Markus 4
4
Nongen dohongein ad Jesu.
1Muren Jesu i henunuen su lie le leng. Su mabosanged su me ndro i, i lugdo im ndol heie i da ndran su masi su do da leng. 2I bohernou le ndro su de range, le nongen dohongein i boi: 3Mu ghirong, hom ndramed giao gle daui gorn. 4I robieni gorn le beleng, holel i los ir sal, dorgan i me i ni, 5holel i los ir bad, boan heb ge mandehe i da ndre bad, i reg roud boan heb manden bui. 6Boen mernal i gobad, gorn i voiliu, ngondrn bugane, i meng. 7Holel i los ie barvas, varvas i reg i ndrodhi dohobern sengen bui. 8Holel i los le boan hian, i menda, sengen mabosanged, holel madilingul, holel manonungul, holel masanged.
9Boen Jesu i boi le ndro su: Homo ma delengan, hian i ghirong nongen ordo. 10Muren su ndramed su gineao gane, su lao aden su ndemani i le nongen aden. 11I boi me ndro su: Mu ge danmu longu ad Jehova, su masi dansu bui, io bohernou le ndro su le nongen dohongein ge: 12su hirong i, dansu nongen bui, debosan su garbelueni longu asu momen, Jehova esbui su. 13Boen i ndemani su lao aden: Nongen ordo io boi me ndro mu, uomu danmu bui ie? 14Hom gamel ilgi gorn, ilgi nongen ad Jehova. 15Holel ir sal, aga su hirong nongen ad Jehova, malabo Satan i me hedi nongen lie i iao. 16Holel ir ndre bad, su hirong nongen, su muguen nongen: 17ngondrn bui, su heb ndoun bui longu momen me ndro su le nongen ad Jehova, su robieni nongen ad Jehova. 18Holel ir barvas su hirong nongen. 19muren memrad asu masigane ma longu masi su hangungrou i ndrodhi nongen ad Jehova, sengen bugane. 20Holel i da boan hian, su hirong nongen ad Jehova su hinen i, sengen asu mabosanged, holel madilingul, holel manonungul, holel masanged.
21Boen i boi me ndro su: Hisa, homo ghesul lamp i gohoni le gombu, de behendra geao? Buio, ilgi le ndre geiao su masi su ge lele. 22Dansu de gorni longu hendre bui, a i gmeher lie. Longu masi be su ge gorni beg here lie. 23Homo ma delengan, hian, i ghirong nongen ordo. 24Boen i boi lie: Mu ghirong, longu masi mu hineni, su gu surien i me ndro mu. Uomu mu hirong nongen ordo mu de hinen i bui su galdieni mu momen lie. 25Hom hian su hengen i le longu hian lie, hom momen su hur longu aden giao sumburdi.
26Boen i boi: Longu ad Jehova dege hom ndramed i bieni gorn le beleng: 27muren i da medir, i dne lie lobing e lorang, gorn hi reg ge molhe, i danen bui. 28Boan ge i hinen i, hanu loun mandehe i mehere, muren numbuan ma sengen. 29Sengen i dari i rendegien su lao aden, su la sa hur.
30Du gu bosoui longu ad Jehova derbe? Du gobsilieni me ndro su derbe? 31Longu ad Jehova dege mbuegei mandagabui? Su daui le boan i mandehege. 32Boen i reg le manden, ndrandran i meher ri, su ndorgan mabosanged su la hur numosu leri. 33Dogoro Jesu beg henunuen su le longu ad Jehova, le nongen i vonei su, 34muren i boharni nongen aden le ndro su lao aden hohunan.
35Ibia i boi be ndro su: Du gal ndol gal horo. 36Su bieni su ndramed su hur Jesu i le ndol. Su ndol holel su la born ndro su. 37Su do da ndran manden, gemis mehere, hai i ngo, ior manden e ndran me, lundiendol gin beb. 38Jesu i da nderndol i da medir. Su hingeni su bode: Ndorlaben uo de hanguruen du bui, du masi du ga med? 39Jesu i dne i boii hai i boi le ndran: E simge. Hai masi boen, ndran mulhili. 40Boen Jesu i boi me ndro su, i bode: Desa uomu noh? Uomu danmu io bui? 41Su masi su noh, su vong le goure: Aga i sie? Hai e ndran hirong nongen aden?
Valgt i Øjeblikket:
Markus 4: LLENT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Published by the British and Foreign Bible Society 1956
