Marako 11
11
1Aii kali añi Yerusalemia di Betepagea, Betaniaa di be, kira Bilaya palese, adi dre dia iri ai tayilepi dii muzo, 2Dre taza aiidri, Mì do lati lizo ba ami lagana di lena: drañano mì dre cazo bana, dongemva lile di mì ni kušu, dia mba teji drina dre ko; mì kotri, mì kali aba. 3Dia kota amidri di, ki di, Mì o nidi adose ya? Mì kota, Miri adre lavona be: drañano akodi kamu agole nole. 4Aii dreki njizo, dreki dongemva kušuzo a’i jotile amvelese lati balea; aii dre triza. 5Dia arukaba adrelepi nale dii dreki taza aiidri, Mì adre ado o ya dongemva trira’a? 6Aii dreki taza aiidri, ngoro Yesu adre tale di tini: aii dreki lati fezo aiidri. 7Aii dreki alizo dongemva be Yesu vuna; dre aikia bongo bazo amvona’a; adi dre lirizo drina. 8Dia bi adreki aiiki bongo tajazo lati balea; arukaba dreki fekola toṅozo amvuase bale. 9Dia lilepi dridri dii, dia lilepi velero dii, dreki lenzezo, ki di, Osana, beneditu kadre dia alilepi Mirini ruse di dri̱. 10Beneditu kadre mataya alilepi amaki ata Dawidi adea dri̱: Osana, buna kuruna ambani.
11Adi dre šizo Yerusalemina, yekaluna, i kolebe mi i lagase di nga no o̱ei, kitu dre ndira’a ñanomvano adi dre fozo lile Betaniana mudri‐dri‐iri nii be.
12Kitu tudru dise, aii kafoki Betanialese di, tebiri o adini. 13Dre malobia nora’a rararo febi be, adi ali, ngale i kokušuru malobilo’wa drina’a ya di; adi kali fendu di i kušu cere febie, lokia malobia dre ’azo di acadre ko. 14Adi dre ta akozo, dre taza fedri; Ñano dia alo di koña ami lo’wa kona vuse kolia ko. Dia adi tayilepi dii dreki yiza.
15Aii dreki acazo Yerusalemina: adi dre šizo yekaluna, dre dia adrelepi ngagi dii bazo ladrole, dia alilepi ngagi yekaluna dii be, dre mesa dia parata tifolepi diikia lizizo vudri, nga lirizo dii dia kobola gilepi diikia be; 16adi le dia kodoro ledri Yekaluase ko. 17Adi dre ta tadazo, dre taza aiidri, A tiši ta dre ko ya, ki di, A kozi ama jo jo ta ngozo Nzambe kandra di dia o̱ei diiki šuru. Mì adre o na jo kugukia rukebezo diro. 18Koani dridri dii e dia tatišilepi dii be dreki yiza, dreki ta ndazo adini kizazo: aii dreki adini role roro dise, dialezolepi diiki lindri dre gale gaga dise adini ta tadale dise.
19Kitu ko ndi di adi fo ba murungu diase kolia.
20Aii dreki lavura’a dribise aii noki malobia ’yodre komvualese. 21Ta dre agazo Petero a, akodi dre taza adidri, Rabbi, mi no ka, malobia mi dre litrile di ’yodre. 22Yesu dre ta akozo tale aiidri, ki di, Mì koka’i Nzambedri. 23Ma ta amidri pati dia angodi ya kota ta kira nidi dri̱, ki di, A tinga mi bele yi murunguna, akodi koka’i ta nidi ka̱ika̱i ai togona ko, koka’i ta i dre tale di kacaro; akodi kado ta nidi vele. 24Kadre nitini ma ta amidri pati, Tai o̱ei dii ado ta ya mì dre Nzambe ti zizo ngozo di, mì koka’i mì do ta nidi dre, mì kodoro ta nidi vele. 25Angutu ya mì dre adrezo ngole Nzambe kandra di, ta be amiki togona dia ru di, mì kotiza: amikia Ata adrelepi buna di kotizaro amikia takonji indi. 26Mì kotiza ko di, amiki Ata adrelepi buna di kotiza amiki ta konji ko.
27Aii dreki alizo todia Yerusalemina: adi dre tecira’a yekaluna koani dridri dii e, dia tatišilepi dii e, maligae be aii aliki adi vuna. 28Aii dreki taza adidri, Mi o ta nii mi la̱njila̱nji angodise ya? Adi ba ami mi la̱njile la̱njila̱nji ta nii o ya? 29Yesu dre taza aiidri, Ma lizi ami ta alo nise, mì kako ta tale ma ti, ma dre tazo amidri mi la̱njila̱nji angodise ya ma adre ta nii o di. 30Ta batisimo Yoane adea aši kurulese ya? ta diakia di ya? Mi kako ta tale ma ti. 31Aii dreki ta lizizo aiki kofulease, ki di, Mà kota aši kurulese di adi kotaro, Mì ka’i adidri ko adose ya? 32Mà kotaro, Ta diakia di e; aii ro dia nii roro, dia o̱ei pati aii dreki Yoaneni zile nabiro dise. 33Aii dreki ta akozo Yesu ti, dre taza, Mà ni ko. Yesu dre taza aiidri, Mi la̱njila̱nji angodise ya ma adre ta nii o di, ma ta amidri ko kani’a.
Valgt i Øjeblikket:
Marako 11: LOG
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
first printed by the British and Foreign Bible Society in 1924 and 1927.
