Populære bibelvers fra यूहन्ना 14

Del

मि तुम तैं शान्ति दींणु छौं, अपड़ी शान्ति तुम तैं दींणु छौं” यु उ शान्ति नि च जु दुनिया दे सकदु च; तुमारो मन परेशान नि हो अर न डैरो।

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

“तुमारो मन परेशान नि हो, तुम परमेश्वर पर विश्वास रखदा छा मि पर भि विश्वास रखा।

पर मददगार यानि पवित्र आत्मा जै तैं बुबा मेरा अधिकार का दगड़ी भेजलो पवित्र आत्मा तुम तैं सभि बात सिखालो अर जु कुछ मिल तुम मा बोलि जांणा सब तुम तैं याद दिलालो।

जु मेरी आज्ञा तैं जंणदु च अर उ, ऊं तैं मंणदु च उ ही मि बट्टी प्रेम रखदु च अर जु मि तैं प्रेम रखदु, वे बट्टी मेरू बुबा प्रेम रखलु अर मि वे बट्टी प्रेम रखलु अर अफ तैं वे पर प्रगट करलो।”

मि पिता परमेश्वर बट्टी प्रार्थना करुलु अर उ तुम तैं एक और मददगार दयालो की उ सदनी तुमारा दगड़ा मा रालो। या पवित्र आत्मा च जु सैरा सचै मा अगवै करदु च जै तैं दुनिया अपणे नि सकद किलैकि उ न वे तैं दिखदु च अर न वे तैं जंणदु च तुम वे तैं जंणदा छा किलैकि उ तुमारा दगड़ा रौंदो च अर उ तुम मा होलो।

जु कुछ तुम मेरा नौं से मंगिल्या उ ही मि करुलु कि मि नौंना का द्वारा बुबा कि बड़ै हो। जु तुम मि बट्टी मेरा नौं से कुछ भि मंगिल्या त मि उन कैरी दयुलु।

जु तुम मि बट्टी प्रेम करदां त मेरी आज्ञाओं कु पालन करिल्या।

मेरा पिता का घौर मा रौंणु कु भौत सी जगह छिनी जु नि हूंद त मि तुम बट्टी बोलि दींदु किलैकि मि तुम कु जगह तैयार कनु कु जांणु छौं।

मेरा जांण अर तैयारी कना का बाद तुम कु जगह तैयार करुलु कि फिर तुम मा ऐ के तुम मि दगड़ी रौंणु कु लिजौलु की जख मि रौलु उखि तुम भि रैल्या।

थोमा ल वेमा बोलि, “हे प्रभु हम नि जंणदा कि तुम कख जांणा छा त बाटु हम ल कनके जंणन?”