यूहन्ना 14
14
यीशु का अपड़ा चेलों तैं ढाढस दींण
1“तुमारो मन परेशान नि हो, तुम परमेश्वर पर विश्वास रखदा छा मि पर भि विश्वास रखा। 2मेरा पिता का घौर मा रौंणु कु भौत सी जगह छिनी जु नि हूंद त मि तुम बट्टी बोलि दींदु किलैकि मि तुम कु जगह तैयार कनु कु जांणु छौं। 3मेरा जांण अर तैयारी कना का बाद तुम कु जगह तैयार करुलु कि फिर तुम मा ऐ के तुम मि दगड़ी रौंणु कु लिजौलु की जख मि रौलु उखि तुम भि रैल्या।
मार्ग, सत्य अर जीवन
4अर जख मि जांणु छौं तुम उख वीं जगह का बट्टा जख मि जांणु छों जंणदा छा।” 5थोमा ल वेमा बोलि, “हे प्रभु हम नि जंणदा कि तुम कख जांणा छा त बाटु हम ल कनके जंणन?” 6यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु। 7जु तुम ल मि जांणि हूंद त मेरा बुबा तैं भि जंणदा अर अब वे तैं जंणदा छयां अर वे तैं देखि भि च।” 8फिलिप्पुस ल वेमा बोलि, “हे प्रभु पिता परमेश्वर तैं हम तैं दिखै द्यावा यु हम संतुष्ट हवे जां।” 9यीशु ल वेमा बोलि, “हे फिलिप्पुस मि इथग दिनों बट्टी तुमारा दगड़ा मा छौं क्य तु मि तैं नि जंणदी? जैल मि देखु वेल बुबा तैं देखेलि। तू किलै बुल्णी छै कि बुबा हम तैं दिखै द्या? 10मि बुबा मा छों अर बुबा मि मा च क्य तु यूं बातों पर विश्वास नि करदी? यु बात जु मि तुम बट्टी बुल्द छों, अपड़ी अर बट्टी नि बुल्दो, पर बुबा मि मा रै के करदो च जु उ चांदो च। 11मेरू ही विश्वास कैरा, कि मि बुबा मा छौं अर बुबा मि मा च जु चमत्कार मिल कैरी छा मेरू विश्वास कैरा।
यीशु का नौं बट्टी परमेश्वर बट्टी प्रार्थना
12मि तुम मा सच-सच बुल्ण छौं जु मि पर विश्वास रखदु यूं कामों तैं जौं तैं मि करदु उ भि करलो बल्कि यां बट्टी भि बड़ा काम करुलु किलैकि मि बुबा मा जांणु छौं। 13जु कुछ तुम मेरा नौं से मंगिल्या उ ही मि करुलु कि मि नौंना का द्वारा बुबा कि बड़ै हो। 14जु तुम मि बट्टी मेरा नौं से कुछ भि मंगिल्या त मि उन कैरी दयुलु।
पवित्र आत्मा बट्टी प्रतिज्ञा
15जु तुम मि बट्टी प्रेम करदां त मेरी आज्ञाओं कु पालन करिल्या। 16मि पिता परमेश्वर बट्टी प्रार्थना करुलु अर उ तुम तैं एक और मददगार दयालो की उ सदनी तुमारा दगड़ा मा रालो। 17या पवित्र आत्मा च जु सैरा सचै मा अगवै करदु च जै तैं दुनिया अपणे नि सकद किलैकि उ न वे तैं दिखदु च अर न वे तैं जंणदु च तुम वे तैं जंणदा छा किलैकि उ तुमारा दगड़ा रौंदो च अर उ तुम मा होलो। 18मि तुम तैं अनाथ नि छोड़लु मि तुम मा आंणु छौं। 19जरा ही बगत मा दुनिया मि तैं नि दिखल्या, तुम मि तैं दिखल्या किलैकि मि फिर से ज्यूँदो हवे जालो अर इलै तुम भि ज्यूँदो रैला। 20जब मि ज्यूँदो हुलु तब तुम जणिल्या कि मि अपड़ा बुबा मा छौं अर तुम मि मा अर मि तुम मा रौंदु छौं। 21जु मेरी आज्ञा तैं जंणदु च अर उ, ऊं तैं मंणदु च उ ही मि बट्टी प्रेम रखदु च अर जु मि तैं प्रेम रखदु, वे बट्टी मेरू बुबा प्रेम रखलु अर मि वे बट्टी प्रेम रखलु अर अफ तैं वे पर प्रगट करलो।” 22वे यहूदा ल जु इस्करियोती नि छो बोलि, “हे प्रभु, क्य हवे कि तु अफ तैं हम पर प्रगट कन चांणि छै अर दुनिया का लुखुं पर न” 23यीशु ल वे तैं जवाब दींनि, “मि अफ तैं इन लुखुं तैं दिखांदु जु मि तैं प्रेम करदींनि अर जु मेरी शिक्षा कु पालन करदींनि अर हम औला अर वेका दगड़ी रोला। 24जु मि से प्रेम नि रखदु उ मेरी आज्ञा नि मंणदु” अर जु वचन तुम सुंणदा छा उ मेरा न बल्कि बुबा का छिनी जैल मि तैं भेजि। 25“यु बात मिल तुमारा दगड़ा रौंद तुम मा बुलिनि। 26पर मददगार यानि पवित्र आत्मा जै तैं बुबा मेरा अधिकार का दगड़ी भेजलो पवित्र आत्मा तुम तैं सभि बात सिखालो अर जु कुछ मिल तुम मा बोलि जांणा सब तुम तैं याद दिलालो।
यीशु कु शान्ति का उपहार
27मि तुम तैं शान्ति दींणु छौं, अपड़ी शान्ति तुम तैं दींणु छौं” यु उ शान्ति नि च जु दुनिया दे सकदु च; तुमारो मन परेशान नि हो अर न डैरो। 28तुम ल सुणैयेलि कि मिल तुम मा बोलि, मि जांणु छौं अर तुम मा फिर औलु जु तुम मि से प्रेम रखदा त ईं बात से खुश हूंद्यां कि मि बुबा मा जांणु छौं किलैकि बुबा मि से जादा बड़ो च। 29अर मिल अब यूं बातों का हूंण से पैली तुम मा बोल्यालि छो की जब उ हवे जु त तुम मि पर विश्वास कैरा। 30मि मा तुम दगड़ी बात कनु कु जादा बगत नि बच्युं च किलैकि ये दुनिया कु सरदार शैतान आंणु च अर मि पर वेको कुई अधिकार नि च अर मि पर वेकु कुई वश नि च। 31मि उन ही करदु छों जन बुबा मि तैं आज्ञा दींनि कि दुनिया का लुखुं तैं पता चलि जौ की मि बुबा बट्टी प्रेम करदु छों।
Valgt i Øjeblikket:
यूहन्ना 14: GHMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
