 41Jesu i dori nemen ndurbihin i boi me ndro i: Talita kumi! I vonei: Ndurbihin, io boi me ndro uo: edne! 42Malabo i ndurbihin i edne irgai, uru aden masongul e ruo. Meluasu i ieb manden. 43Jesu i habai su, mbue su gvong soln, i bode su ghengen i gle gan ge.
Valgt i Øjeblikket:
Markus 5: LLENT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Published by the British and Foreign Bible Society 1956
