Markus 3
3
Jesu regurdueni homo nemen irhe le sabbath.
1Bersi Jesu me le numo hernou lie. Hom gamel i dari nemen irhe ge. 2Su do da gulue Jesu be su beg ilndri i gregurdueni le sabbath de bugane, su beg gob gord leri. 3Jesu i loh i nemen irhe, i bode: Am ogo. 4Boen i ndemani su: Hisa, io bo longu hian le sabbath de bugane? Io regurueni ndramed ogo de na gmed ge? Su simge. 5Jesu ndrnen i ma asu, i reng golsu ndoun, i boi le ndro i ndramed: Ilgi nemem gmonen. Ilgi nemen i monen, nemen marge hian ge. 6Su Pharisi su iao su la vong le ndro su lao ad Herodes su vong be su garii i. 7Boen Jesu ma su lao aden su iao la leng. Su mabosanged ber Galilea ber Juda su do ndrbon, 8ma su Jerusalem, su Idumea, su ber Jordan horo, su Tirus ma su Sidon. Ngarnongen le Jesu gin me ndro su su mabosanged me ge ndro i. 9Jesu i boi le ndro su lao aden, su hur ndol heie le ndro i, asu ndramed su de me huhu gosen ndro i bui. 10Jesu i regurdueni su mabosanged su hian lie, su masi su mad su me ndro i be su ge doro i. 11Su beld su daii su, su mad su ilndri Jesu su gorgordurhu ndro i su loholo su bai: Uo Ndur Jehova! 12Jesu i habai su mbue de su gobharni.
Jesu eloh su masongul e rumou.
13Boen Jesu la ndre bahali, i loh su voaniso asu, su la ndro i. 14I bosou su masongul e rumou su lao aden hohunan, ar gi rendegien su, su iao la bohernou. 15Su da gurdueni su ndramed su mad, su robuldi su beld. 16I bosou ngarsu malabo: Simon i bosoui Petrus, i vonei: bad, 17Jakobus ndur Sebedeus ma Johanes sor ndern i bosoui sor Boanerges, i vonei: Ndurbarr. 18Andreas, Philipus, Bardolomeus, Mateus, Tomas, Jakobus ndur Albeus, Tadeus, Simon ber Kana, 19boen Judas Isgariot i momen, muren i hevani Jesu le ndro su, su daii i.
Jesu boii su Pharisi.
20Su la um lie. Su masi su me le goure su de so ian gar bui, um gin beb ge. 21Lounsu su hirong i su la ndro i be su gal boroi, su bode: I hi sa, gou i ri? 22Su ndremda bohernou ber Jerusalem su gin me su bode: Belsebub i da ndrnen i robuldi beld le ndro laben asu. 23Jesu i loh su i boi le ndro su: Hi derbe, Satan robuldi Satan lie? 24Gor hoger su do bo bahun ge le gor asu, su hian derbe? 25Su ndramed ber um hom su de la geherong bui, su go ndoa derbe? 26Gle Satan i rii Satan lie i robuldi beld aden su, gor aden heb ndoun bui. 27Be hom ghedi um ad hom labenen ma longu aden, hian i ghosi labenen hanu, muren i ndoundoun le aden hedi longu aden. 28Ndagen Jehova, io boi me ndro mu, longu momen masi asu ndramed Jehova esbui su, su habai Jehova, goln de la ri bui, 29homo i boii Meluan Helian, Jehova i de esbui bui goln i rud bui, ndramed gina momen ge sidesi. 30Jesu i beg henunuen su, nongen asu momen, su bode: Sadan i da ndre Jesu.
Su loun ad Jesu i sie?
31Boen nder Jesu nane Jesu su meher do da lobohonum su ha loh Jesu. 32Su mabosanged su da ngondrnegen su boi: Nanem e nderm su do da loh uo. 33I bode: Sie bi nano sie ndere? 34I lele le ndro su lao aden masi su do da ngondrnegen i boi: Ogo nano ogo ndere! 35Hom hirong nongen ad Jehova, hineni, i ndere, i biso, i nano!
Valgt i Øjeblikket:
Markus 3: LLENT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Published by the British and Foreign Bible Society 1956
